પ્રિયંકા ગાંધી પર હાઇકોર્ટની ઘંટડી વાગી! મળી નોટિસ, જાણો શું છે સમગ્ર મામલો
હાઇકોર્ટે કોંગ્રેસના સાંસદ પ્રિયંકા ગાંધી વાડ્રાને નોટિસ ફટકારી છે. રાષ્ટ્રીય લોકશાહી જોડાણ (NDA)ના ઉમેદવાર નવ્યા હરિદાસ દ્વારા દાખલ કરાયેલી ચૂંટણી અરજી થકી આ નોટિસ ફટકારવામાં આવી છે.
કેરળ હાઇકોર્ટે કોંગ્રેસના સાંસદ પ્રિયંકા ગાંધી વાડ્રાને નોટિસ ફટકારી છે. વાયનાડથી રાષ્ટ્રીય લોકશાહી જોડાણ (NDA)ના ઉમેદવાર નવ્યા હરિદાસ દ્વારા દાખલ કરાયેલી ચૂંટણી અરજી થકી આ નોટિસ ફટકારવામાં આવી છે. હરિદાસે લોકસભા પેટાચૂંટણીમાં પ્રિયંકાની જીતને પડકારી છે.
કેમ અરજી દાખલ કરવામાં આવી?
હરિદાસે હાઇકોર્ટમાં અરજી દાખલ કરીને પ્રિયંકા ગાંધી વાડ્રાની જીતને અમાન્ય જાહેર કરવાની માંગ કરી હતી. અરજીમાં તેમણે પ્રિયંકા પર ઉમેદવારી નોંધાવતી વખતે મહત્વપૂર્ણ વિગતો જાહેર ન કરવાનો આરોપ લગાવ્યો હતો.
કોંગ્રેસના મહાસચિવ પ્રિયંકા ગાંધી વાડ્રાએ વાયનાડ લોકસભા બેઠક માટે 13 નવેમ્બરના રોજ યોજાયેલી પેટાચૂંટણીમાં 6 લાખ 22 હજાર 338 મત મેળવીને પ્રથમ વખત જીત મેળવી હતી. જ્યારે તેમના હરીફ ભાજપ નેતા નવ્યા હરિદાસ 1 લાખ 9 હજાર 939 મત સાથે ત્રીજા સ્થાને રહ્યા હતા.
વાયનાડ લોકસભા બેઠક છોડી દીધી
2024ની લોકસભા ચૂંટણીમાં કોંગ્રેસ નેતા રાહુલ ગાંધીની જીત બાદ, વાયનાડ બેઠક ખાલી કર્યાના થોડા મહિનાઓમાં જ વાયનાડ બેઠક પર પેટાચૂંટણીઓ યોજાઈ હતી. તમને જણાવી દઈએ કે, કોંગ્રેસ નેતા રાહુલ ગાંધીએ બે લોકસભા બેઠકો પર ચૂંટણી લડી હતી, જેમાંથી એક કેરળની વાયનાડ અને બીજી ઉત્તર પ્રદેશની રાયબરેલી લોકસભા બેઠક હતી.
આ બંને બેઠકો જીત્યા બાદ રાહુલ ગાંધીએ પરિવારની પરંપરાગત બેઠક ‘રાયબરેલી બેઠક’ પોતાની પાસે રાખીને ‘વાયનાડ લોકસભા બેઠક’ છોડી દીધી હતી.
દેશના વિભિન્ન પ્રાંતના સમાચાર જાણવા માટે આપ અમારા ટોપિક પર ક્લિક કરો.
