Gujarati NewsNational| Ladakh situation similar to Ukraine Rahul Gandhi lashes out on Modi government in London
Rahul Gandhi in London: લંડનમાં રાહુલ ગાંધીએ મોદી સરકાર પર સાધ્યુ નિશાન, કહ્યું યુક્રેનમાં જે થઈ રહ્યું છે તેવી જ સ્થિતિ લદ્દાખની
આ પહેલા કોંગ્રેસના નેતા રાહુલ ગાંધીએ ટ્વિટ કર્યું હતું કે ભારતમાં લોકશાહી બધાના ભલા માટે છે અને ભારતીયો જ એવા લોકો છે જેમણે આ અનોખી રીતે લોકશાહી ચલાવી છે. કોંગ્રેસના વરિષ્ઠ નેતા સલમાન ખુર્શીદ અને પાર્ટીના પ્રવક્તા ગુરદીપ સિંહ સપ્પલ પણ આ કાર્યક્રમમાં હાજર રહ્યા હતા.
કોંગ્રેસ નેતા રાહુલ ગાંધી (Rahul Gandhi) ચીન (China) સાથે સરહદ વિવાદને લઈને કેન્દ્રની નરેન્દ્ર મોદી સરકાર (Modi Government) પર સતત પ્રહારો કરી રહ્યા છે. લંડનના પ્રવાસે ગયેલા કોંગ્રેસના પૂર્વ અધ્યક્ષ રાહુલ ગાંધીએ શુક્રવારે એકવાર કેન્દ્ર પર નિશાન સાધ્યું હતું અને લદ્દાખની તુલના યુક્રેન સાથે કરી હતી. તેમણે દાવો કર્યો હતો કે લદ્દાખમાં યુક્રેનમાં રશિયા જે કરી રહ્યું છે તેવી જ સ્થિતિ ચીને બનાવી છે, પરંતુ નરેન્દ્ર મોદી સરકાર તેના વિશે વાત પણ કરવા નથી માંગતી. રાહુલ ગાંધીએ લંડનમાં આયોજિત ‘આઈડિયાઝ ફોર ઈન્ડિયા’ સંમેલનમાં કહ્યું, “રશિયનો યુક્રેનને કહે છે કે અમે તમારી પ્રાદેશિક અખંડિતતાને સ્વીકારતા નથી, અમે એ માનવાનો ઈન્કાર કરીએ છીએ કે બે જિલ્લા તમારા છે. તમે નોર્થ એટલાન્ટિક ટ્રીટી ઓર્ગેનાઈઝેશન (નાટો) સાથેના સંબંધો તોડી નાખો તેની ખાતરી કરવા અમે તે બે જિલ્લાઓ પર હુમલો કરીશું.”
Democracy in India is a global public good. We’re the only people who have managed democracy at our unparalleled scale.
કોંગ્રેસના નેતા રાહુલ ગાંધીએ કહ્યું, “આ તે છે જે પુતિન (રશિયન રાષ્ટ્રપતિ વ્લાદિમીર પુતિન) કરી રહ્યા છે. પુતિન કહી રહ્યા છે કે હું અમેરિકા સાથે જોડાણ કરવા માટે તૈયાર નથી… હું તમારા પર હુમલો કરીશ. તેણે દાવો કર્યો, “યુક્રેનમાં શું થઈ રહ્યું છે અને લદ્દાખમાં શું થઈ રહ્યું છે તેની તુલના કરો. મહેરબાની કરીને જુઓ, બંને જગ્યાએ પરિસ્થિતિ સમાન છે.”
રાહુલ ગાંધીના કહેવા પ્રમાણે “ચીની સેના લદ્દાખ અને ડોકલામ બંનેમાં છે. ચીન કહે છે કે આ વિસ્તારો સાથે તમારા (ભારત) સંબંધો છે, પરંતુ અમે (ચીન) માનતા નથી કે આ વિસ્તાર તમારો છે. “મારી સમસ્યા એ છે કે તે (ભારત સરકાર) તેના વિશે વાત કરવા માંગતી નથી,” તેમણે કહ્યું. તેમણે સરહદ પર ચીનની આક્રમકતા અને ચીન દ્વારા પેંગોંગ તળાવ પર બીજો પુલ બનાવવાના અહેવાલોને ટાંકીને દાવો કર્યો હતો કે નરેન્દ્ર મોદી સરકાર આ અંગે વાત પણ કરતી નથી.
આ પહેલા કોંગ્રેસના નેતા રાહુલ ગાંધીએ ટ્વિટ કર્યું હતું કે ભારતમાં લોકશાહી બધાના ભલા માટે છે અને ભારતીયો જ એવા લોકો છે જેમણે આ અનોખી રીતે લોકશાહી ચલાવી છે. કોંગ્રેસના વરિષ્ઠ નેતા સલમાન ખુર્શીદ અને પાર્ટીના પ્રવક્તા ગુરદીપ સિંહ સપ્પલ પણ આ કાર્યક્રમમાં હાજર રહ્યા હતા. લોકસભા સાંસદ રાહુલ ગાંધી 23 મેના રોજ લંડનમાં કેમ્બ્રિજ યુનિવર્સિટીના વિદ્યાર્થીઓ સાથે વાતચીત કરશે અને ‘ઇન્ડિયા એટ 75’ વિષય પર તેમને સંબોધિત કરશે.
ડાઉન ટુ અર્થ છે અરિજીત સિંહ , જુઓ ફોટો
