PM મોદી મુંબઈને આપશે વંદે ભારત ટ્રેનની ભેટ, સુરક્ષાનો ચાંપતો બંદોબસ્ત ગોઠવાયો
વડાપ્રધાન મોદીની મુલાકાતને ધ્યાનમાં રાખીને, એરપોર્ટ, કોલાબા, એમઆરએ માર્ગ, એમઆઈડીસી અને અંધેરી સહિતના વિસ્તારોમાં ડ્રોન અને ઉડ્ડયન પ્રવૃત્તિઓ પર પ્રતિબંધ મૂકવામાં આવ્યો છે
PM નરેન્દ્ર મોદી 10 ફેબ્રુઆરીએ મુંબઈમાં વંદે ભારત એક્સપ્રેસને લીલી ઝંડી આપશે.વડાપ્રધાન મોદીની મુલાકાતને ધ્યાનમાં રાખીને, એરપોર્ટ, કોલાબા, એમઆરએ માર્ગ, એમઆઈડીસી અને અંધેરી સહિતના વિસ્તારોમાં ડ્રોન અને ઉડ્ડયન પ્રવૃત્તિઓ પર પ્રતિબંધ મૂકવામાં આવ્યો છે. સાથે જ વડાપ્રધાનની મુલાકાતને ધ્યાનમાં રાખીને સુરક્ષાની સઘન વ્યવસ્થા કરવામાં આવી છે.
Maharashtra| PM Modi to inaugurate Vande Bharat Express in Mumbai tomorrow on 10th February. In the wake of PM’s visit, drones & flying activities banned in the jurisdiction of Airport PS, Sahar PS, Colaba PS, MRA Marg PS, MIDC PS & Andheri PS#TV9News pic.twitter.com/8itfAygPDx
— Tv9 Gujarati (@tv9gujarati) February 9, 2023
મુંબઈ અને સોલાપુર વચ્ચે વંદે ભારત એક્સપ્રેસ દોડશે
તમને જણાવી દઈએ કે મુંબઈને બે વંદે ભારત ટ્રેન મળવાની શક્યતા છે. એવું કહેવામાં આવ્યું હતું કે મુંબઈ અને સોલાપુર વચ્ચે વંદે ભારત એક્સપ્રેસ ભોર ઘાટથી દોડે તેવી શક્યતા છે. આ ટ્રેન 6.35 કલાકમાં બંને સ્થળો વચ્ચે લગભગ 400 કિમીનું અંતર કાપશે તેવી અપેક્ષા છે. બીજી તરફ, મુંબઈ-શિરડી હાઈ-સ્પીડ ટ્રેન થલ ઘાટથી દોડે તેવી શક્યતા છે. આ ટ્રેન 5.25 કલાકમાં અંદાજે 340 કિમીનું અંતર કાપશે.
ટ્રેનને ઢોળાવ પરથી નીચે ઉતરતી અટકાવવા ખાસ વ્યવસ્થા
અધિકારીઓના જણાવ્યા અનુસાર, આગામી એક સપ્તાહની અંદર ચેન્નાઈની ઈન્ટિગ્રેટેડ કોચ ફેક્ટરીમાંથી ટ્રેન મળવાની અપેક્ષા છે અને તે પછી બંને ઘાટ વિભાગો પર ટ્રાયલ રન તરત જ શરૂ કરવામાં આવશે. અધિકારીએ જણાવ્યું હતું કે ઘાટ વિભાગોમાં લોકોમોટિવ્સની સમસ્યાને દૂર કરવા માટે, વંદે ભારત એક્સપ્રેસની બંને ટ્રેનોમાં પાર્કિંગ બ્રેક લગાવવામાં આવશે, જે ટ્રેનને ઢોળાવ પરથી નીચે ઉતરતી અટકાવશે.
વડાપ્રધાનના શેડ્યુલ મુજબ, તેઓ છત્રપતિ શિવાજી મહારાજ ટર્મિનસ (CSMT) થી સાંઈ નગર શિરડી અને સોલાપુરથી છત્રપતિ શિવાજી મહારાજ ટર્મિનસ (CSMT) સુધી વંદે ભારત એક્સપ્રેસ ટ્રેનને લીલી ઝંડી બતાવશે. મળતી માહિતી મુજબ, બંને ટ્રેનોનું નિર્માણ ચેન્નાઈના ઈન્ટિગ્રલ કોચ ફેક્ટરીમાં કરવામાં આવ્યું છે.
