Breaking News: બાગેશ્વર ધામના પીઠાધીશ્વર ધીરેન્દ્ર શાસ્ત્રીના ભાઈની ધરપકડ, જાણો શું છે મામલો
ધીરેન્દ્ર કૃષ્ણ શાસ્ત્રીના ભાઈ શાલિગ્રામની પોલીસે ધરપકડ કરી છે અને તેને છતરપુર જિલ્લા કોર્ટમાં રજૂ કર્યો છે. વાસ્તવમાં 11 ફેબ્રુઆરીના રોજ ધીરેન્દ્ર શાસ્ત્રીના ભાઈએ ગઢા ગામમાં હંગામો મચાવ્યો હતો.
બાગેશ્વર ધામના પીઠાધીશ્વર ધીરેન્દ્ર કૃષ્ણ શાસ્ત્રીના ભાઈ શાલિગ્રામની પોલીસે ધરપકડ કરી છે અને તેને છતરપુર જિલ્લા કોર્ટમાં રજૂ કર્યો છે. શાલીગ્રામને મારપીટ અને એસસી-એસટીના કેસમાં કોર્ટમાં રજૂ કરવામાં આવ્યો હતો. વાસ્તવમાં 11 ફેબ્રુઆરીના રોજ ધીરેન્દ્ર શાસ્ત્રીના ભાઈએ ગઢા ગામમાં હંગામો મચાવ્યો હતો. તેમજ બંદૂકની અણીએ દલિત પરિવારને ધમકાવવાનો અને મારપીટ કરવાનો પણ આરોપ હતો. સોશિયલ મીડિયા પર વીડિયો સામે આવ્યા બાદ બમીઠા પોલીસ સ્ટેશને કેસ નોંધ્યો હતો.
તમને જણાવી દઈએ કે મામલો છતરપુર જિલ્લાના ગઢા ગામનો છે. અહીં 11 ફેબ્રુઆરીએ ધીરેન્દ્ર કૃષ્ણ શાસ્ત્રીના ભાઈ શાલિગ્રામે લગ્ન સમારોહમાં હંગામો મચાવ્યો હતો અને તેમણે હાથમાં પિસ્તોલ બતાવીને ધમકી આપી. પ્રત્યક્ષદર્શીઓએ જણાવ્યું હતું કે કન્યા પક્ષે સ્વાગત માટે કોઈ વ્યવસ્થા કરી ન હતી, આ સ્થિતિમાં દારૂના નશામાં ધૂત શાલિગ્રામે હાથમાં પિસ્તોલ લઈને લોકોને ધમકી આપી હતી.
વરરાજાએ આરોપી શાલિગ્રામ સામે કાર્યવાહીની માગ કરી
આ કેસમાં વરરાજા આકાશે પણ આરોપી શાલિગ્રામ સામે કડક કાર્યવાહીની માગ કરી હતી. વરરાજાએ આરોપ લગાવ્યો હતો કે ધીરેન્દ્ર શાસ્ત્રીનો ભાઈ શાલિગ્રામ તેના પર 18 ફેબ્રુઆરીના રોજ યોજાયેલા સમૂહ લગ્નમાં ના પાડવા પર બળજબરીથી લગ્ન કરવા દબાણ કરી રહ્યો હતો. લગ્ન 11 ફેબ્રુઆરીના રોજ થયા હતા. જે દિવસે તે નશામાં પહોંચી ગયો હતો અને હંગામો શરૂ કર્યો હતો.
125 યુગલોએ એકસાથે લગ્ન કર્યા
18 ફેબ્રુઆરીના રોજ નિર્ધારિત કાર્યક્રમ મુજબ, બાગેશ્વર ધામમાં ધાર્મિક ગુરુ ધીરેન્દ્ર શાસ્ત્રી દ્વારા આયોજિત સમારોહમાં 125 યુગલોએ સમૂહ લગ્ન કર્યા. આ લગ્નમાં મુખ્યમંત્રી શિવરાજ સિંહ નવદંપતીને આશીર્વાદ આપવા પહોંચ્યા હતા. આટલું જ નહીં, કોંગ્રેસના મધ્ય પ્રદેશ એકમના વડા કમલનાથે પણ ગરહા ગામમાં સ્થિત બાગેશ્વર ધામની મુલાકાત લીધી હતી અને શાસ્ત્રી સાથે મુલાકાત કરી હતી.
કોણ છે ધીરેન્દ્ર કૃષ્ણ શાસ્ત્રી?
26 વર્ષીય કથાકાર ધીરેન્દ્ર કૃષ્ણ શાસ્ત્રી છતરપુર જિલ્લાના ગઢાના રહેવાસી છે. તેમના દાદાની જેમ તેઓ પણ ગામના લોકોને ભગવાન સત્યનારાયણની કથા સંભળાવતા. ધીમે-ધીમે પોતાના ચમત્કારોથી તે સોશિયલ મીડિયામાં ફેમસ થઈ ગયા છે. મીડિયા રિપોર્ટ્સ અનુસાર, પીઠાધીશ્વર ધીરેન્દ્ર કૃષ્ણ શાસ્ત્રીના દરબારમાં જે પણ આવે છે, તે પોતાની સમસ્યાઓ કાગળ પર લખીને ત્યાં પહોંચે છે. તેમનું પેપર જોયા વિના, શાસ્ત્રી તેમની સમસ્યા સમજે છે અને ઉકેલ સૂચવે છે.
Latest News Updates
