દરિયામાં ભારતની તાકાત વધશે, મુંબઈમાં INS વાગશીર સબમરીન લોન્ચ થઈ, જાણો તેની ખાસિયત
Indian Navy: ભારતીય નૌકાદળ સમુદ્રમાં તેની તાકાત વધારવા જઈ રહ્યું છે, કારણ કે તેણે બુધવારે પ્રોજેક્ટ-75ની છઠ્ઠી સ્કોર્પિન સબમરીન INS વાગશીર ( Submarine) સબમરીન લોન્ચ કરી છે.
Indian Navy: ભારતીય નૌકાદળ સમુદ્રમાં તેની તાકાત વધારવા જઈ રહ્યું છે, કારણ કે તેણે બુધવારે પ્રોજેક્ટ-75ની છઠ્ઠી સ્કોર્પિન સબમરીન INS વાગશીર (Submarine) સબમરીન લોન્ચ કરી છે. તેને મઝાગોન ડોક શિપબિલ્ડર્સ લિમિટેડ, મુંબઈ ખાતે લોન્ચ કરવામાં આવ્યું છે. સબમરીનના લોન્ચિંગ સમયે સંરક્ષણ સચિવ અજય કુમાર (Defence Secretary Ajay Kumar) પણ હાજર હતા. તેમણે કહ્યું છે કે, આઈએનએસ વાગીર હવે દરિયાઈ ટ્રાયલમાંથી પસાર થશે અને પછીથી તેને કાર્યરત કરવામાં આવશે. તેમણે કહ્યું કે, આ સબમરીનનું લોન્ચિંગ એ ભારતના આત્મનિર્ભર બનવાનું એક મોટું ઉદાહરણ છે.
આ સબમરીનની વિશેષતા વિશે વાત કરીએ તો, આ સ્કોર્પિન વાહન કલાવરી વર્ગની ડીઝલ-ઈલેક્ટ્રિક સબમરીન છે. તેમાં અદ્યતન નેવિગેશન તેમજ અદભૂત ટ્રેકિંગ સિસ્ટમ છે. તેની એક અન્ય વિશેષતા એ છે કે તે 50 દિવસ સુધી પાણીમાં રહી શકે છે. પ્રક્ષેપણ પછી, સબમરીન હવે એક વર્ષથી વધુ સમય માટે વ્યાપક અને સખત પરીક્ષણોમાંથી પસાર થશે તેની ખાતરી કરવા માટે કે તે સંપૂર્ણ રીતે લડાઇ માટે યોગ્ય છે.
વાગશીર સબમરીનને સૌપ્રથમ 1974માં નેવીમાં સામેલ કરવામાં આવી હતી
સેન્ડફિશના નામ પરથી પ્રથમ સબમરીન ‘વાગશીર’ને ડિસેમ્બર 1974માં ભારતીય નૌકાદળમાં સામેલ કરવામાં આવી હતી. બાદમાં તે એપ્રિલ 1997માં બંધ કરવામાં આવ્યું હતું. તમને જણાવી દઈએ કે નવી સબમરીન તેના જૂના વર્ઝનનો લેટેસ્ટ અવતાર છે, કારણ કે નેવીની ભાષા અનુસાર, જહાજનું અસ્તિત્વ ક્યારેય સમાપ્ત થતું નથી. જહાજ અથવા સબમરીનને ડિકમિશન કર્યા પછી, તેનું નામ એ જ નામથી બદલવામાં આવે છે.
આ સબમરીનને નેવીમાં પણ સામેલ કરવામાં આવી છે
INS વાગશીરના લોન્ચ સાથે, ભારતે વડાપ્રધાન નરેન્દ્ર મોદીની આત્મનિર્ભર ભારત અને મેક ઇન ઇન્ડિયા પહેલને અનુરૂપ સબમરીન નિર્માણ રાષ્ટ્ર તરીકે તેની સ્થિતિ વધુ મજબૂત બનાવી છે. વાગશીર સબમરીનની આંતરિક ટેક્નોલોજી ફ્રેન્ચ અને સ્પેનિશ કંપની દ્વારા આપવામાં આવી છે જ્યારે બાંધકામ ભારતીય શૈલીમાં કરવામાં આવ્યું છે. આ પ્રોજેક્ટ હેઠળ આઈએનએસ કલાવરી, આઈએનએસ ખંડેરી, આઈએનએસ કરંજ અને આઈએનએસ વેલા આઈએએસ વાગીર પહેલા નૌકાદળમાં જોડાઈ ચૂક્યા છે.
આ પણ વાંચો: શિક્ષકનો સેવાયજ્ઞ : આર્થિક પરિસ્થિતિને કારણે અભ્યાસ છોડનાર દીકરીઓને ઘરે ઘરે જઈ આપી રહ્યા છે શિક્ષણ
આ પણ વાંચો: દુબઇ અને અબુધાબીમાં નોકરી કરવાનું તમારું સપનું થશે સાકાર, વિઝા અને નાગરિકતાના નિયમો સરળ બનાવાયા
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
Latest News Updates
