PFI ના ખતરનાક ઈરાદા, 2047 સુધીમાં ભારતને ઇસ્લામિક રાષ્ટ્ર બનાવવાની યોજના, બિહારમાંથી 3 શકમંદોની ધરપકડ
પોલીસનું (Police) કહેવું છે કે તેમના કબજામાંથી અનેક ગુનાહિત દસ્તાવેજો પણ મળી આવ્યા છે, જે દર્શાવે છે કે બંને આતંકવાદીઓ વર્ષ 2047 સુધીમાં ભારતને ઈસ્લામિક રાષ્ટ્ર બનાવવા અને મુઘલોનું શાસન ફરી સ્થાપિત કરવાની દિશામાં કામ કરી રહ્યા હતા.
બિહારની પટના પોલીસે બે શંકાસ્પદ આતંકવાદીઓની (Terrorists) ધરપકડ કરી છે. આ બંનેના સંબંધો ઉગ્રવાદી સંગઠન પોપ્યુલર ફ્રન્ટ ઓફ ઈન્ડિયા (PFI) સાથે જણાવવામાં આવી રહ્યા છે. પોલીસનું કહેવું છે કે તેમના કબજામાંથી અનેક ગુનાહિત દસ્તાવેજો પણ મળી આવ્યા છે, જે દર્શાવે છે કે બંને આતંકવાદીઓ વર્ષ 2047 સુધીમાં ભારતને ઈસ્લામિક રાષ્ટ્ર બનાવવા અને મુઘલોનું શાસન ફરી સ્થાપિત કરવાની દિશામાં કામ કરી રહ્યા હતા. બંને માર્શલ આર્ટના નામે હથિયારોનો ઉપયોગ કરવાનો ટ્રેનિંગ કેમ્પ ચલાવતા હતા. આ બંને એક ખાસ સમુદાયના લોકોને આતંકવાદી ટ્રેનિંગ આપવાનું કામ કરતા હતા.
26 લોકો સામે FIR, પોલીસે 3ની ધરપકડ કરી
પટનાના SSPએ કહ્યું કે, અમે રૂટિન વર્ક દરમિયાન આવી સંસ્થાઓ (PFIs) પર નજર રાખીએ છીએ. 12મી જુલાઈએ વડાપ્રધાન નરેન્દ્ર મોદી આવતાની સાથે જ અમે એલર્ટ થઈ ગયા હતા. અમને આ આતંકવાદી મોડ્યુલ વિશે માહિતી મળી છે. જે બાદ અમે સઘન તપાસ શરૂ કરી હતી. 26 લોકો વિરુદ્ધ FIR નોંધવામાં આવી છે, જેમાંથી ત્રણ લોકોની ધરપકડ કરવામાં આવી છે. પત્રમાં પીએમ મોદીને કોઈ સીધી ધમકી નથી, પરંતુ તેમ છતાં અમે તપાસ કરી રહ્યા છીએ.
ઝારખંડ પોલીસના નિવૃત્ત અધિકારી પણ સામેલ
પટના એએસપી મનીષ કુમારે જણાવ્યું કે, બંનેની ફુલવારી શરીફથી ધરપકડ કરવામાં આવી છે. તેમના નામ મોહમ્મદ જલાલુદ્દીન અને અતહર પરવેઝ છે. મોહમ્મદ જલાલુદ્દીન ઝારખંડ પોલીસના નિવૃત્ત અધિકારી છે, જ્યારે અતહર પરવેઝ અગાઉ આતંકવાદી સંગઠન સિમીનો સભ્ય હતો, જેને દેશ વિરોધી ગતિવિધિઓને કારણે ઘણા વર્ષો પહેલા પ્રતિબંધિત કરવામાં આવ્યો હતો. સિમી પર પ્રતિબંધ પછી તે પીએફઆઈમાં જોડાયો. આ દિવસોમાં તેની રાજકીય પાંખ SDPI (સોશિયલ ડેમોક્રેટિક પાર્ટી ઑફ ઈન્ડિયા) માટે કામ કરતો હતો.
આતંકવાદીઓ પાસેથી ‘ઇન્ડિયા વિઝન 2047’નું વિઝન પેપર મળ્યું
એએસપી મનીષ કુમારે જણાવ્યું કે બંનેએ ફુલવારી શરીફના નવા ટોલા અહેમદ પેલેસને ટ્રેનિંગ કેમ્પ બનાવ્યો હતો. સાથે જ તે માર્શલ આર્ટની તાલીમના નામે દેશના વિવિધ રાજ્યોમાંથી ચોક્કસ સમુદાયના યુવાનોને બોલાવીને આતંકવાદી ગતિવિધિઓની તાલીમ આપતો હતો. છેલ્લા બે મહિનાથી આરોપીઓ પાસે અન્ય રાજ્યોના લોકો આવતા હતા. મુલાકાતીઓ ટિકિટ બુક કરાવતી વખતે અને હોટલોમાં રોકાઈને તેમના નામ બદલી રહ્યા હતા. બંને આતંકવાદીઓ પાસેથી 8 પાનાનું વિઝન પેપર પણ મળ્યું છે, જેમાં વર્ષ 2047 સુધીમાં ભારતને મુસ્લિમ રાષ્ટ્ર બનાવવાની વાત કહેવામાં આવી છે.
સંડોવાયેલા લોકોને શોધી કાઢવામાં આવી રહ્યા છે
એએસપી મનીષ કુમારે જણાવ્યું કે, સિમી પર પ્રતિબંધ બાદ વર્ષ 2002માં બોમ્બ બ્લાસ્ટ થયા હતા. આ કેસમાં અતહર પરવેઝના નાના ભાઈની ધરપકડ કરવામાં આવી હતી. તે ઘણા મહિનાઓથી જેલમાં હતો. પરત ફર્યા બાદ બંને ભાઈઓ એક ખાસ સમુદાયના લોકો માટે આતંકવાદી તાલીમ કેમ્પ ચલાવતા હતા. ASPએ જણાવ્યું કે તે SIMI અને PFIનું ગઠબંધન છે. આ જોડાણમાં સામેલ બાકીના લોકોને પણ શોધી કાઢવામાં આવી રહ્યા છે.
Accused incl a retired police officer of Jharkhand, Mohd Jallauddin along with a former member of SIMI who is also current member of PFI&SDPI, Athar Parvez arrested. Parvez’s younger brother went to jail in 2001-02 bomb blasts in state after SIMI was banned:Bihar SSP Manish Kumar pic.twitter.com/3y5vBlwJiI
— ANI (@ANI) July 13, 2022
2047 સુધીમાં ભારતને મુસ્લિમ રાષ્ટ્ર બનાવવાની વાત
ASP મનીષ કુમારે જણાવ્યું કે, આ વિઝન પેપરમાં લખ્યું છે કે, PFIને પૂરેપૂરો વિશ્વાસ છે કે જો માત્ર 10 ટકા મુસ્લિમો પણ તેની પાછળ એકઠા થાય તો તે કાયર બહુમતી સમુદાયને ઘૂંટણિયે લાવશે. આતંકવાદીઓએ આ વિઝન પેપરને ‘ઇન્ડિયા વિઝન 2047’ નામ આપ્યું છે. એટલે કે તેઓ વર્ષ 2047 સુધીમાં ભારતને મુસ્લિમ રાષ્ટ્ર બનાવવાના ઈરાદા સાથે કામ કરી રહ્યા હતા.
ઇડી પણ તપાસમાં જોડાશે
એએસપી મનીષ કુમારે જણાવ્યું કે, પરવેઝે લાખોનું દાન પણ એકત્ર કર્યું હતું. લોકોને માર્શલ આર્ટના નામે તલવારો અને છરીઓનો ઉપયોગ કરવાનું શીખવવામાં આવ્યું હતું. એટલું જ નહીં, આરોપીઓએ તેમને ધાર્મિક હિંસા માટે ઉશ્કેર્યા હતા. અમારી પાસે સીસીટીવી ફૂટેજ તેમજ સાક્ષીઓના એકાઉન્ટ છે. પરવેઝે પણ લાખોમાં ફંડ એકઠું કર્યું હતું. આ કેસની તપાસમાં ED પણ સામેલ છે. ઇડી તપાસ કરશે કે તેઓ ક્યાંથી ભંડોળ મેળવતા હતા.
Latest News Updates
