તાજેતરમાં એક કપલ મુંબઈની પ્રખ્યાત પાપા પાંચો રેસ્ટોરન્ટમાં લંચ માટે ગયા હતા. તેણે રોટલી, ચિકન અને મટન થાળીનો ઓર્ડર આપ્યો હતો. જમતી વખતે તેની નજર ચિકનના એક ટુકડા પર પડી જે અન્ય ટુકડા કરતા અલગ હતી. જ્યારે તેઓએ જોયું, ત્યારે તેમને જાણવા મળ્યું કે તે મૃત ઉંદરનું બચ્ચું હતું. આ જોઈને કપલ ત્યાંથી ચાલ્યા ગયા. તેણે તરત જ બાંદ્રા પોલીસ સ્ટેશનમાં ફરિયાદ નોંધાવી. આ મામલે પોલીસે કાર્યવાહી હાથ ધરી હતી.

મુંબઈની જાણીતી હોટલમાં પાડ્યા દરોડા

સંબંધિત મામલો ખૂબ જ ચોંકાવનારો છે. FDAએ આ બાબતને ગંભીરતાથી લીધી છે. વિભાગના અધિકારીઓ હવે મુંબઈની મોટી હોટલ અને રેસ્ટોરન્ટ પર દરોડા પાડી રહ્યા છે. હવે એફડીએ માત્ર હાઈ-ફાઈ હોટલ પર જ નહીં પરંતુ નાની-મોટી હોટેલો પર પણ નજર રાખી રહ્યું છે.

આ પણ વાંચો : મુંબઈ એરપોર્ટ પર દુર્ઘટના, વિશાખાપટ્ટનમથી આવી રહેલું પ્લેન રનવે પર લપસ્યું, જુઓ Video

એફડીએના અધિકારીઓએ બુધવારે મુંબઈમાં બડે મિયાં નામની હોટલ પર દરોડા પાડ્યા હતા. આ હોટેલ દક્ષિણ મુંબઈના કોલાબામાં આવેલી છે. આ હોટલના રસોડામાં લાયસન્સ ન હોવાનું જાણવા મળ્યું હતું. અધિકારીઓએ જોયું કે સંબંધિત હોટેલ FSSIAની પરવાનગી વિના ભોજન પીરસી રહી હતી. ખાસ કરીને હોટેલનું રસોડું ગંદુ હતું. તેમાં કોકરોચ અને ઉંદરો મળી આવ્યા હતા. જેથી અધિકારીઓએ કાર્યવાહી શરૂ કરી હતી.