ડીપ ફેક વીડિયો વાયરલ કરનાર ચેતજો, સરકાર કરી રહી છે નવો નિયમ લાવવાની તૈયારી
કોમ્યુનિકેશન અને આઈટી પ્રધાન અશ્વિની વૈષ્ણવે જણાવ્યું હતું કે, ડીપફેક્સ સાથે કડક રીતે વ્યવહાર કરવા માટે, સરકારે સોશિયલ મીડિયા કંપનીઓ અને તમામ હિતધારકો સાથે મળીને એક નવો એક્શન પ્લાન તૈયાર કરવાનો નિર્ણય લીધો છે. સોશિયલ મીડિયા પ્લેટફોર્મ પર વાયરલ થઈ રહેલા ડીપફેક વીડિયોને લઈને ચિંતા વધી રહી છે અને ભારત સરકારે આ ખતરાને પહોંચી વળવા કાયદાકીય કાર્યવાહી શરૂ કરી છે.
કેન્દ્ર સરકારે સોશિયલ મીડિયા પર ડીપફેક વીડિયો અને નકલી કન્ટેન્ટ સામે કડક કાર્યવાહી કરવા માટે નવો નિયમ લાવવાનો નિર્ણય કર્યો છે. ગુરુવારે, કોમ્યુનિકેશન્સ અને આઈટી પ્રધાન અશ્વિની વૈષ્ણવે જણાવ્યું હતું કે, ડીપફેક ભારતીય લોકશાહી માટે એક મોટો ખતરો બની ગયો છે અને તેની સાથે કડક રીતે વ્યવહાર કરવા માટે, સરકારે સોશિયલ મીડિયા કંપનીઓ અને તમામ હિતધારકો સાથે એક નવો એક્શન પ્લાન તૈયાર કરવાનો નિર્ણય લીધો છે.
સોશિયલ મીડિયા પ્લેટફોર્મ પર વાયરલ થઈ રહેલા ડીપફેક વીડિયોને લઈને ચિંતા વધી રહી છે અને ભારત સરકારે આ ખતરાને પહોંચી વળવા કાયદાકીય કાર્યવાહી શરૂ કરી છે. કેન્દ્રીય સંચાર અને IT મંત્રી અશ્વિની વૈષ્ણવે ગુરુવારે ડીપફેક સામે અસરકારક એક્શન પ્લાન તૈયાર કરવા સોશિયલ મીડિયા પ્લેટફોર્મ અને ઉદ્યોગના વરિષ્ઠ પ્રતિનિધિઓને મળ્યા હતા.
લગભગ બે કલાક સુધી ચાલેલી મીટિંગમાં સરકાર અને સોશિયલ મીડિયા કંપનીઓ વચ્ચે એ વાત પર સહમતિ સધાઈ હતી કે આગામી 10 દિવસમાં ચાર લેવલ (4-પિલર્ડ સ્ટ્રક્ચર) પર પહેલ માટે નવો એક્શન પ્લાન તૈયાર કરવામાં આવશે.
અશ્વિની વૈષ્ણવે જણાવ્યું હતું કે, “અમે ડીપફેક બનાવનારા લોકોની ઓળખ કરવી પડશે અને તેમની સામે કડક કાર્યવાહી સુનિશ્ચિત કરવી પડશે. અમે કાં તો હાલના નિયમોમાં ફેરફાર કરીશું અથવા નવો નિયમ લાવશું અથવા નવો કાયદો લાવશું.”
ઈલેક્ટ્રોનિક્સ અને આઈટી મંત્રાલયે સરકાર અને સોશિયલ મીડિયા કંપનીઓ વચ્ચે ચાર-સ્તરીય એક્શન પ્લાન પર સહમત થયા બાદ નવા નિયમોનો મુસદ્દો તૈયાર કરવાની પ્રક્રિયા શરૂ કરી છે. ટૂંક સમયમાં, MyGov પોર્ટલ પર સામાન્ય લોકો પાસેથી સૂચનો આમંત્રિત કરવામાં આવશે.
અશ્વિની વૈષ્ણવે કહ્યું, “દેશમાં ડિટેક્શન મિકેનિઝમ અને ગ્રીવન્સ એપિલેટ મિકેનિઝમને મજબૂત કરવાની જરૂર છે. અમારી પાસે ટૂંક સમયમાં નિયમોનો નવો સેટ હશે. અમે આજથી તેના પર કામ કરવાનું શરૂ કરીશું.”
આ પણ વાંચો : ભાજપના મોટા નેતાએ રાહુલના શરીર અને દિમાગ પર કરી ટીપ્પણી, જાણો શું કહ્યું
ડીપફેક્સ પર વધતી જતી ચિંતા વચ્ચે, કોમ્યુનિકેશન અને આઈટી મંત્રીએ દસ દિવસ પછી ડિસેમ્બરના પ્રથમ સપ્તાહમાં સોશિયલ મીડિયા કંપનીઓ અને અન્ય હિતધારકો સાથે બીજી બેઠક બોલાવી છે. બેઠકમાં ડીપફેક કન્ટેન્ટ સામે પ્રસ્તાવિત નવા નિયમોની રૂપરેખા પર ચર્ચા કરવામાં આવશે અને નવો કાયદો બનાવવાના વિકલ્પ પર પણ ચર્ચા કરવામાં આવશે.
