Russia-Ukraine War: યુક્રેનના યુદ્ધમાં ભારતીય વિદ્યાર્થીનું મોત, વડાપ્રધાન મોદીએ મૃતકના પિતા સાથે કરી વાત

Russia-Ukraine War: યુક્રેનના યુદ્ધમાં ભારતીય વિદ્યાર્થીનું મોત, વડાપ્રધાન મોદીએ મૃતકના પિતા સાથે કરી વાત
PM Narendra Modi - File Photo

વિદેશ મંત્રાલયે ટ્વીટ કરીને વિદ્યાર્થીના મોતની જાણકારી આપી હતી. મંત્રાલયે ટ્વિટ કર્યું, અત્યંત દુઃખ સાથે અમે પુષ્ટિ કરીએ છીએ કે આજે સવારે ખાર્કિવમાં ગોળીબારમાં એક ભારતીય વિદ્યાર્થીનું મોત થયું છે.

TV9 GUJARATI

| Edited By: Bhavesh Bhatti

Mar 01, 2022 | 6:48 PM

યુક્રેનના (Ukraine) ખાર્કિવમાં મંગળવારે ગોળીબારમાં એક ભારતીય વિદ્યાર્થીનું મોત થયું હતું. તે જ સમયે, વડાપ્રધાન નરેન્દ્ર મોદીએ (Narendra Modi) ગોળીબારમાં માર્યા ગયેલા ભારતીય વિદ્યાર્થી નવીન શેખરપ્પાના પિતા સાથે વાત કરી. યુક્રેનમાં માર્યા ગયેલા વિદ્યાર્થી કર્ણાટકનો રહેવાસી હતો. છેલ્લા અઠવાડિયાથી રશિયા અને યુક્રેન વચ્ચે યુદ્ધ ચાલી રહ્યું છે. આ યુદ્ધમાં અત્યાર સુધીમાં મોટી સંખ્યામાં લોકો માર્યા ગયા છે. પરંતુ આ યુદ્ધમાં ભારતીય વ્યક્તિના મોતનો આ પહેલો કિસ્સો છે. આવી સ્થિતિમાં યુક્રેનમાં ફસાયેલા ભારતીયોને બહાર લાવવા માટે ભારત સરકાર શ્રેષ્ઠ પ્રયાસો કરી રહી છે. વિશેષ વિમાનો દ્વારા ભારતીયોને બહાર કાઢવામાં આવી રહ્યા છે.

વિદેશ મંત્રાલયે ટ્વીટ કરીને વિદ્યાર્થીના મોતની જાણકારી આપી હતી. મંત્રાલયે ટ્વિટ કર્યું, અત્યંત દુઃખ સાથે અમે પુષ્ટિ કરીએ છીએ કે આજે સવારે ખાર્કિવમાં ગોળીબારમાં એક ભારતીય વિદ્યાર્થીનું મોત થયું છે. મંત્રાલયે કહ્યું કે તે વિદ્યાર્થીના પરિવારના સંપર્કમાં છે. તેમાં કહેવામાં આવ્યું છે કે, અમે પરિવાર પ્રત્યે ઊંડી સંવેદના વ્યક્ત કરીએ છીએ.

આ સંદર્ભમાં એક અધિકારીએ જણાવ્યું કે વિદ્યાર્થી કર્ણાટકના હાવેરી જિલ્લાના ચલગેરીનો રહેવાસી હતો. કર્ણાટક સ્ટેટ ડિઝાસ્ટર મેનેજમેન્ટ ઓથોરિટીના કમિશનર ડૉ. મનોજ રાજને જણાવ્યું હતું કે હાવેરી જિલ્લાના ચલગેરીના વતની નવીન શેખરપ્પા જ્ઞાનગૌદરનું મૃત્યુ થયું હતું.

કર્ણાટકના CM બોમાઈએ વિદ્યાર્થીના પિતા સાથે વાત કરી હતી

કર્ણાટકના મુખ્યમંત્રી બસવરાજ બોમાઈએ પણ વિદ્યાર્થીના મૃત્યુ પર શોક વ્યક્ત કર્યો છે. મુખ્યમંત્રીએ વિદ્યાર્થીના પિતા સાથે પણ વાત કરી છે. કર્ણાટકના સીએમએ કહ્યું, આ એક મોટો આંચકો છે. ભગવાન નવીનને શાશ્વત શાંતિ આપે. દુ:ખદ ઘટનાને સહન કરવા માટે તમારે બહાદુર હોવું જોઈએ.

હું મૃતકના પરિવાર પ્રત્યે મારી ઊંડી સંવેદના વ્યક્ત કરું છું. તેમના આત્માને શાંતિ મળે. ઘણા ભારતીયો હજુ પણ ખાર્કિવમાં અટવાયેલા છે જ્યાં રશિયાએ મોટું સૈન્ય આક્રમણ શરૂ કર્યું છે. તે જ સમયે, સરકાર ભારતીયોને પરત લાવવાનો માર્ગ પણ શોધી રહી છે. આ માટે સંબંધિત અધિકારીઓ સાથે વાતચીત ચાલી રહી છે.

ખાર્કિવમાં ભીષણ લડાઈ

બીજી તરફ, વિદેશ મંત્રાલયે કહ્યું કે વિદેશ સચિવ રશિયા અને યુક્રેનના રાજદૂતો સાથે વાત કરી રહ્યા છે જેમાં તેઓ ભારતીય નાગરિકો માટે ‘તાત્કાલિક સલામત માર્ગ’ની ભારતની માગનો પુનરોચ્ચાર કરશે જેઓ હજુ પણ ખાર્કિવમાં સંઘર્ષ વિસ્તારો અને અન્ય શહેરોમાં અટવાયેલા છે. તેમણે કહ્યું કે, રશિયા અને યુક્રેનમાં અમારા રાજદૂતો દ્વારા પણ આવી જ કાર્યવાહી કરવામાં આવી રહી છે.

આ પણ વાંચો : ભારતમાં કોરોનાની ચોથી લહેર ક્યારે આવશે ? નિષ્ણાતોએ જણાવ્યું આ મહિનામાં આવી શકે છે નવી લહેર

આ પણ વાંચો : Gurugram: બંધ ઘરમાં હથિયારો અને બોમ્બ હોવાની મળી માહિતી, પોલીસ અને બોમ્બ સ્ક્વોડ પહોંચી ઘટનાસ્થળે


Follow us on

Related Stories

Most Read Stories

Click on your DTH Provider to Add TV9 Gujarati