Petrol-Diesel Rate Today: ઈંધણના નવા ભાવ જાહેર, અમદાવાદમાં પેટ્રોલની કિંમત 100 રૂપિયાથી નીચે, જાણો તમારા શહેરમાં નવા ભાવ 

ઓઇલ માર્કેટિંગ કંપનીઓએ રવિવાર, 22 મે 2022 માટે પેટ્રોલ અને ડીઝલના ભાવ ( Petrol-Diesel Rate ) જાહેર કર્યા છે. કેન્દ્ર સરકાર દ્વારા પેટ્રોલ પર 8 અને ડીઝલ પર 6 એક્સાઈઝ ડ્યુટી(Excise duty) ઘટાડવાના કારણે ઈંધણના ભાવમાં ઘટાડો થયો છે. દેશની સૌથી મોટી ઓઈલ માર્કેટિંગ કંપની ઈન્ડિયન ઓઈલ કોર્પોરેશન (IOC) અનુસાર, અમદાવાદમાં પેટ્રોલનો ભાવ (Petrol price in Ahmedabad) એક લિટરે 100 રૂપિયાની નીચે જતો રહ્યો છે. રાષ્ટ્રીય રાજધાની દિલ્લીમાં પેટ્રોલની કિંમત ઘટીને 96.72 રૂપિયા પ્રતિ લીટર થઈ ગઈ છે. જ્યારે એક લિટર ડીઝલ માટે હવે 89.62 રૂપિયા ચૂકવવા પડશે. એક્સાઇઝ ડ્યુટીમાં ઘટાડા બાદ પેટ્રોલ 8.69 રૂપિયા અને ડીઝલ 7.05 રૂપિયા સસ્તું થયું છે. બીજી તરફ મુંબઈમાં આજે એક લિટર પેટ્રોલની કિંમત 113.35 રૂપિયા અને ડીઝલની કિંમત 97.28 રૂપિયા થઈ ગઈ છે. અહીં પેટ્રોલ અને ડીઝલના ભાવમાં ક્રમશઃ 7.16 રૂપિયા અને 7.49 રૂપિયા પ્રતિ લીટરનો ઘટાડો થયો છે.

કોલકાતા  અને ચેન્નાઈની વાત કરીએ તો અહીં પણ ઈંધણના ભાવમાં ઘટાડો થયો છે. કોલકાતામાં આજે પેટ્રોલ 106.03 રૂપિયા અને ડીઝલ 92.76 રૂપિયા પ્રતિ લીટર છે. અગાઉ તેલના ભાવ અનુક્રમે 115.12 રૂપિયા અને 99.83 રૂપિયા પ્રતિ લિટર હતા.

ચેન્નાઈમાં એક લિટર પેટ્રોલની કિંમત 102.63 રૂપિયા અને ડીઝલની કિંમત 94.24 રૂપિયા છે. અહીં પેટ્રોલ અને ડીઝલની કિંમતમાં 8.22 રૂપિયા અને 6.70 રૂપિયા પ્રતિ લીટરનો ઘટાડો થયો છે. જો તમે તમારા શહેરમાં પેટ્રોલ અને ડીઝલના નવીનતમ ભાવ જોવા માંગતા હો, તો તમે આ લિંક પર ક્લિક કરીને ચકાસી શકો છો.

Web Stories View more

IPL 2024 : આઈપીએલની મિસ્ટ્રી ગર્લ કોણ જાણો , જુઓ ફોટો

યુઝ કરેલા વેટ વાઈપ્સને ફેકવાની જગ્યાએ આ રીતે કરો ઉપયોગ

લસણ ભલે ઔષધિ હોય, પણ વધારે ખાવાથી થાય છે નુકસાન, જાણો કેટલી માત્રામાં ખાવું

કેળા સાથે ભૂલથી પણ ના ખાતા આ વસ્તુઓ, ફાયદાને બદલે થશે નુકસાન

આજનું રાશિફળ તારીખ 26-04-2024

લાલ લહેંગો, હાથમાં ચૂડો અને હેવી જ્વેલરી..લગ્નમાં પરી જેવી લાગી આરતી સિંહ

સામાન્ય જનતાને મોટી રાહત

મોદી સરકાર દ્વારા ડીઝલ-પેટ્રોલ પરની એક્સાઈઝ ડ્યુટી ઘટાડવાનો નિર્ણય મોંઘવારીનો સામનો કરી રહેલા લોકો માટે મોટી રાહત છે. વધતી જતી મોંઘવારી સરકાર માટે સૌથી મોટી ચિંતા બની ગઈ હતી. આના કારણે એક તરફ વૃદ્ધિ અટકી જવાનો ખતરો હતો અને બીજી તરફ રિઝર્વ બેંક (RBI) પર વ્યાજ દર વધારવાનું દબાણ હતું. સરકારના નિર્ણયથી બંને મોરચે રાહત આપવાનો પ્રયાસ કર્યો છે.

ક્રૂડ ઓઈલના ભાવમાં સતત વધારો થઈ રહ્યો છે

આંતરરાષ્ટ્રીય બજારોમાં ક્રૂડ ઓઈલના ભાવમાં તેજી જોવા મળી રહી છે. બ્રેન્ટ ક્રૂડની કિંમત 0.46 ટકા વધીને 112.5 ડોલર પ્રતિ બેરલ થઈ ગઈ છે. જ્યારે WTI ક્રૂડની કિંમત 0.35 ટકા વધીને $110.3 પ્રતિ બેરલ થઈ ગઈ છે.

બે મહિનામાં CNG 19.60 રૂપિયા મોંઘો થયો છે

શનિવારે દિલ્લીમાં CNGના ભાવમાં પ્રતિ કિલો 2 રૂપિયાનો વધારો થયો છે. આ સાથે છેલ્લા બે મહિનામાં 13મી વખત CNGના ભાવમાં વધારો કરવામાં આવ્યો છે. દિલ્લી અને NCRમાં CNGની કિંમત 73.61 રૂપિયા પ્રતિ કિલોથી વધીને 75.61 રૂપિયા પ્રતિ કિલો થઈ ગઈ છે.

7 માર્ચ પછી ભાવમાં આ 13મો વધારો છે. આ સમયગાળા દરમિયાન એકંદરે CNGની કિંમતમાં 19.60 રૂપિયા પ્રતિ કિલોનો વધારો થયો છે. છેલ્લા એક વર્ષમાં ભાવ 32.21 રૂપિયા પ્રતિ કિલો અથવા 60 ટકા સુધી વધ્યા છે.