ગુડી પડવા પર પ્રતિબંધોને લઈને રામ કદમનો સીએમ ઉદ્ધવ ઠાકરે પર તીખો પ્રહાર, તમારા પ્રતિબંધોને ચૂલામાં મૂકો, અમે ધામધૂમથી ઉજવીશું તહેવાર

મહારાષ્ટ્ર ભાજપ (Maharashtra BJP) પ્રવક્તા રામ કદમે  (Ram Kadam) સીએમ ઉદ્ધવ ઠાકરેને પત્ર લખીને ગુડી પડવા નવા વર્ષ અને રામ નવમી (Ram Navami) પર પ્રતિબંધ લાદવાનો વિરોધ કર્યો છે.  તેમણે સીએમને પત્ર લખીને કહ્યું છે કે તમારી સરકારે ફરી એકવાર હિન્દુ તહેવારો ગુડી પડવા નવું વર્ષ અને રામ નવમી પર પ્રતિબંધ મૂકવાની યોજના જાહેર કરી છે. સત્ય શું છે? તમને વિનંતી કરવામાં આવે છે કે તમારી સરકાર દ્વારા આગામી કોઈપણ હિંદુ તહેવાર પર પ્રતિબંધો ન લાદવામાં આવે. તેણે આગળ લખ્યું કે અમે ગુડી પડવા, નવું વર્ષ રામ નવમી અને અન્ય તમામ હિંદુ તહેવારો ઢોલ-નગારા સાથે આનંદથી ઉજવીશું. કોઈપણ પ્રતિબંધનું પાલન કરશું નહીં. અમે કોઈપણ હિંદુ તહેવાર પર પ્રતિબંધો સ્વીકારશું નહી. અમે સારી રીતે જાણીએ છીએ કે અમારા જીવનનું રક્ષણ કેવી રીતે કરવું.