ગોવામાં અમલી બન્યા નવા કાયદા, રસ્તા પર રાંધવા, ભીખ માંગવા, બીચ પર મસાજ કરાવા પર પ્રતિબંધ
ગોવાના મુખ્યમંત્રીએ નવા નિયમો જાહેર કર્યાં છે. ગોવાના સ્થાનિક રહેવાસીઓ અને પ્રવાસીઓને થતી ખલેલને રોકવા માટે આ નવા નિયમો અમલમાં લાવવામાં આવ્યા હોવાનું જણાવાયુ છે. ગોવામાં બીચ પર મસાજ કરવા, ભીખ માંગવા, રસ્તા પર રસોઈ કરવા, ટાઉટિંગ ઉપર પ્રતિબંધ લગાવવામાં આવ્યો છે. તો, ફક્ત બોડી કેમેરા ધરાવતા પોલીસ ઇન્સ્પેક્ટર જ વાહન ચાલકને ચલણ ઈસ્યું કરી શકશે.
ગોવાના મુખ્યમંત્રી પ્રમોદ સાવંતે શુક્રવારે એક મોટી જાહેરાત કરી છે. મુખ્યમંત્રીએ જાહેરાત કરી કે જો ગોવામાં પ્રવેશ કરતી વખતે પ્રવાસી વાહનોમાં સ્ટોક કરેલા ગેસ સિલિન્ડર જેવી વસ્તુઓ મળી આવશે, તો રાજ્યની સરહદ પર યોગ્ય દંડ લાદવામાં આવશે અને તેમનો સામાન પણ જપ્ત કરવામાં આવશે. આ ઉપરાંત, જો કોઈ ગોવામાં ખુલ્લામાં રસોઈ રાંધતા જોવા મળશે, તો પોલીસ તેમને તેમનુ વાહન જપ્ત કરવા સહિત અટકાયતી પગલાં લેશે અને દંડ પણ ફટકારશે.
સીએમ પ્રમોદ સાવંતે એવી પણ માહિતી આપી હતી કે ભીખ માંગવી, બીચ પર મસાજ કરવા જેવી પ્રવૃત્તિઓ પર સંપૂર્ણપણે પ્રતિબંધ મૂકવામાં આવશે. ગોવામાં ખુલ્લી જગ્યાઓમાં ફરતા માલિશ કરનારાઓ, પ્રવાસીઓને હેરાન કરતા ભિખારીઓ અને પ્રવાસન ક્ષેત્રમાં કામ કરતા એજન્ટને પણ પોલીસ કસ્ટડીમાં લેવામાં આવશે.
ગોવામાં નવા ફોજદારી કાયદાઓ (ભારતીય ન્યાય સંહિતા, ભારતીય નાગરિક સંરક્ષણ સંહિતા અને ભારતીય પુરાવા અધિનિયમ) ના અમલીકરણની સમીક્ષા કરવા માટે ઉચ્ચ કક્ષાના અધિકારીઓની બેઠકની અધ્યક્ષતા કર્યા પછી, સીએમ સાવંતે પોર્વોરિમના મંત્રાલય (સચિવાલય) ખાતે એક પત્રકાર પરિષદ દરમિયાન આ જાહેરાતો કરી.
સીએમ સાવંતે નવા નિયમો જાહેર કર્યા
ગોવાના મુખ્યમંત્રી પ્રમોદ સાવંતે શુક્રવારે સ્થાનિક રહેવાસીઓ અને પ્રવાસીઓને થતી ખલેલને રોકવા માટે અનેક પગલાંની જાહેરાત કરી. તેમણે કહ્યું કે હવે ફક્ત બોડી કેમેરાવાળા પોલીસ ઇન્સ્પેક્ટર જ દિવસ દરમિયાન ટ્રાફિક નિયમોનું ઉલ્લંઘન કરનારાઓને ચલણ (દંડ) આપી શકશે.
તેમણે કહ્યું કે રાત્રિના સમયે, ફક્ત પોલીસ ઇન્સ્પેક્ટર અથવા સબ-ઇન્સ્પેક્ટર જેમના યુનિફોર્મ પર કેમેરા લગાવેલા હશે, તેઓ જ ટ્રાફિક નિયમોનું ઉલ્લંઘન કરનારાઓને ચલણ આપી શકશે. આ નવો નિયમ શુક્રવાર (૪ એપ્રિલ) થી અમલમાં આવ્યો છે.
ગેસ સ્ટવ અને સિલિન્ડર જપ્ત કરવામાં આવશે
મુખ્યમંત્રીએ કહ્યું કે રાજ્યમાં પ્રવેશતા તમામ પ્રવાસી વાહનોની રાજ્યની સરહદો પર સંપૂર્ણ તપાસ કરવામાં આવશે. જો તેઓ રસ્તાના કિનારે રસોઈ બનાવતા જોવા મળશે, તો તેમના ગેસ સ્ટવ અને સિલિન્ડર જપ્ત કરવામાં આવશે અને તેમના વાહનો પર દંડ ફટકારવામાં આવશે.
મુખ્યમંત્રીએ એવી પણ ચેતવણી આપી હતી કે રાજ્યમાં રસ્તા પર રસોઈ માટે ગેસના ચૂલા લઈને આવનારા પ્રવાસીઓ સામે કડક પોલીસ કાર્યવાહી કરવામાં આવશે.
મુખ્યમંત્રીએ ભાર મૂક્યો કે આ પગલાંથી સ્થાનિકો અને પ્રવાસીઓની હેરાનગતિ બંધ થશે. તેઓ પોલીસ અધિકારીઓ સામેના આરોપો (લાંચ માંગવા) પણ પાછા ખેંચી લેશે.
ગોવા સહિત દેશમાં રોજબરોજ બનતી નાની મોટી પરંતુ મહત્વની ઘટનાને લગતા વિવિધ સમાચાર જાણવા માટે આપ અહીં ક્લિક કરો
