સાબરમતી જેલમાં અતીક અહેમદને મળવા આવતી ‘મિસ્ટ્રી મહિલા’ કોણ છે? જેને લઈને શાઈસ્તા સાથે થયો હતો અતીકનો ઝઘડો

માફિયા અતીક અહેમદની પત્ની શાઇસ્તા પરવીન સાથે યુપી પોલીસ એક મહિલાને શોધી રહી છે જે સાબરમતી જેલમાં અતીકને મળવા આવી હતી. તેણે અતીક સાથે ફોન પર વાત પણ કરી હતી. તેનું રેકોર્ડિંગ પોલીસ પાસે છે. ઉમેશ પાલ હત્યા કેસમાં શંકાસ્પદ મહિલાની ભૂમિકા હોવાનું માનવામાં આવે છે. પોલીસ શાઇસ્તા અને તે મહિલાને શોધી રહી છે.

કોણ છે મિસ્ટ્રી મહિલા?

STF અને પોલીસે સાબરમતી જેલમાં અતીક અહેમદને મળેલા લોકોની યાદી શોધી અને સીસીટીવી ફૂટેજ જોયા તો એક મહિલાનું નામ સામે આવી રહ્યું છે, જે અતીકના પરિવારની નથી. આ મહિલા તેની મરજી વિરુદ્ધ અતીકના પરિવારને મળવા આવી હતી અને આ મહિલાને લઈને અતીક અને શાઈસ્તા વચ્ચે ઝઘડો થયો હતો.

આ પછી પણ અતીક અહેમદે મહિલાને મળવાનું બંધ ન કર્યું અને ફોન પર સંપર્કમાં રહ્યો. ઉમેશ પાલની હત્યા પહેલા જેલમાંથી અતીકને સંદેશો પહોંચાડવામાં મહિલાએ મહત્વની ભૂમિકા ભજવી હોવાનું માનવામાં આવે છે. પોલીસ હવે તે મહિલાની કુંડળી તપાસી રહી છે, જે પણ મહત્વની કડી માનવામાં આવે છે. હાલ પોલીસ મહિલાની ઓળખ ગુપ્ત રાખી રહી છે.

અમદાવાદની જેલમાં આવતી હતી મળવા

સૂત્રોના જણાવ્યા અનુસાર ઉમેશની હત્યા પહેલા એક મહિલા સાબરમતી જેલમાં અતીકને મળવા ગઈ હતી. આ મહિલા આતિક અહેમદને જેલમાં ઘણી વખત મળી ચૂકી છે. જો કે, અતીકને મળવા પાછળ તેનો હેતુ શું હતો, તે હજુ સુધી જાણી શકાયું નથી.

ત્યારે સૂત્રોના જણાવ્યા મુજબ આ મહિલાનું નામ શબાના હોવાનુ સામે આવ્યું છે જે પ્રયાગરાજના કારેલી વિસ્તારની રહેવાસી હોવાની જાણકારી મળી રહી છે. પોલીસની ટીમ મહિલા સાથે જોડાયેલી દરેક માહિતી ખોદી કાઢવામાં લાગેલી છે. પોલીસ અધિકારીઓને શંકા છે કે મહિલા માફિયા અતીક અહેમદ અને અસદના ઘણા રહસ્યો જાણે છે. આથી પોલીસ તેને પકડીને પૂછપરછ કરવાનો પ્રયાસ કરી રહી છે.

દરમિયાન, એવા સમાચાર છે કે પોલીસે કૌશામ્બીમાં અતીક અહેમદના ગોરખિયાઓના ઘર પર દરોડો પાડ્યો હતો. પોલીસનો આ દરોડો મુમતાઝ અને શમસાદના ઘરે પડયો હતો. દરોડા દરમિયાન પોલીસને બંને ઘરમાંથી ફરાર મળી આવ્યા હતા. કહેવામાં આવી રહ્યું છે કે બંને અતીક અહેમદ ગેંગ માટે કામ કરતા હતા, બંને એક્ટિવ મેમ્બર છે. મુમતાઝ અને શમશાદ પર અતીકને આર્થિક મદદ કરવાનો આરોપ છે. દરોડા દરમિયાન પોલીસે પરિવારના ત્રણ સભ્યોની અટકાયત કરી છે.