CAPF જવાનોને ગૃહપ્રધાન અમિત શાહે આપી ભેટ, દેશની 24 હજાર હોસ્પિટલમાં આયુષ્માન ભારતનો મળશે લાભ
આસામમાં કેન્દ્રીય ગૃહપ્રધાન અમિત શાહે કહ્યું, "તમામ CAPF જવાનો અને તેમના પરિવારના સભ્યોને એક હેલ્થ કાર્ડ આપવામાં આવશે. દર વર્ષે CAPF જવાનોના આરોગ્યની તપાસ થશે.
કેન્દ્રીય ગૃહપ્રધાન અમિત શાહે 23 જાન્યુઆરી શનિવારે આસામની રાજધાની ગુવાહાટીમાં કેન્દ્રીય સશસ્ત્ર પોલીસદળ (CAPF- Central Armed Police Forces)ના જવાનો અને તેમના પરિવારના સભ્યો માટે આયુષ્માન યોજનાની શરૂઆત કરાવી. આ પ્રસંગે તેમણે કહ્યું કે CAPF માટે આયુષ્માન યોજના શરૂ કરવા માટે આજના દિવસ સિવાય અન્ય કોઈ દિવસ સારો હોય ના શકે. સુભાષચંદ્ર બોઝ એવું વ્યક્તિત્વ હતા જેમને કોઈએ કોઈ એવોર્ડ આપ્યો નથી. જનતા એમના નામ સાથે નેતાજીનું સન્માન જોડીને એમને યાદ કરે છે. નેતાજીએ નારો આપ્યો હતો ” તુમ મુજે ખુન દો .. મે તુમ્હે આઝાદી દૂંગા” આ નારો આજે પણ દેશના યુવાનોમાં ઉત્સાહ અને ચેતનાનો સંચાર કરે છે, રાષ્ટ્રભક્તિને વધારે છે. ગૃહમંત્રી શાહે કહ્યું ,”આયુષ્માન CAPF યોજના અંતર્ગત CAPFના લગભગ 10 લાખ જવાનો-અધિકારીઓ અને 50 લાખ જેટલા એમના પરિવારના સભ્યો દેશમાં 24 હજાર જેટલા હોસ્પિટલોમાં માત્ર કાર્ડ સ્વાઇપ કરીને ઉપચાર કરાવી શકશે.
CAPF જવાનો અને પરિવારના સભ્યોને હેલ્થકાર્ડ અપાશે ગૃહપ્રધાન અમિત શાહે કહ્યું, “તમામ CAPF જવાનો અને એમના પરિવારના સભ્યોને એક હેલ્થકાર્ડ આપવામાં આવશે. દર વર્ષે CAPF જવાનોના આરોગ્યની તપાસ કરવામાં આવશે. હેલ્થકાર્ડ દ્વારા CAPF જવાનોને તેમના આરોગ્ય સંબંધી જાણકારી ગમે ત્યારે મેળવી શકશે. CAPF અને પોલીસ જવાનો કોરોના સામેની લડાઈમાં સૌથી આગળની હરોળમાં ઊભા હતા. ઘણા જવાનો સંક્રમિત થયા અને ઘણાએ પોતાનો જીવ ગુમાવ્યો. હું તમામ જવાનોને શુભકામનાઓ આપું છું કે તમે આ લડાઈમાં સફળ રહ્યાં છો.”
Taking forward the vision of Hon'ble PM @narendramodi, Union Home Minister @AmitShah to launch #AyushmanCAPF shortly.
CAPF personnel and their families can now avail cashless medical treatment in any PMJAY and CGHS empanelled private hospital.@drharshvardhan @AyushmanNHA pic.twitter.com/MqOXbJTRqj
— गृहमंत्री कार्यालय, HMO India (@HMOIndia) January 23, 2021
Latest News Updates
