West Bengal: બંગાળમાં નથી અટકી રહી હિંસા, પુરુલિયામાં TMC નેતાની ગોળી મારીને કરી હત્યા
ટીએમસી સમર્થકો શુક્રવારે સવારથી આદ્રા શહેરના રસ્તાઓ પર ટાયરો સળગાવીને વિરોધ કરી રહ્યા છે. તેમનો દાવો છે કે હુમલાખોરોની ધરપકડ ન થાય ત્યાં સુધી રસ્તા રોકો આંદોલન ચાલુ રહેશે. પોલીસ સુત્રોના જણાવ્યા મુજબ કેટલાક શંકાસ્પદ લોકોની યાદી તૈયાર કરવામાં આવી રહી છે અને તેમની પૂછપરછ કરવામાં આવી રહી છે.
West Bengal: પશ્ચિમ બંગાળના પુરુલિયા જિલ્લામાં TMC નેતાની હત્યા બાદ વિસ્તારમાં ખળભળાટ મચી ગયો છે. ટીએમસી સમર્થકો શુક્રવારે સવારથી આદ્રા શહેરના રસ્તાઓ પર ટાયરો સળગાવીને વિરોધ કરી રહ્યા છે. તેમનો દાવો છે કે હુમલાખોરોની ધરપકડ ન થાય ત્યાં સુધી રસ્તા રોકો આંદોલન ચાલુ રહેશે. બીજી તરફ પોલીસ (Police) સુત્રોના જણાવ્યા મુજબ તપાસ ઘણી આગળ વધી ચૂકી છે. કેટલાક શંકાસ્પદ લોકોની યાદી તૈયાર કરવામાં આવી રહી છે અને તેમની પૂછપરછ કરવામાં આવી રહી છે. વિસ્તારમાંથી એકત્ર કરાયેલા સીસીટીવી ફૂટેજની પણ તપાસ કરવામાં આવી રહી છે.
તૃણમૂલના નેતાઓ અને કાર્યકરોમાં રોષ
ગુરુવારે સાંજે આદ્રા શહેર તૃણમૂલ પ્રમુખ ધનંજય ચૌબેની પાર્ટી કાર્યાલયમાં ગોળી મારીને હત્યા કરવામાં આવી હતી. હુમલાખોરોએ કરેલા ગોળીબારમાં ધનંજયના અંગરક્ષક રાજ્ય પોલીસ કોન્સ્ટેબલ શેખર દાસને પણ ઈજા થઈ હતી. હુમલાખોરોએ તૃણમૂલ નેતા અને તેના અંગરક્ષકને ગોળી મારીને ભાગી ગયા બાદ સ્થાનિક લોકોએ બંનેને રઘુનાથપુર મેડિકલ કોલેજ હોસ્પિટલમાં લઈ ગયા હતા. પંચાયત ચૂંટણીના માહોલમાં આ ઘટનાના સમાચાર વિસ્તારમાં ફેલાઈ જતાં તૃણમૂલના નેતાઓ અને કાર્યકરોમાં રોષ ફાટી નીકળ્યો હતો.
TMC નેતાની હત્યાના વિરોધમાં આદ્રામાં વિરોધ પ્રદર્શન
તેઓએ શુક્રવારે આદ્રા રોડને જામ કરીને વિરોધ કર્યો હતો. શહેરમાં સવારથી દુકાનો પણ બંધ છે. સ્થાનિક તૃણમૂલ નેતા બાબુ ચટ્ટોપાધ્યાયે કહ્યું, અમને પોલીસ પર વિશ્વાસ છે કે તેઓ હુમલાખોરોને શોધી કાઢશે. પરંતુ જ્યાં સુધી તેની ધરપકડ કરવામાં નહીં આવે ત્યાં સુધી ઘેરાબંધી ચાલુ રહેશે. ગોળીબાર બાદ સ્થિતિ ધીમે ધીમે શાંત થઈ ગઈ હતી. પોલીસ સૂત્રોના જણાવ્યા અનુસાર, જ્યાં ધનંજયની હત્યા કરવામાં આવી હતી તે પાર્ટી ઓફિસની આસપાસના વિસ્તારના સીસીટીવી કેમેરામાંથી ઘણા ફૂટેજ એકત્ર કરવામાં આવ્યા છે. તેમની તપાસ કરવામાં આવી રહી છે.
આ પણ વાંચો : અમિત શાહ જમ્મુ કાશ્મીરની લેશે મુલાકાત, 23-24 જૂને અમરનાથ યાત્રાની તૈયારીઓની કરશે સમીક્ષા
પાર્ટી ઓફિસની અંદર સીસીટીવી કેમેરા પણ છે. જો કે તે તૂટી ગયા છે. પોલીસ સૂત્રોના જણાવ્યા અનુસાર, હત્યાની ઘટના બાદ જિલ્લા પોલીસ અધિકારીઓ સ્નિફર ડોગ્સ લઈને આવ્યા હતા અને ઘટનાસ્થળની મુલાકાત લીધી હતી.
બાઇક સવારોએ ટીએમસી નેતાની ગોળી મારી હત્યા કરી
શુક્રવારે સવારે પણ પાર્ટી ઓફિસની સામેના રોડ પર લોહીના ડાઘા જોવા મળ્યા હતા. પ્રત્યક્ષદર્શીઓએ જણાવ્યું કે સાંજે ધનંજય કાર્યકર્તાઓ સાથે પાર્ટી ઓફિસની બાલ્કનીમાં બેઠા હતા. શેખર પણ ત્યાં હતો. ત્યારે જ બે લોકો બાઇક પર પાર્ટી ઓફિસે આવ્યા હતા. આ પછી હુમલાખોરો મોટરસાઈકલ છોડીને ઘટનાસ્થળેથી ફરાર થઈ ગયા હતા. પોલીસ સૂત્રોના જણાવ્યા અનુસાર સંભવિત હુમલાખોરોની યાદી તૈયાર કરવામાં આવી છે. હુમલાખોરો જે બાઇક છોડી ગયા હતા તેની તપાસ કરવામાં આવી રહી છે.
