Weather Update: દિલ્હીવાસીઓને કાળઝાળ ગરમીથી મળશે રાહત, ભારે પવન સાથે વરસાદ પડશે
Weather Update: ભારતીય હવામાન વિભાગે ટ્વિટ કર્યું કે કરનાલ, પાણીપત અને હરિયાણાના આસપાસના વિસ્તારોમાં ભારે પવન સાથે હળવો વરસાદ પડી શકે છે.
નવી દિલ્હીઃ દિલ્હી-એનસીઆરના લોકો આકરી ગરમીના કારણે પરેશાન છે. સોમવારે દિલ્હીનું મહત્તમ તાપમાન 46 ડિગ્રીને પાર કરી ગયું હતું. મંગળવારે પણ કાળઝાળ ગરમીના કારણે લોકો ત્રાહિમામ પોકારી ગયા હતા. જો કે સાંજના સમયે વાતાવરણમાં થોડો ફેરફાર જોવા મળ્યો હતો. દિલ્હી-એનસીઆરમાં મંગળવારે સાંજે ભારે પવન સાથે આકાશ વાદળછાયું રહ્યું હતું. જેના કારણે લોકોને ગરમીમાંથી થોડી રાહત મળી છે. રાષ્ટ્રીય સમાચાર અહીં વાંચો.
દરમિયાન, ભારતીય હવામાન વિભાગ (IMD) એ એલર્ટ જાહેર કરીને કહ્યું કે આગામી થોડા કલાકોમાં દિલ્હી અને તેની આસપાસના જિલ્લાઓમાં આંધી-વાવાઝોડું આવી શકે છે. જોરદાર પવનની ઝડપ 30-60 કિમી રહેશે. સમગ્ર દિલ્હી-એનસીઆર આ પવનની લપેટમાં રહેશે. આ સાથે અનેક જગ્યાએ હળવા વરસાદની પણ આગાહી કરવામાં આવી છે.
આ ભાગોમાં વરસાદનું એલર્ટ છે
ભારતીય હવામાન વિભાગે ટ્વિટ કર્યું છે કે હરિયાણાના કરનાલ, પાણીપત અને આસપાસના વિસ્તારોમાં ભારે પવન સાથે હળવો વરસાદ પડી શકે છે. હવામાન વિભાગના જણાવ્યા અનુસાર, તેજ પવનની ઝડપ 40-50 કિલોમીટર પ્રતિ કલાક હોઈ શકે છે. આ સાથે ઉત્તર પ્રદેશના શામલી, કાંધલા, દેબાઈ, નરોરા, અત્રૌલી, નંદગાંવ, બરસાના, મથુરા, આગ્રામાં જોરદાર પવન સાથે ઝરમર વરસાદ પડી શકે છે.
રાજસ્થાન અને હરિયાણામાં વરસાદ પડી શકે છે
હવામાન વિભાગે કહ્યું કે આગામી કેટલાક કલાકોમાં રાજસ્થાનના નાદબાઈ, ભરતપુર, મહવા, મહેંદીપુર બાલાજીમાં ભારે પવન સાથે હળવો વરસાદ પડી શકે છે. હરિયાણાના આદમપુર, હિસાર, ભિવાની, હાંસી, સિવાની, મહેમ, તોશામની આસપાસના વિસ્તારોમાં પણ હળવો વરસાદ જોવા મળી શકે છે.
23/05/2023: 19:45 IST:
Dust storm with gusty winds speed of 30-60 Km/h would occur over and adjoining areas of entire Delhi and NCR.
Thunderstorm with light to moderate intensity rain and gusty winds with speed of 40-50 Km/h would occur over and adjoining areas of Karnal,
— India Meteorological Department (@Indiametdept) May 23, 2023
આ પણ વાંચો: Dying Cheetahs in Kuno: કુનો નેશનલ પાર્કમાં એક બાળ ચિત્તાનું મોત, અત્યાર સુધીમાં ચાર ચિત્તાના થયા મોત
લોકોને હીટસ્ટ્રોકનો ખતરો છે
તમને જણાવી દઈએ કે છેલ્લા ઘણા દિવસોથી દિલ્હી-NCRનું તાપમાન ઘણું વધી ગયું છે. માત્ર દિલ્હી-એનસીઆર જ નહીં સમગ્ર ઉત્તર પ્રદેશ આકરી ગરમીની ઝપેટમાં છે. દિવસ દરમિયાન ગરમીનો પ્રકોપ જોવા મળી રહ્યો છે. કાળઝાળ ગરમીના કારણે લોકોમાં હીટસ્ટ્રોકનો ભય સતાવી રહ્યો છે.
Latest News Updates
