વડાપ્રધાન મોદીના ઉપહારોની કરવામાં આવી ઈ- હરાજી, નીરજ ચોપડાના ભાલાની લાગી અધધધ બોલી

વડાપ્રધાન નરેન્દ્ર મોદી (PM Modi)ને પ્રાપ્ત થયેલી પ્રતિષ્ઠિત ભેટો અને સ્મૃતિચિહ્નોની ઈ-હરાજીમાં નીરજ ચોપરા (Neeraj Chopra)ના ભાલાને સૌથી વધુ  બોલી મળી હતી. બીજી તરફ સુશોભિત ગદા, સ્ટેચ્યુ ઓફ યુનિટીની પ્રતિકૃતિ, સ્પિનિંગ વ્હીલ અને બેલ જેવી વસ્તુઓએ પણ મૂળ કિંમતની સરખામણીમાં બોલીની કિંમતની દ્રષ્ટિએ સૌથી વધુ બોલી મેળવી છે.

સરદાર પટેલની પ્રતિમા (140 બિડ), લાકડાના ગણેશ (117 બિડ), પુણે મેટ્રો લાઈન સ્મૃતિચિહ્ન (104 બિડ) અને વિક્ટ્રી ફ્લેમ સ્મૃતિચિહ્ન (98 બિડ)ને સૌથી વધુ બિડ મળી છે. સૌથી વધુ બોલીની કિંમતના સંદર્ભમાં પ્રથમ પસંદગીઓમાં નીરજ ચોપરાનો ભાલો ( 1.5 કરોડ રૂપિયા), ભવાની દેવીનો ઓટોગ્રાફ વાળો વાડ (1.25 કરોડ રૂપિયા), સુમિત એન્ટિલનો ભાલો (1.002 કરોડ રૂપિયા), ટોક્યો 2020 પેરાલિમ્પિક દ્વારા ઓટોગ્રાફ કરવામાં આવેલ અંગવસ્ત્રો હતા.

અગાઉ, નેશનલ ગેલેરી ઓફ મોર્ડન આર્ટ (એનજીએમએ)ના ડાયરેક્ટર જનરલ અદ્વૈત ગણનાયકે અમારી સહયોગી ચેનલ ટીવી 9 ભારતવર્ષ સાથેની ખાસ વાતચીતમાં જણાવ્યું હતું કે કુલ 1,348 ભેટો છે અને કરોડોમાં બોલી લગાવવામાં આવી રહી છે. આ હરાજીથી જમા થયેલી રકમને પ્રધાનમંત્રી નમામી ગંગે પ્રોજેક્ટ હેઠળ ગંગાની સફાઈ માટે આપશે. આ ત્રીજી વખત છે જ્યારે પીએમ મોદીને મળેલી ભેટ/સ્મૃતિચિહ્ન માટે હરાજી કરવામાં આવી છે.

એક ભેટ પર 100થી વધારે બોલી

અદ્વૈત ગણનાયકે કહ્યું હતું કે એવી ઘણી ભેટો છે જેના પર 100થી વધુ લોકોએ બોલી લગાવી છે. આવી સ્થિતિમાં ઈ-હરાજી દ્વારા અમે નક્કી કર્યું છે કે જે સૌથી વધુ બોલી લગાવે તેને તે ભેટ આપવામાં આવશે. તેમણે કહ્યું કે નીરજ ચોપરા અને પીવી સિંધુ સૌથી લોકપ્રિય શ્રેણીમાં છે. બંનેએ પ્રધાનમંત્રીને તેમનો ભાલો અને રેકેટ ભેટમાં આપ્યું હતું, જેનાથી તેઓએ ગોલ્ડ મેડલ જીત્યો હતો. તેને દરેક વ્યક્તિ ખરીદવા માંગે છે.

દરેક ભેટની એક બેઝ પ્રાઈઝ નક્કી કરવામાં આવી છે

અદ્વૈત ગણનાયકે કહ્યું હતું કે પ્રધાનમંત્રી દ્વારા મળતી દરેક ભેટ માટે એક બેઝ પ્રાઈઝ નક્કી કરવામાં આવી છે. જો આપણે નીરજ ચોપરાના ભાલાની વાત કરીએ જેનાથી તેમણે ઓલિમ્પિકમાં મેડલ જીત્યો હતો તો તેની બેઝ પ્રાઈઝ એક કરોડ રૂપિયા છે. તેવી જ રીતે પીવી સિંધુના રેકેટની બેઝ પ્રાઈઝ 80 લાખ રૂપિયા છે. સુમિત એન્ટિલનો ભાલો, પેરાલિમ્પિક ખેલાડીઓનો ઓટોગ્રાફ અંગવસ્ત્ર, પેરાલિમ્પિક ખેલાડી કૃષ્ણા નાગરના બેડમિન્ટનની કિંમત સૌથી વધુ છે.

આ પણ વાંચો :  દેશમાં દરરોજ 20 હજાર કોરોના કેસ આવે છે, તહેવારોમાં ફરી વધી શકે છે કેસ, આગામી 3 મહિના મહત્વપૂર્ણ : આરોગ્ય મંત્રાલય