Parenting Tips : સારા વાલી બનવા માટે જાણી લો આ વાત, બાળકો પર ગુસ્સો આવે તો આ રીતે કરો કંટ્રોલ

મા-બાપ બનવું એ દુનિયાના સૌથી શ્રેષ્ઠ સુખમાંથી એક હોય છે. દરેક વ્યક્તિ એક સંતાનના વાલી બનીને ગર્વની લાગણી અનુભવતા હોય છે. પણ બાળકોની સંભાળ રાખવી સરળ નથી. બાળકોને પગભર કરતા કરતા વાલીઓએ અનેક સમસ્યાનો સામનો કરવો પડે છે. કેટલાક વાલીઓ મુશ્કેલ સ્થિતિમાં પણ સારી રીતે સમસ્યાનું સમાધાન કરી લેતા હોય છે. પણ કેટલાક વાલીઓ મુશ્કેલ સમયમાં પોતાના પરથી નિયંત્રણ ગુમાવી બેસે છે અને ગુસ્સો બાળકો પર કાઢે છે.

ગુસ્સામાં બાળકને અપશબ્દ કહેવા, તેમના પર હાથ ઉઠાવવો અને ખરાબ વર્તન કરવાથી બાળકના માનસિક સ્વાસ્થ્ય પર ખરાબ અસર પડે છે. જો તમે પણ એક વાલી તરીકે પોતાના બાળક પર ગુસ્સો કરો છો તો તેને કંટ્રોલ કરતા શીખો. ગુસ્સા પર કાબુ મેળવવું જીવનમાં ખુબ જરુરી છે. ચાલો જાણીએ ગુસ્સા પર કાબુ મેળવવાની રીત.

આ પણ વાંચો :  Health tips : સવારે નાસ્તામાં ચા સાથે ખાઓ છો પરાઠા ? જાણો તેનાથી થતા નુકશાન

શાંત રહો – જ્યારે તમને ગુસ્સો આવે છે, તે સમયે શાંત રહો. આનાથી તમે વસ્તુઓને વધુ સારી રીતે હલ કરી શકશો. શાંત રહેવાથી, તમે યોગ્ય વર્તન જાળવી શકશો. આ રીત તમને પરિસ્થિતિ અંગે વિચારવાનો અને સમજવાનો સમય આપશે. તમે ગુસ્સે થયા વિના આ પરિસ્થિતિને વધુ સારી રીતે હેન્ડલ કરી શકશો.

ભૂલ કબૂલ કરો – જો તમે બાળકોની સામે કોઈ ભૂલ કરી હોય તો તેનો સ્વીકાર કરો. તેમની માફી માગો. આનાથી બાળકો તમારી સાથે વાત કરવા પ્રેરિત થશે. ઘણી વખત બાળકો ભૂલ કરે છે, અને માતા-પિતા ભવિષ્યમાં પણ તેમના પર ગુસ્સો કરીને તે ઘટનાનું પુનરાવર્તન કરતા રહે છે. પરંતુ આવું કરવાનું ટાળો.

તેમના દ્રષ્ટિકોણથી પરિસ્થિતિને જુઓ – ઘણી વખત બાળકો એવા કામ કરે છે જેને સ્વીકારવું માતા-પિતા માટે ઘણું મુશ્કેલ બની જાય છે. ઘણા માતા-પિતા આ સમય દરમિયાન તેમની વાત સાંભળતા નથી. બાળકની નિંદા કરીને માતા-પિતા આ પરિસ્થિતિને વધુ ખરાબ બનાવે છે. આવી સ્થિતિમાં જરૂરી છે કે તમે બાળકોના દ્રષ્ટિકોણથી પરિસ્થિતિને સમજો. તેનાથી તમે તમારા બાળકોને વધુ સારી રીતે સમજી શકશો.

સજા ન આપો – બાળકોને ગુસ્સામાં ક્યારેય સજા ન કરો. તેનાથી બાળકોની માનસિકતા પર ખૂબ જ ખરાબ અસર પડે છે. આ તેમના ભવિષ્યને પણ ખરાબ અસર કરી શકે છે. તેથી આવું કરવાનું ટાળો. જો તમને ખૂબ ગુસ્સો આવે છે, તો ઊંડો શ્વાસ લો. અને પરિસ્થિતિને શાંતિથી હેન્ડલ કરો.