PM Modi Jammu Kashmir Visit: જમ્મુ-કાશ્મીરના લોકો પંચાયતી રાજથી વંચિત હતા, કલમ 370 હટાવવાથી તમે શક્તિશાળી બન્યાઃ PM મોદી

હું એક ભારત, શ્રેષ્ઠ ભારતની વાત કરું છું: PM

PM મોદીએ જમ્મુ-કાશ્મીરમાં કહ્યું કે, હું એક ભારત, શ્રેષ્ઠ ભારતની વાત કરું છું, પછી અમારું ધ્યાન કનેક્ટિવિટી પર છે અને અંતરો દૂર કરવા પર પણ છે. ભલે તે હૃદયની વાત હોય, ભાષાની વાત હોય, વર્તનની હોય કે સંસાધનોની હોય, તેને દૂર કરવી એ આજે ​​આપણી સૌથી મોટી પ્રાથમિકતા છે.

લોકલ ફોર વોકલના મંત્રમાં ભારતનો વિકાસ છુપાયેલો છેઃ PM

વડાપ્રધાન નરેન્દ્ર મોદી માને છે કે, વોકલ ફોર લોકલના મંત્રમાં ભારતનો વિકાસ છુપાયેલો છે. તેમણે જમ્મુ-કાશ્મીરમાં કહ્યું કે, ભારતના લોકતંત્રના વિકાસની શક્તિ પણ સ્થાનિક શાસન છે. તમારા કાર્યનો વિસ્તાર ભલે સ્થાનિક હોય, પરંતુ તેની સામૂહિક અસર વૈશ્વિક થવાની છે. આપણે સ્થાનિકની આ શક્તિને ઓળખવી પડશે.

પંચાયત હોય કે પાર્લામેન્ટ કોઈ પણ કામ નાનું નથી – PM

વડાપ્રધાને કહ્યું કે, સામૂહિક ખેતીથી નાના ખેડૂતોને ફાયદો થશે. દેશમાં 80 ટકા નાના ખેડૂતો છે. નાના ખેડૂતોને કેન્દ્ર સરકારની યોજનાઓનો મોટો લાભ મળ્યો છે. આ વર્ષે ભારતે વિદેશમાં ફળો અને શાકભાજીની વિક્રમી નિકાસ કરી છે. તેમણે કહ્યું કે, પછી ભલે તે પંચાયત હોય કે પાર્લામેન્ટ, કોઈપણ કામ નાનું નથી હોતું. જો હું પંચાયતમાં બેસીને સંકલ્પ લઈશ કે દેશને આગળ લઈ જવાનું કામ કરીશ તો દેશ ચોક્કસ આગળ વધશે.

દેશને કુપોષણ અને એનિમિયાથી બચાવવાની જરૂર છે – PM

જમ્મુ-કાશ્મીરમાં પીએમ મોદીએ કહ્યું કે ગ્રામ પંચાયતોએ બધાને સાથે લઈને વધુ એક કામ કરવું પડશે. દેશને કુપોષણ અને એનિમિયાથી બચાવવા માટે કેન્દ્ર સરકાર દ્વારા લેવામાં આવેલી પહેલ વિશે લોકોને જમીન પર જાગૃત કરવા પણ જરૂરી છે.

ધરતી માતાને કરાશે રસાયણોથી મુક્ત: PM

જમ્મુ-કાશ્મીરમાં પીએમ મોદીએ કહ્યું કે, ધરતી માતાને કેમિકલથી મુક્ત કરવી પડશે. તેથી જો આપણું ગામ, આપણો ખેડૂત કુદરતી ખેતી તરફ આગળ વધશે તો સમગ્ર માનવજાતને ફાયદો થશે. આપણે ગ્રામ પંચાયતના સ્તરે કુદરતી ખેતીને કેવી રીતે પ્રોત્સાહિત કરી શકીએ તે માટે પણ સામૂહિક પ્રયાસો જરૂરી છે.

જમ્મુ-કાશ્મીરના લોકો પંચાયતી રાજથી વંચિત

પીએમ મોદીએ જમ્મુ-કાશ્મીરના યુવાનોને કહ્યું કે, તમારા માતા-પિતા, દાદા-દાદી અને નાના-નાનીને જે તકલીફો સાથે જીવન જીવવું પડ્યું. તમારે એવું જીવન ક્યારેય જીવવું નહીં પડે. હું તમને આ કરીને બતાવીશ.

આઝાદીનો આ અમૃતકાળ ભારતનો સુવર્ણકાળ છે – PM

વડાપ્રધાન નરેન્દ્ર મોદીએ કહ્યું કે, આઝાદીનો આ અમૃતકાળ ભારતનો સુવર્ણકાળ બનવાનો છે. આ સંકલ્પ સૌના પ્રયાસોથી સાબિત થવાનો છે. આમાં લોકશાહીના પાયાના એકમ ગ્રામ પંચાયત અને તમારા બધા સહયોગીઓની ભૂમિકા ખૂબ જ મહત્વપૂર્ણ છે.

પલ્લી પંચાયત દેશની પ્રથમ કાર્બન ન્યુટ્રલ પંચાયત બનવાના માર્ગે છે – PM

પીએમ મોદીએ સાંબા જિલ્લાના પલ્લી ખાતે ગ્રામ પંચાયતોને સંબોધિત કરતા કહ્યું કે, પલ્લી પંચાયત દેશની પ્રથમ કાર્બન ન્યુટ્રલ પંચાયત બનવા તરફ આગળ વધી રહી છે. આજે મને પલ્લી ગામમાં દેશના ગામડાઓના લોકપ્રતિનિધિઓ સાથે પણ જોડાવવાનો મોકો મળ્યો છે. આ મહાન સિદ્ધિ અને વિકાસ કાર્યો માટે જમ્મુ-કાશ્મીરને ખૂબ ખૂબ અભિનંદન.

જમ્મુ-કાશ્મીરમાં આજે દરેકને અનામતનો લાભ મળી રહ્યો છેઃ PM

પીએમ મોદીએ જમ્મુ-કાશ્મીરમાં કહ્યું કે, દાયકાઓથી વાલ્મિકી સમાજના પગમાં જે બેડીઓ લગાવવામાં આવી હતી તેમાંથી તેઓ મુક્ત થયા છે. આજે દરેક સમાજના દીકરા-દીકરીઓ પોતાના સપના પૂરા કરવા સક્ષમ છે. જમ્મુ-કાશ્મીરમાં વર્ષોથી જે લોકોને અનામતનો લાભ મળ્યો ન હતો, હવે તેઓને પણ અનામતનો લાભ મળી રહ્યો છે.

જમ્મુ અને કાશ્મીરમાં પંચાયતી રાજ દિવસની ઉજવણી મોટા પરિવર્તનની નિશાની છેઃ PM

પીએમ મોદીએ કહ્યું કે, આ વખતે જમ્મુ-કાશ્મીરમાં પંચાયતી રાજ દિવસ ઉજવવામાં આવી રહ્યો છે તે એક મોટા પરિવર્તનનું પ્રતીક છે. ખૂબ જ ગર્વની વાત છે કે જમ્મુ-કાશ્મીરમાં જ્યારે લોકશાહી પાયા સુધી પહોંચી ગઈ છે, ત્યારે અહીંથી હું દેશભરની પંચાયતો સાથે વાતચીત કરી રહ્યો છું.

જમ્મુ-કાશ્મીરના યુવાનોને મળશે રોજગાર – PM

વડાપ્રધાને કહ્યું કે, જમ્મુ અને કાશ્મીરના વિકાસને નવી ગતિ આપવા માટે રાજ્યમાં ઝડપથી કામ ચાલી રહ્યું છે. આ પ્રયાસોથી જમ્મુ-કાશ્મીરના મોટી સંખ્યામાં યુવાનોને રોજગાર મળશે.

હું વિકાસનો સંદેશ લઈને આવ્યો છુંઃ PM મોદી

જમ્મુ-કાશ્મીરના સાંબા જિલ્લાના પલ્લી ગામમાં વડાપ્રધાન નરેન્દ્ર મોદીએ કહ્યું કે, હું વિકાસનો સંદેશ લઈને આવ્યો છું. જમ્મુ અને કાશ્મીરમાં વિકાસને વેગ આપવા માટે આજે 20,000 કરોડ રૂપિયાથી વધુના પ્રોજેક્ટનું ઉદ્ઘાટન કરવામાં આવ્યું છે.

પીએમ મોદીએ કિશ્તવાડ જિલ્લામાં આ બે પ્રોજેક્ટનો શિલાન્યાસ કર્યો

વડાપ્રધાન નરેન્દ્ર મોદીએ કિશ્તવાડ જિલ્લામાં ચિનાબ નદી પર 850 મેગાવોટની રેટલે હાઇડ્રોઇલેક્ટ્રિક પ્રોજેક્ટ અને 540 મેગાવોટ કવાર હાઇડ્રોઇલેક્ટ્રિક પ્રોજેક્ટનો શિલાન્યાસ કર્યો.

પીએમ મોદીનું સંબોધન શરૂ

જમ્મુ-કાશ્મીરની મુલાકાતે PM મોદીનું સંબોધન શરૂ થઈ ગયું છે. તેઓ હાલમાં દેશભરની પંચાયતોને સંબોધિત કરી રહ્યા છે.

PMએ પલ્લી ગામમાં 500 kW સોલાર પાવર પ્લાન્ટનું કર્યું ઉદ્ઘાટન

વડા પ્રધાન નરેન્દ્ર મોદીએ દિલ્હી-અમૃતસર-કટરા એક્સપ્રેસવેનો શિલાન્યાસ કર્યો અને જમ્મુ અને કાશ્મીરના સાંબા જિલ્લામાં 108 જન ઔષધિ કેન્દ્રો સાથે પલ્લી ગામમાં 500 kW સોલાર પાવર પ્લાન્ટનું ઉદ્ઘાટન કર્યું.

રોકાણ 70,000 કરોડને પાર

એલજી મનોજ સિન્હાએ કહ્યું, પીએમ મોદીએ જમ્મુ-કાશ્મીરને નવી ઔદ્યોગિક યોજના આપી છે. આઝાદી બાદ માત્ર 15,000 કરોડનું રોકાણ થયું હતું, પરંતુ અમે 52,000 કરોડનો પ્રસ્તાવ મૂક્યો છે, જ્યારે પીએમ 38,000 કરોડના પ્રોજેક્ટનું ઉદ્ઘાટન કરશે. અમે અપેક્ષા રાખીએ છીએ કે રોકાણ 70,000 કરોડને પાર કરી જશે.

PM મોદી જમ્મુના સાંબા પહોંચ્યા

પીએમ મોદી જમ્મુના સાંબા પહોંચી ગયા છે. તે અહીં પલ્લી ગામમાં આવ્યા છે. કલમ 370 નાબૂદ કર્યા પછી આ તેમની પ્રથમ મુલાકાત છે.

ભાજપના આગેવાનો દ્વારા PMનું ઉષ્માભર્યું સ્વાગત

PM મોદી જમ્મુ એરપોર્ટ પર પહોંચ્યા

વડાપ્રધાન નરેન્દ્ર મોદી જમ્મુ એરપોર્ટ પર પહોંચી ગયા છે. તેમના આગમન પહેલા પાકિસ્તાની આતંકવાદીઓને ઠાર મરાયા છે. જેઓ તેમની મુલાકાતને પ્રભાવિત કરવા માંગતા હતા.

કલમ 370 હટાવ્યા બાદ પીએમ મોદીની પ્રથમ મુલાકાત

જમ્મુ-કાશ્મીરમાંથી કલમ 370 અને વિશેષ દરજ્જો હટાવ્યા બાદ વડાપ્રધાન નરેન્દ્ર મોદીની જમ્મુ-કાશ્મીરની આ પ્રથમ મુલાકાત છે.

પીએમ મોદી રાષ્ટ્રીય પંચાયતી રાજ દિવસની ઉજવણીમાં ભાગ લેશે

વડાપ્રધાન નરેન્દ્ર મોદી આજે સવારે 11.30 વાગ્યે રાષ્ટ્રીય પંચાયતી રાજ દિવસની ઉજવણીમાં ભાગ લેશે. આ દરમિયાન તેઓ દેશભરની તમામ ગ્રામસભાઓને સંબોધિત કરશે.

મોદીની રેલીથી 12 કિમી દૂર ફાર્મમાં બ્લાસ્ટ

સાંબા જિલ્લાના પલ્લી ગામમાં આજે યોજાનારી પીએમ મોદીની રેલીથી 12 કિમી દૂર લલિયાના ગામમાં એક ખેતરમાં બ્લાસ્ટ થયો છે. ઘટના બાદ સુરક્ષા દળના જવાનો ઘટનાસ્થળે પહોંચી ગયા છે અને મામલાની તપાસ કરી રહ્યા છે.

બનિહાલ-કાઝીગુંડ રોડ ટનલનું ઉદ્ઘાટન

પ્રધાનમંત્રી 3100 કરોડ રૂપિયાથી વધુના ખર્ચે બનેલ બનિહાલ-કાઝીગુંડ રોડ ટનલનું ઉદ્ઘાટન કરશે. કુલ 8.45 કિમીની લંબાઈ ધરાવતી આ ટનલ બનિહાલ અને કાઝીગુંડ વચ્ચેનું અંતર 16 કિમી ઘટાડશે અને મુસાફરીનો સમય લગભગ દોઢ કલાક ઘટાડશે.

75 જળાશયોના વિકાસ સાથે સંબંધિત ‘અમૃત સરોવર’ પહેલનું ઉદ્ઘાટન કરશે

વડાપ્રધાન નરેન્દ્ર મોદી આજે ‘અમૃત સરોવર’ પહેલનું લોકાર્પણ કરશે. જમ્મુ અને કાશ્મીરની તેમની મુલાકાત પર, પીએમ મોદીએ એક ટ્વિટમાં જણાવ્યું હતું કે, તેઓ અમૃત સરોવર પહેલનું ઉદ્ઘાટન કરવા માટે ઉત્સુક છે, જેનો હેતુ દેશના દરેક જિલ્લામાં 75 જળાશયોને વિકસાવવા અને પુનર્જીવિત કરવાનો છે.