Mumbai: 5 કરોડના કોકેઈન સાથે વિદેશી મહિલાની ધરપકડ, 2 કરોડ રૂપિયાનું સોનુ પણ જપ્ત

કસ્ટમ અધિકારીઓએ 5 કરોડના ડ્રગ્સ સાથે વિદેશી મહિલાની ધરપકડ કરી છે. આ 50 વર્ષની વિદેશી મહિલા પાસેથી 500 ગ્રામ કોકેઈન (Cocaine) જપ્ત કરવામાં આવ્યું છે. આરોપી મહિલાની મુંબઈના (Mumbai) છત્રપતિ શિવાજી મહારાજ ઈન્ટરનેશનલ એરપોર્ટ પરથી ધરપકડ કરવામાં આવી છે. એટલું જ નહીં ડીઆરઆઈની મુંબઈની ટીમે સોનાની દાણચોરી કરતા પાંચ આરોપીઓને પણ પકડી લીધા છે. તેમની પાસેથી 2 કરોડ રૂપિયાનું સોનું જપ્ત કરવામાં આવ્યું છે. કસ્ટમ વિભાગે આ સમગ્ર કાર્યવાહીની માહિતી આપી છે.

કસ્ટમ્સ એર ઈન્ટેલિજન્સ યુનિટ (AIU)ના અધિકારીઓએ ગુરુવારે સાંજે છત્રપતિ શિવાજી મહારાજ ઈન્ટરનેશનલ એરપોર્ટના એરાઈવલ ગેટ હોલ પાસે આરોપી મહિલા બિન્ટુ જાનેહને અટકાવી અને તેની પૂછપરછ કરી છે. આ મહિલા ઈથોપિયાની રાજધાની અદીસ અબાબાથી મુંબઈ પહોંચી હતી. આરોપી મહિલાએ પોતાની બેગમાં કોકેઈન છુપાવ્યું હતું. સંબંધિત મહિલા આ કોકેઈન મુંબઈના એક પુરુષને આપવાની હતી.

Web Stories View more

3 વર્ષમાં આપ્યું 35% થી વધુ રિટર્ન, જાણો આ Top 5 Equity Mutual Funds વિશે

સાંજના સમય પછી ન ખાવા જોઈએ ફળ, થઈ શકે છે આ સમસ્યા, તો ક્યારે ખાવા જાણો અહીં

IPL 2024 વચ્ચે પંડ્યાની ઘરે આવી મોટી ખુશી, કૃણાલને ત્યાં દીકરાનો જન્મ, જુઓ તસવીર

રેલવેની ટિકિટ પર લખેલા આ કોડ્સ જણાવશે કે વેઇટિંગ લિસ્ટ કન્ફર્મ થશે કે નહીં, જાણો

બાળકોને You Tube ચલાવવા માટે આપી રહ્યા છો ફોન? પહેલા સેટિંગ કરી દો

આજનું રાશિફળ તારીખ : 27-04-2024

Maharashtra | On August 19th, Customs at CSMI Airport, Mumbai seized 500gms Cocaine worth Rs 5 Crores and arrested a Sierra Leonean lady passenger arriving from Addis Ababa by Ethiopian Airlines Flight No. ET-610. The drugs were found concealed in the passenger’s purse: Customs pic.twitter.com/ibp7bsLLQv

— ANI (@ANI) August 20, 2022

મુંબઈ એરપોર્ટ પર કબુલ્યો ગુનો

પૂછપરછ દરમિયાન બિન્ટુ જાનેહે જણાવ્યું કે તે એક ગરીબ પરિવારની છે. તેને કોઈ અજાણ્યા વ્યક્તિએ મુંબઈના એક વ્યક્તિને સામાન પહોંચાડવાના બદલામાં કમિશન આપવાનું કહ્યું હતું. આ પેકેટ તેને ઈથોપિયાની રાજધાની અદીસ અબાબામાં સોંપવામાં આવ્યું હતું. પરંતુ આરોપી મહિલાએ આ પેકેટની ડિલિવરી કરનાર વ્યક્તિ વિશે કંઈપણ જાણવાનો ઈનકાર કર્યો હતો. કસ્ટમ અધિકારી સંબંધિત મહિલા દ્વારા આપવામાં આવેલી માહિતીના આધારે આ નેટવર્ક સાથે જોડાયેલા અન્ય લોકોની ઓળખ શોધવાનો પ્રયાસ કરી રહ્યા છે.

2 કરોડનું સોનું પણ જપ્ત, 5 આરોપીઓ પાસેથી 4.5 કિલો રિકવર

આ ઉપરાંત કસ્ટમ વિભાગ દ્વારા બુધવારે મુંબઈના ઈન્ટરનેશનલ એરપોર્ટ નજીકથી 2 કરોડની કિંમતનું 4.5 કિલો સોનું પણ જપ્ત કરવામાં આવ્યું હતું. કસ્ટમ અધિકારીઓ દ્વારા આપવામાં આવેલી માહિતી અનુસાર 17 ઓગસ્ટના રોજ ત્રણ અલગ-અલગ કેસોમાં કાલિકટ-મુંબઈ ફ્લાઈટના ટોયલેટ અને સીટમાં સંતાડીને સોનાની દાણચોરી કરતી વખતે ત્રણ મુસાફરોની ધરપકડ કરવામાં આવી હતી. આ ત્રણેય મુસાફરો શારજાહથી મુંબઈ આવ્યા હતા.

બાકીના બે કેસમાં બે મુસાફરો પોતાના સામાનમાં રાખેલા કપડામાં સંતાડીને સોનાની દાણચોરી કરતા હતા. તે દુબઈથી મુંબઈ પહોંચ્યો હતો. આ પાંચેય આરોપીઓ વચ્ચે કોઈ સંબંધ છે કે કેમ તેની તપાસ કરવામાં આવી રહી છે.