બાળકોને તેમના પ્રાઈવેટ પાર્ટ વિશે પૂછવા પર વામપંથીઓ પર ગુસ્સે થયા RSS ચીફ મોહન ભાગવત
એક કાર્યક્રમને સંબોધિત કરતી વખતે રાષ્ટ્રીય સ્વયંસેવક સંઘના વડા મોહન ભાગવતે ડાબેરીઓ(વામપંથીઓ) પર જોરદાર પ્રહારો કર્યા હતા. તેમણે કહ્યું કે શાળાઓમાં બાળકોને તેમના પ્રાઈવેટ પાર્ટના નામ પૂછવા એ ડાબેરીઓનો હુમલો છે. ભાગવતે કહ્યું કે ડાબેરીઓ માત્ર ભારતની જ નહીં પરંતુ સમગ્ર વિશ્વની વિરુદ્ધ છે.
રાષ્ટ્રીય સ્વયંસેવક સંઘ (RSS)ના વડા મોહન ભાગવતે ડાબેરીઓને લઈને મોટું નિવેદન આપ્યું છે. આરએસએસ ચીફે કહ્યું કે બાળકોને તેમના પ્રાઈવેટ પાર્ટના નામ પૂછવા એ ડાબેરીઓનો હુમલો છે. ભાગવતે કેજી (કિન્ડરગાર્ટન)ના બાળકો તેમના પ્રાઈવેટ પાર્ટ વિશે જાણે છે કે કેમ તે શોધવા માટેની શૈક્ષણિક કવાયતને ડાબેરી વાતાવરણના હુમલા તરીકે ગણાવી હતી.
આ પણ વાંચો: બાળ લગ્ન અને સતી પ્રથા પર બોલ્યા RSS નેતા, ઇસ્લામિક આક્રમણને કારણે આવ્યા આ દુષણો
મહારાષ્ટ્રના પુણેમાં મરાઠી પુસ્તક જગાલા પોખરનારી દાવી વાલ્વીના વિમોચન પ્રસંગે એક કાર્યક્રમને સંબોધતા ભાગવતે કહ્યું કે થોડા દિવસો પહેલા હું ગુજરાતની એક શાળામાં ગયો હતો. ત્યાં એક શિક્ષકે મને KG એટલે કે કિન્ડરગાર્ટન સ્કૂલમાંથી એક સૂચના બતાવી, જેમાં લખ્યું હતું કે શિક્ષકોને KG 2ના બાળકોને તેમના પ્રાઈવેટ પાર્ટ વિશે ખબર છે કે કેમ તે જાણવા માટે કહેવામાં આવ્યું છે.
આપણી સંસ્કૃતિ પર હુમલો થઈ રહ્યો છે: ભાગવત
ભાગવતે વધુમાં કહ્યું કે ડાબેરી વાતાવરણ પર હુમલો થઈ રહ્યો છે અને લોકોના સહયોગ વિના આ શક્ય નથી. આરએસએસ ચીફે કહ્યું કે આજે આપણી સંસ્કૃતિની તમામ પવિત્ર વસ્તુઓ પર આ રીતે હુમલો કરવામાં આવી રહ્યો છે. ડાબેરીઓ પર મોટો હુમલો કરતા તેમણે કહ્યું કે ડાબેરીઓ માત્ર હિંદુઓ કે ભારતનો જ નહીં પરંતુ સમગ્ર વિશ્વનો વિરોધ કરે છે.
ભાગવતે અમેરિકન સ્કૂલના ઓર્ડર વિશે જણાવ્યું
ભાગવતે કહ્યું કે અમેરિકામાં નવી સરકાર બન્યા પછી (ડોનાલ્ડ ટ્રમ્પની સરકાર પછી) પહેલો આદેશ શાળાઓ સાથે સંબંધિત હતો, જેમાં શિક્ષકોને બાળકો સાથે તેમના લિંગ વિશે વાત ન કરવા માટે કહેવામાં આવ્યું હતું. બાળકોએ પોતે જ આ અંગે નિર્ણય લેવો જોઈએ, જો કોઈ છોકરો કહે કે તે હવે છોકરી છે તો છોકરાને છોકરીઓ માટેના ટોયલેટનો ઉપયોગ કરવાની છૂટ આપવી જોઈએ.
ડાબેરીઓ અમેરિકન સંસ્કૃતિને ભ્રષ્ટ કરવા માંગે છે: ભાગવત
આરએસએસ ચીફે કહ્યું કે ડાબેરીઓ અમેરિકન સંસ્કૃતિને ભ્રષ્ટ કરવા માંગે છે અને તેઓ આમ કરવામાં સફળ થયા છે. તેમણે કહ્યું કે તેઓ માત્ર હિંદુઓ કે ભારતની વિરુદ્ધ નથી, પરંતુ સમગ્ર વિશ્વની વિરુદ્ધ છે.
