BBCની ડોક્યુમેન્ટ્રી પર JNUમાં હંગામો, બે વિદ્યાર્થી જૂથ વચ્ચે પથ્થરમારાની ઘટના બાદ પોલીસે ફરિયાદ નોંધી
PM Modi પર આધારિત બીબીસીની વિવાદાસ્પદ ડોક્યુમેન્ટ્રીને લઈને ડાબેરી વિંગ અને JNU વહીવટીતંત્ર સામસામે છે. મંગળવારે મોડી રાત્રે એબીવીપી અને ડાબેરી વિદ્યાર્થીઓ વચ્ચે પથ્થરમારો થયો હતો. આ દરમિયાન જેએનયુ કેમ્પસમાં વીજળી અને ઇન્ટરનેટ સેવાઓ બંધ કરી દેવામાં આવી હતી.
દિલ્હીની જવાહરલાલ નેહરુ યુનિવર્સિટી (JNU)માં બીબીસીની ડોક્યુમેન્ટ્રીને લઈને વિવાદ ઉભો થયો છે. જેએનયુએસયુએ ડોક્યુમેન્ટરીના સ્ક્રીનિંગ દરમિયાન પથ્થરમારો કર્યા બાદ હંગામો મચાવ્યો હતો. આ દરમિયાન વિદ્યાર્થીઓએ રેલી કાઢીને વસંતકુંજ પોલીસ સ્ટેશન પહોંચ્યા અને મોડી રાત્રે દેખાવો કર્યા. જો કે પોલીસમાં ફરિયાદ નોંધાયા બાદ વિદ્યાર્થીઓએ પોતાનો વિરોધ પાછો ખેંચી લીધો હતો. JNUSU પ્રમુખ આઈશી ઘોષે કહ્યું કે, અમે 25 લોકો વિરુદ્ધ ફરિયાદ નોંધાવી છે, પોલીસે ખાતરી આપી છે કે તેઓ તપાસ કરશે.
આઈશી ઘોષે કહ્યું કે, જે લોકો ઈજાગ્રસ્ત થયા છે તેઓ પણ સારવાર બાદ પોલીસ સ્ટેશનમાં પોતાનું નિવેદન આપશે. તેમણે કહ્યું કે અમે જેએનયુ પ્રશાસનને પણ ફરિયાદ કરીશું. અત્યારે અમે વિરોધ બંધ કરીએ છીએ, પોલીસ પ્રશાસનને તેની તપાસ કરવાની અપીલ કરીએ છીએ.
વાસ્તવમાં પીએમ મોદી પર આધારિત વિવાદાસ્પદ બીબીસી ડોક્યુમેન્ટરીને લઈને ડાબેરી પાંખ અને જેએનયુ પ્રશાસન વચ્ચે ઝઘડો છે. મંગળવારે મોડી રાત્રે એબીવીપી અને ડાબેરી વિદ્યાર્થીઓ વચ્ચે પથ્થરમારો થયો હતો. આ દરમિયાન જેએનયુ કેમ્પસમાં વીજળી અને ઇન્ટરનેટ સેવાઓ બંધ કરી દેવામાં આવી હતી. પથ્થરમારો પછી ગુસ્સે થયેલા વિદ્યાર્થીઓએ વસંત કુંજ પોલીસ સ્ટેશનની બહાર માર્ચ કાઢી અને દિલ્હી પોલીસ વિરુદ્ધ સૂત્રોચ્ચાર કર્યા. બીજી તરફ, દિલ્હી પોલીસ સેન્ટ્રલ કંટ્રોલ રૂમના સૂત્રોના જણાવ્યા અનુસાર, હંગામાને જોતા JNUમાં વધારાની પોલીસ દળ તૈનાત કરવામાં આવી છે.
વિવાદાસ્પદ બીબીસી ડોક્યુમેન્ટરીનું સ્ક્રીનીંગ
हमने 25 लोगों के खिलाफ शिकायत दर्ज़ करवाई है, पुलिस ने आश्वासन दिया है कि वे तहकीकात करेंगे। जिन लोगों को चोट लगी है वे भी इलाज के बाद कल पुलिस स्टेशन में अपना बयान देंगे। जेएनयू प्रशासन से भी हम कल शिकायत करेंगे: JNUSU अध्यक्ष आइशी घोष, दिल्ली https://t.co/378xcqhwLt pic.twitter.com/4gbodsjm84
— ANI_HindiNews (@AHindinews) January 24, 2023
Delhi | Police personnel arrive outside JNU campus after students claimed stones were pelted during the screening of banned BBC documentary on PM Modi. pic.twitter.com/TK4WdbDsgp
— ANI (@ANI) January 24, 2023
વાસ્તવમાં, JNU સ્ટુડન્ટ્સ યુનિયન વડા પ્રધાન નરેન્દ્ર મોદી પર વિવાદાસ્પદ બીબીસી ડોક્યુમેન્ટરીનું પ્રસ્તાવિત સ્ક્રીનિંગ યોજી શક્યું નથી. વિદ્યાર્થીઓનો આરોપ છે કે યુનિવર્સિટી પ્રશાસને વિદ્યાર્થી સંઘની ઓફિસની વીજળી અને ઇન્ટરનેટ કનેક્શન કાપી નાખ્યું હતું. જોકે, તેણે પોતાના મોબાઈલ ફોન અને લેપટોપ પર ડોક્યુમેન્ટરી જોઈ હતી. જેએનયુ પ્રશાસનના એક અધિકારીએ નામ ન આપવાની શરતે જણાવ્યું કે યુનિવર્સિટીમાં પાવર સપ્લાય લાઇનમાં ગંભીર ખામી સર્જાઈ છે. અમે તેની તપાસ કરી રહ્યા છીએ. તેનો વહેલી તકે નિરાકરણ લાવવામાં આવશે તેવું એન્જિનિયરિંગ વિભાગ કહી રહ્યું છે.
વિદ્યાર્થીએ લગાવ્યો પથ્થરમારાનો આરોપ
ડોક્યુમેન્ટરી જોવા માટે જવાહરલાલ નેહરુ યુનિવર્સિટી સ્ટુડન્ટ્સ યુનિયન (JNUSU) ઓફિસની બહાર ભેગા થયેલા વિદ્યાર્થીઓએ દાવો કર્યો હતો કે, જ્યારે તેઓ તેમના ફોન પર તેને જોઈ રહ્યા હતા ત્યારે તેમના પર પથ્થરમારો કરવામાં આવ્યો હતો. જો કે, એક સિનિયર પોલીસ અધિકારીએ જણાવ્યું હતું કે પોલીસને આવી કોઈ ઘટનાની જાણ કરવામાં આવી નથી. વિદ્યાર્થીઓના આક્ષેપો અને દાવાઓ પર JNU વહીવટીતંત્ર તરફથી તાત્કાલિક કોઈ ઓફિશિયલિ પ્રતિક્રિયા આપવામાં આવી નથી. તેમણે સોમવારે કહ્યું હતું કે, વિદ્યાર્થી સંઘે કાર્યક્રમ માટે તેમની પરવાનગી લીધી નથી અને તે રદ થવી જોઈએ.
મોબાઈલ ફોન પર ડોક્યુમેન્ટ્રી ડાઉનલોડ
ઓલ ઈન્ડિયા સ્ટુડન્ટ્સ એસોસિએશન (AISA) ના રાષ્ટ્રીય અધ્યક્ષ એન સાઈ બાલાજીએ દાવો કર્યો હતો કે, વિદ્યાર્થીઓએ ડોક્યુમેન્ટરીને જોવા અને શેર કરવા માટે ઓનલાઈન એપ્લિકેશન દ્વારા તેમના મોબાઈલ ફોન પર ડાઉનલોડ કરી હતી. જવાહરલાલ નેહરુ સ્ટુડન્ટ્સ યુનિયન (JNUSU) માં ડાબેરી સમર્થિત ડેમોક્રેટિક સ્ટુડન્ટ્સ ફેડરેશન (DSF), ઓલ ઈન્ડિયા સ્ટુડન્ટ્સ એસોસિએશન (AISA), સ્ટુડન્ટ ફેડરેશન ઓફ ઈન્ડિયા (SFI) અને ઓલ ઈન્ડિયા સ્ટુડન્ટ્સ ફેડરેશન (AISF) ના સભ્યોનો સમાવેશ થાય છે.
Twitter અને YouTube પર ડોક્યુમેન્ટ્રી બ્લોક
સરકારે શુક્રવારે સોશિયલ મીડિયા પ્લેટફોર્મ્સ ટ્વિટર અને યુટ્યુબને ઈન્ડિયાઃ ધ મોદી ક્વેશ્ચન નામની ડોક્યુમેન્ટ્રીની લિંક્સ બ્લોક કરવાનો નિર્દેશ આપ્યો છે. વિદેશ મંત્રાલયે આ ડોક્યુમેન્ટ્રીને પ્રચારની યુક્તિ ગણાવીને ફગાવી દીધી છે. સરકાર કહે છે કે, તેમાં ઉદ્દેશ્યનો અભાવ છે અને તે સંસ્થાનવાદી માનસિકતા દર્શાવે છે. વિરોધ પક્ષોએ, જોકે, ડોક્યુમેન્ટરીની ઍક્સેસને અવરોધિત કરવાના સરકારના પગલાની ટીકા કરી છે.
પથ્થરબાજોની ઓળખ
ડોક્યુમેન્ટરી જોવા ગયેલા અસરાર અહેમદે કહ્યું, “અમે શાંતિથી (અમારા ફોન પર) ડોક્યુમેન્ટરી જોઈ રહ્યા હતા, પરંતુ કેટલાક લોકોએ અમારા પર પથ્થરમારો કર્યો હતો.” અંધારાના કારણે પથ્થરબાજોની ઓળખ થઈ શકી ન હતી. ડોક્યુમેન્ટરીના સ્ક્રીનીંગ માટે હાજર રહેલા બાલાજીએ દાવો કર્યો હતો કે, કેટલાક વિદ્યાર્થીઓએ તેમના મોબાઈલ અને અન્ય ઉપકરણો પર ડોક્યુમેન્ટરી ડાઉનલોડ કરી હતી.બાલાજીએ કહ્યું, “તેઓએ (જેએનયુ વહીવટીતંત્ર) વીજળી અને ઈન્ટરનેટ કાપી નાખ્યું છે.” અમે અન્ય વિદ્યાર્થીઓ સાથે ડોક્યુમેન્ટરી શેર કરી અને સાથે મળીને જોઈ રહ્યા છીએ. બાલાજીએ એવો પણ દાવો કર્યો હતો કે, સાદા પોશાકના પોલીસકર્મીઓ કેમ્પસમાં ફરતા હતા. જો કે પોલીસ તરફથી તાત્કાલિક કોઈ જવાબ મળ્યો ન હતો.
