પીરિયડ્સ દરમિયાન કેમ થાય છે ખીલ ? અહીં જાણો તેનું કારણ અને ઉપાય

પીરિયડ્સ દરમિયાન કેમ થાય છે ખીલ ? અહીં જાણો તેનું કારણ અને ઉપાય
Symbolic Image

પીરિયડ્સના દિવસોમાં હોર્મોનલ બદલાવને કારણે ઘણી સમસ્યાઓ થાય છે. ખીલની સમસ્યા પણ તેના કારણે થાય છે. જો તમે પણ આ પ્રકારની સમસ્યાનો સામનો કરી રહ્યા છો તો અહીં જાણો કેટલાક સરળ ઉપાય.

TV9 GUJARATI

| Edited By: Nidhi Bhatt

Mar 25, 2022 | 6:30 PM

પીરિયડ્સ (Periods) દરમિયાન પેટના નીચેના ભાગમાં, કમર અને પગમાં દુખાવો થવાની સમસ્યા સામાન્ય છે. પરંતુ કેટલીક સ્ત્રીઓને ખીલની એટલે કે એકનેની (Acne) સમસ્યા પણ થઈ જાય છે. આ સમસ્યા પીરિયડ આવવાના થોડા સમય પહેલા શરૂ થાય છે. આ દરમિયાન જે ખીલ બહાર આવે છે તે સિસ્ટિક ખીલ છે, જે લાલ રંગના હોય છે અને ખૂબ પીડાદાયક હોય છે. આને પીરિયડ્સ એક્ને કહેવામાં આવે છે. નિષ્ણાતોના મતે, આ હોર્મોન્સના કારણે થાય છે. પીરિયડ્સ દરમિયાન, એસ્ટ્રોજનનું સ્તર ઘટે છે અને ટેસ્ટોસ્ટેરોન વધી જાય છે. ટેસ્ટોસ્ટેરોન વધવાને કારણે ત્વચાના છિદ્રોમાં સીબમ ઉત્પન્ન કરતી ગ્રંથિ વધુ માત્રામાં સીબમ ઉત્પન્ન કરવાનું શરૂ કરે છે, જેના કારણે ખીલની સમસ્યા થાય છે. આ કિસ્સામાં, ત્વચાની વિશેષ કાળજી જરૂરી છે. જો તમને પણ આ સમસ્યા થાય છે, તો તેને ઠીક કરવા માટે આ છે ઉપાય.

હળદર

હળદરમાં એન્ટીબેક્ટેરિયલ ગુણ જોવા મળે છે, તે ખીલની સમસ્યાથી છુટકારો મેળવવામાં ખૂબ જ ઉપયોગી સાબિત થાય છે. આ માટે હળદરનું પેક બનાવી પીરિયડ આવવાના થોડા સમય પહેલા તેનો ઉપયોગ કરો. તેનાથી તમને ઘણો ફાયદો મળી શકે છે.

ટી ટ્રી ઓઈલ

પીરિયડ્સ દરમિયાન ખીલથી બચવા માટે ટી ટ્રી ઓઈલ પણ ફાયદાકારક સાબિત થઈ શકે છે. ટી ટ્રી ઓઈલ એન્ટીમાઈક્રોબાયલ ગુણોથી ભરપૂર છે. તે સોજો અને લાલાશ ઘટાડવામાં મદદ કરે છે. ખીલથી રાહત મેળવવા માટે ટી ટ્રી ઓઈલને પાણીમાં મિક્સ કરીને ચહેરા પર લગાવો.

મેકઅપથી અંતર

પીરિયડ્સ દરમિયાન મેકઅપથી અંતર રાખો. આ દરમિયાન ત્વચા વધુ સીબમ બનાવે છે. આવી સ્થિતિમાં મેકઅપ પોર્સને બ્લોક કરવાનું કામ કરે છે. તેથી પીરિયડ્સ દરમિયાન મેકઅપ કરવાનું ટાળો.

મધ

પીરિયડ્સ દરમિયાન ત્વચા પર મધનું પેક લગાવવાથી પણ ખીલમાં ઘણી રાહત મળે છે. આ માટે મધમાં તજ મિક્સ કરીને ઘટ્ટ પેસ્ટ બનાવો. આ પેસ્ટને તમારા ચહેરા પર લગાવો, તેને 10 થી 15 મિનિટ સુધી રહેવા દો. આ પછી ચહેરો ધોઈ લો.

આહાર

આ સમસ્યાથી બચવા માટે આહારનું વિશેષ ધ્યાન રાખો. આ દરમિયાન તીખી, મસાલેદાર અને ચીકણી વસ્તુઓ ખાવાનું ટાળો. મીઠી વસ્તુઓ, સફેદ બ્રેડ વગેરે ટાળો. તેના બદલે લીલા શાકભાજી, સલાડ, ફળો અને જ્યુસ વગેરે લો. પુષ્કળ પાણી પીઓ જેથી શરીર હાઇડ્રેટ રહે.

આ પણ વાંચો :  Travel Dishes : પ્રવાસ દરમિયાન આ પ્રખ્યાત અને આરોગ્યપ્રદ વાનગીઓનો આનંદ જરુર માણજો

Follow us on

Most Read Stories

Click on your DTH Provider to Add TV9 Gujarati