Delhi: CBI કરી રહી છે મનીષ સિસોદિયાની પૂછપરછ, કેજરીવાલે કહ્યું- મનીષ 8 ડિસેમ્બર સુધી જેલમાં રહેશે

TV9 GUJARATI

TV9 GUJARATI | Edited By: Bhavesh Bhatti

Updated on: Oct 17, 2022 | 12:59 PM

સીબીઆઈ (CBI) દિલ્હી એક્સાઈઝ પોલિસીમાં કથિત અનિયમિતતાના કેસની તપાસ કરી રહી છે. આ પહેલા પણ સીબીઆઈ ઘણી વખત મનીષ સિસોદિયાના સ્થળો પર દરોડા પાડી ચૂકી છે. તેની ઘણી વખત પૂછપરછ પણ કરવામાં આવી છે.

Delhi: CBI કરી રહી છે મનીષ સિસોદિયાની પૂછપરછ, કેજરીવાલે કહ્યું- મનીષ 8 ડિસેમ્બર સુધી જેલમાં રહેશે
Manish Sisodia

દિલ્હી એક્સાઇઝ પોલિસીમાં કથિત અનિયમિતતાના મામલામાં પૂછપરછ માટે નાયબ મુખ્યમંત્રી મનીષ સિસોદિયા (Manish Sisodia) સોમવારે સવારે 11 વાગે CBI ઓફિસ પહોંચ્યા હતા. સીબીઆઈએ સિસોદિયાની પૂછપરછ શરૂ કરી છે. આ પહેલા તેમણે રાજ્યસભા સાંસદ સંજય સિંહ સાથે રાજઘાટ પર બાપુની સમાધિના દર્શન કર્યા હતા. અહીંથી તેઓ સીબીઆઈ ઓફિસ ગયા હતા. તેમની સાથે વાહનો અને સમર્થકોનો લાંબો કાફલો પણ સીબીઆઈ ઓફિસ પહોંચ્યો હતો. જો કે, સીબીઆઈ ઓફિસની બહાર પોલીસે સિસોદિયાને એક્ઝિટ ગેટથી જ પ્રવેશવાની મંજૂરી આપી હતી. બીજી તરફ કેજરીવાલે (Arvind Kejriwal) દાવો કર્યો હતો કે ગુજરાત ચૂંટણીના પરિણામ ન આવે ત્યાં સુધી મનીષને જેલમાં રાખવામાં આવશે.

કાફલામાં અન્ય તમામને સીબીઆઈ કાર્યાલયની 100 મીટર પહેલા રોકી દેવામાં આવ્યા હતા. આપને જણાવી દઈએ કે સીબીઆઈ દિલ્હી એક્સાઈઝ પોલિસીમાં કથિત અનિયમિતતાના કેસની તપાસ કરી રહી છે. આ પહેલા પણ સીબીઆઈ ઘણી વખત મનીષ સિસોદિયાના સ્થળો પર દરોડા પાડી ચૂકી છે. તેની ઘણી વખત પૂછપરછ પણ કરવામાં આવી છે. જો કે, મનીષ સિસોદિયાએ દાવો કર્યો છે કે અત્યાર સુધી સીબીઆઈને તેમની પાસેથી આ કેસ સંબંધિત કંઈપણ મળ્યું નથી.

તેમણે પોતાના સમર્થકોની સામે ફરી એક વાર દાવો કર્યો કે આ કેસ સંપૂર્ણપણે નકલી છે. કારણ કે ભાજપ ગુજરાતમાં હારી રહ્યું છે. તેઓ પોતે ગુજરાતના પ્રવાસે જવાના હતા. તેથી જ તેમને ગુજરાતમાં જતા રોકવા માટે આ આખી રમત રમાઈ રહી છે. બીજી તરફ દિલ્હીના મુખ્યમંત્રી અરવિંદ કેજરીવાલે ભાજપ પર જોરદાર પ્રહારો કર્યા છે. તેમણે કહ્યું કે ગુજરાતના પરિણામો 8 ડિસેમ્બરે આવશે. ત્યાં સુધી આ લોકો મનીષને જેલમાં રાખશે.

સિસોદિયા એન્ટ્રી રજિસ્ટરમાં સહી કરીને અંદર ગયા

દિલ્હીના ઉપમુખ્યમંત્રી મનીષ સિસોદિયા સીબીઆઈ હેડ ક્વાર્ટર પર પહોંચતા જ તેમને એન્ટ્રી રજિસ્ટર આપવામાં આવ્યું હતું. જેના પર સહી કર્યા બાદ સીબીઆઈની ટીમ તેની સાથે અંદર ગઈ હતી. કહેવામાં આવી રહ્યું છે કે હાલ તેમની પૂછપરછ ચાલુ છે. પૂછપરછ કરતા તમામ અધિકારીઓ પાસે પ્રશ્નોની અલગ અલગ યાદી છે. કહેવામાં આવી રહ્યું છે કે આ પૂછપરછ થોડી લાંબી થઈ શકે છે. હકીકતમાં, આ પૂછપરછ દરમિયાન સિસોદિયાને અન્ય આરોપીઓ અને સાક્ષીઓના નિવેદનો પણ સાંભળવાના છે.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati