Maharashtra Corona Updates: મુંબઈના સાંતાક્રુઝમાં મળ્યો કોરોનાના નવા XE વેરિઅન્ટનો દર્દી, ગુજરાતની લેબમાં થયું હતું ટેસ્ટિંગ

XE Variant In Mumbai : કોરોનાના નવા XE વેરિઅન્ટનો દર્દી હવે મહારાષ્ટ્રમાં પણ મળી આવ્યો છે. મહારાષ્ટ્રમાં કોરોનાના નવા XE વેરિઅન્ટનો પહેલો કેસ મુંબઈના સાંતાક્રુઝમાંથી મળી આવ્યો છે. સ્વાસ્થ્ય મંત્રી રાજેશ ટોપેએ (Maharashtra Health Minister Rajesh Tope) આ જાણકારી આપી છે.

Maharashtra Health Minister Rajesh Tope

TV9 Gujarati | Edited By: Nidhi Bhatt | Updated on: Apr 09, 2022 | 9:32 PM

કોરોનાના નવા XE વેરિઅન્ટનો (Corona new variant XE) દર્દી હવે મહારાષ્ટ્રમાં પણ મળી આવ્યો છે. મહારાષ્ટ્રમાં કોરોનાના નવા XE વેરિઅન્ટનો પહેલો કેસ મુંબઈના (Corona XE case found in mumbai) સાંતાક્રુઝમાંથી મળી આવ્યો છે. સ્વાસ્થ્ય મંત્રી રાજેશ ટોપેએ આ જાણકારી આપી છે. દર્દીનો કોરોના ટેસ્ટ ગુજરાતની લેબમાં કરાવવામાં આવ્યો હતો. મહારાષ્ટ્રમાં કોરોના સંક્રમણ કાબૂમાં આવ્યા બાદ રાજ્ય સરકારે કોરોના સંબંધિત તમામ પ્રતિબંધો હટાવી દીધા છે. શહેરી અને ગ્રામીણ વિસ્તારોમાં જીવન હવે કોરોના સમયગાળા પહેલાની જેમ પાટા પર આવી ગયું છે. આવા સમયે આ તણાવ વધતા સમાચાર સામે આવ્યા છે. સંબંધિત દર્દીના સેમ્પલ ટેસ્ટ ગુજરાતની લેબમાં કરવામાં આવ્યું હતું. ટેસ્ટ રિપોર્ટમાં દર્દી કોરોનાના નવા વેરિઅન્ટ XEથી સંક્રમિત જોવા મળ્યો હતો.

આ સમાચાર પછી સ્વાસ્થ્ય મંત્રી રાજેશ ટોપેએ કહ્યું છે કે કોવિડના નવા વેરિઅન્ટ XEને લઈને ગભરાવાની જરૂર નથી, પરંતુ સાવચેત અને સતર્ક રહેવાની જરૂર છે. આ દરમિયાન, કેન્દ્ર સરકારે મહારાષ્ટ્ર સહિત પાંચ રાજ્યોને ફરીથી કોરોનાના કેસ વધવા અંગે ચેતવણી આપી છે. કેન્દ્રીય સ્વાસ્થ્ય સચિવ રાજેશ ભૂષણે મહારાષ્ટ્ર, દિલ્હી, હરિયાણા, કેરળ, મિઝોરમના રાજ્યોને પત્ર લખીને ક્ષણ-ક્ષણે સ્થિતિ પર નજર રાખવા અને જરૂરી પગલાં લેવા સૂચના આપી છે.

બરોડા ગયા પછી જાણવા મળ્યું કે તેઓ કોરોનાના નવા XE વેરિઅન્ટના દર્દી છે.

મુંબઈના સાંતાક્રુઝમાં રહેતો કોરોનાના નવા XE વેરિઅન્ટનો દર્દી મુંબઈથી બરોડા ગયો હતો. તેણે બરોડામાં જીનોમ સિક્વન્સિંગ કરાવ્યું. આ જિનોમ સિક્વન્સિંગથી તેને ખબર પડી કે તેને કોરોનાના નવા XE વેરિઅન્ટથી ચેપ લાગ્યો છે. આ દર્દીની ઉંમર 67 વર્ષ છે. આજે (શનિવાર, 9 એપ્રિલ) નવી દિલ્હીના NCDC દ્વારા પણ તેની પુષ્ટિ કરવામાં આવી છે.

તમને જણાવી દઈએ કે કોરોનાનું આ નવું XE વેરિઅન્ટ કોરોનાના બે પેટા વેરિઅન્ટ BA 1 અને BA 2થી બનેલું છે. તેના વિશે કહેવામાં આવી રહ્યું છે કે આ અત્યાર સુધીનો સૌથી ઝડપી સંક્રમિત સબ-વેરિઅન્ટ છે. આને લઈને બીજી એક વાત સામે આવી છે કે તે કોરોના ટેસ્ટિંગમાં ઘણી વખત પકડાતો પણ નથી. પરંતુ મહારાષ્ટ્રના આરોગ્ય મંત્રી રાજેશ ટોપેએ સ્પષ્ટ કહ્યું છે કે ગભરાવાની જરૂર નથી. રાજ્ય તેની સામે લડવા માટે સંપૂર્ણ રીતે તૈયાર છે. અન્ય તજજ્ઞોના મતે પણ ઝડપી રસીકરણને કારણે બહુ ગભરાવાની જરૂર નથી, પરંતુ સાવધાની અને સતર્કતા રાખવાની જરૂર છે.

Web Stories View more

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

મહારાષ્ટ્રમાં કોરોના સંક્રમણ કાબૂમાં આવ્યા બાદ રાજ્ય સરકારે કોરોના સંબંધિત તમામ પ્રતિબંધો હટાવી દીધા છે. શહેરી અને ગ્રામીણ વિસ્તારોમાં જીવન હવે કોરોના સમયગાળા પહેલાની જેમ પાટા પર આવી ગયું છે. આવા સમયે આ સમાચાર સામે આવ્યા છે. જેણે લોકોની તેમજ સરકારની ચિંતા વધારી છે.