Maharashtra Breaking News : “અમે શું ભીખ માંગીએ છીએ ? શેરડીના પૈસા આપો…” મહારાષ્ટ્રના સોલાપુરમાં ખેડૂતોનું જળસમાધિ આંદોલન !
મહારાષ્ટ્ર રાજ્યના સોલાપુરમાં બાકી ચૂકવણીઓ ન મળતા શેરડી ઉત્પાદક ખેડૂતો આક્રમક બન્યા. ચેતવણી છતાં દબાણ કરી રહેલા વહીવટ સામે વિરોધમાં ખેડૂતો તળાવમાં કૂદી પડ્યા. આ ઘટનાથી વહીવટીતંત્રમાં દોડધામ મચી ગઈ.
ગોકુળ શુગર ફેક્ટરી દ્વારા શેરડીના બિલની બાકી રકમ ન ચૂકવવામાં આવતા સોલાપુર ખેડૂતોમાં ભારે રોષ જોવા મળ્યો. “અમે શું ભીખ માંગીએ છીએ?” એવો સવાલ કરતાં કેટલાક ખેડૂતોએ છત્રપતિ સંભાજી મહારાજ તળાવમાં કૂદી પડ્યા. ખેડૂતોનું જલસમાધિ આંદોલન શરૂ થયું તે સમયે વહીવટીતંત્રમાં હોબાળો મચી ગયો. પોલીસ દળના વરિષ્ઠ અધિકારીઓ અને વહીવટી અધિકારીઓ તાત્કાલિક દોડી આવ્યા. કેટલાક અધિકારીઓ તળાવમાં પ્રવેશ્યા. તે બધા ખેડૂતોને સમજાવવાનો પ્રયાસ પણ કર્યો.
અગાઉથી ચેતવણી આપવામાં આવી હતી કે ખેડૂતો આજે 10 જૂને જલસમાધિ આંદોલન કરશે. આને ધ્યાનમાં રાખીને પોલીસ વહીવટીતંત્રે સાવચેતી રાખી હતી. તેમની માંગણીઓ સ્વીકારવામાં ન આવતાં ગુસ્સે ભરાયેલા ખેડૂતોએ તળાવ તરફ કૂચ કરી હતી. પોલીસે તેમને રોકવા માટે પહેલાથી જ બેરિકેડ લગાવી દીધી હતી. ખેડૂતો મોટી સંખ્યામાં આવી ગયા હતા. તેઓ બેરિકેડ દૂર કરીને તળાવ તરફ દોડી ગયા હતા.
છેલ્લા 17 દિવસથી ખેડૂતોની ચાલૂ છે ભૂખ હડતાળ
ગોકુળ શુગર ફેક્ટરી તેના 130 કરોડ રૂપિયાના શેરડી બિલ ચૂકવવામાં નિષ્ફળ જતા ખેડૂતો છેલ્લા 17 દિવસથી ભૂખ હડતાળ પર છે. પરંતુ વહીવટીતંત્ર તરફથી કોઈ નોંધ લેવામાં આવી નથી. તેથી ખેડૂતોને અંતે જળસમાધિ આંદોલનનો માર્ગ અપનાવવો પડ્યો.
બેરિકેડ તોડીને તળાવ તરફ દોડ
પ્રશાસને આગોતરા તૈયારી કરી બેરિકેડ્સ લગાવ્યા હતા. છતાં મોટી સંખ્યામાં આવેલા ખેડૂતો બેરિકેડ તોડીને તળાવ તરફ દોડી ગયા અને આંદોલન શરૂ કર્યું.
ખેડૂતોની આકરા લડત
દક્ષિણ સોલાપુર તાલુકાના ધોત્રામાં ગોકુલ સુગર ફેક્ટરી પાસેથી બાકી શેરડી બિલની માંગણી માટે ખેડૂતો છેલ્લા કેટલાક દિવસોથી આક્રમક રહ્યા છે. ખેડૂતો છેલ્લા 17 દિવસથી ભૂખ હડતાળ પર છે. ગયા અઠવાડિયે, ખેડૂતોએ વહીવટનો વિરોધ કરવા માટે અર્ધનગ્ન વિરોધ પ્રદર્શન પણ કર્યું હતું. પરંતુ અધિકારીઓ પર આ વિરોધ પ્રદર્શનની કોઈ અસર પણ થઈ નથી. તહેસીલદાર હોય કે પોલીસ વહીવટીતંત્ર, કોઈએ તેમના વિરોધની નોંધ લીધી નથી. જિલ્લા કલેક્ટર કચેરીની બહાર શાંતિપૂર્ણ ધરણા પ્રદર્શન ચાલી રહ્યું હતું. ફેક્ટરીએ પણ કોઈ નોંધ ન લેતા આજે ખેડૂતોની ધીરજ ખૂટી ગઈ. તેમણે શહેરના છત્રપતિ સંભાજી મહારાજ તળાવમાં સામૂહિક જળસમાધિ આંદોલન કરીને વિરોધ પ્રદર્શન કર્યું. ગોકુળ શુગર ફેક્ટરીએ સોલાપુર અને ધારાશિવ જિલ્લાના ખેડૂતોના શેરડીના બિલ ચૂકવી દીધા છે.
આ પણ વાંચો, Himmatnagar Breaking News : હિંમતનગરના પોશ વિસ્તારમાં ટ્યુશન ક્લાસિસની નીચેથી ઝડપાયો દારૂનો જથ્થો ! જુઓ Video
