Tour Package : ગરમીની સીઝનમાં કાશ્મીરની વાદીઓ ફરવા માટે IRCTC લાવ્યું પેકેજ, હવાઈ યાત્રાનો મળશે લાભ
IRCTC Tour Package : જો તમે માર્ચ મહિનામાં ક્યાંક ફરવા જવાનું વિચારી રહ્યા છો. તો તમે કાશ્મીર જઈ શકો છો. IRCTC તમને કાશ્મીરની મુલાકાત લેવાની શ્રેષ્ઠ તક આપી રહ્યું છે. જો તમે આ પેકેજ હેઠળ ટૂર પર જવા માંગતા હો, તો તમે અહીં બુકિંગની જરૂરી વિગતો જોઈ શકો છો.
પર્યટનને પ્રોત્સાહન આપવા માટે, IRCTC સમયાંતરે ટૂર પેકેજ લોન્ચ કરતી રહે છે. આ પેકેજો હેઠળ, તમને દેશ અને વિદેશમાં મુસાફરી કરવાની તકો મળે છે. IRCTC તમને પૃથ્વી પરનું સ્વર્ગ કહેવાતા કાશ્મીરની સફર પર લઈ જવા માટે એક ટૂર પેકેજ લઈને આવ્યું છે. આ પેકેજ હેઠળ તમને પટનાથી હવાઈ માર્ગે કાશ્મીર લઈ જવામાં આવશે. 5 રાત અને 6 દિવસનું આ પેકેજ 15 માર્ચથી શરૂ થશે. આ પ્રવાસ દરમિયાન તમને શ્રીનગર, ગુલમર્ગ, સોનમર્ગ અને પહેલગામ જવાની તક મળશે. 11 માર્ચે, તમને પટનાથી સવારે 08.25 વાગ્યે ફ્લાઇટ મળશે.
આ પછી તમે 14.10 વાગ્યે શ્રીનગર એરપોર્ટ પર પહોંચશો અને તમારી કાશ્મીરની શાનદાર યાત્રા શરૂ થશે.
આ સ્થળોની મુલાકાત લેવાની તક મળશે
15 માર્ચે, તમને શ્રીનગર એરપોર્ટથી હોટેલમાં લઈ જવામાં આવશે. હોટેલમાં ચેક ઇન કર્યા પછી, તમે તમારા પોતાના ખર્ચે શિકારાનો આનંદ માણી શકો છો. આ પછી તમારે રાત વિતાવવા માટે હોટેલ પરત આવવું પડશે.
16 માર્ચે, તમે પહેલગામના વિવિધ સ્થળોની મુલાકાત લેશો. આખો દિવસ પહેલગામની મુલાકાત લીધા પછી, તમારે રાત્રિ રોકાણ માટે હોટેલમાં પાછા આવવું પડશે.
17 માર્ચે, નાસ્તો કર્યા પછી, તમને ગુલમર્ગના વિવિધ પ્રવાસન સ્થળોની મુલાકાત લેવાની તક મળશે. તમે અહીં તમારા પોતાના ખર્ચે ઘોડેસવારી, કેબલ કાર રાઈડ જેવી એક્ટિવિટીનો આનંદ માણી શકો છો.
18 માર્ચે તમે સોનમર્ગની મુલાકાત લેશો. દિવસભર સોનમર્ગની મુલાકાત લીધા પછી, તમારે રાત્રે શ્રીનગરની હોટેલમાં રોકાવું પડશે.
19 માર્ચે, નાસ્તો કર્યા પછી, તમે શ્રીનગરમાં મુગલ ગાર્ડન, શંકરાચાર્ય મંદિર જેવા સ્થળોની મુલાકાત લઈ શકશો. આ પછી હોટેલ પરત આવશો.
20 માર્ચની સવારે, હોટેલમાંથી ચેક આઉટ કર્યા પછી, તમે શ્રીનગર એરપોર્ટ પર પહોંચશો. અહીં તમને પટનાની ફ્લાઈટ મળશે.
જો તમે માર્ચ મહિનામાં પ્રવાસ કરવા ન માંગતા હોય તો આ સિવાય જમ્મુ કાશ્મીર માટે એપ્રિલ મહિના માટે પણ અમુક રેલવે પેકેજ જાહેર કર્યા છે. જે નીચે મુજબ છે આ પેકેજ માટે અહિ ક્લિક કરો
Explore the beautiful hills & valleys of #Kashmir, ‘Heaven on Earth’ with #IRCTCTourism‘s 6D/5N all-incl. air tour package starting at Rs. 42,000/-pp*. To book this picture-perfect trip with your friends & family, visit https://t.co/ZVj72HHGD3 *T&C Apply pic.twitter.com/1pEI6MnY0s
— IRCTC (@IRCTCofficial) February 3, 2023
કેટલો ખર્ચ થશે
જો તમે આ પેકેજ હેઠળ એકલા માટે બુકિંગ કરાવો છો તો તમારે 46,950 રૂપિયા ખર્ચવા પડશે. જો બે લોકો માટે બુકિંગ કરાવો તો તમારે પ્રતિ વ્યક્તિ 38,290 રૂપિયા ખર્ચવા પડશે. ત્રણ લોકોનું બુકિંગ કરાવવા માટે તમારે પ્રતિ વ્યક્તિ 37,460 રૂપિયા ખર્ચવા પડશે.
આ વસ્તુઓને પેકેજમાં સામેલ કરવામાં આવશે
IRCTC તમારા એર ટિકિટનું ભાડું, હોટેલમાં રોકાણ અને નાસ્તો અને રાત્રિભોજન માટે તમામ દિવસો માટે જવાબદારી રહેશે. આ સિવાય, જો તમે કોઈપણ પ્રકારની પ્રવૃત્તિમાં ભાગ લો છો, તો તમારે તેના માટે અલગથી ચૂકવણી કરવી પડશે.
જો તમે આ પેકેજ હેઠળ બુકિંગ કરવા માંગો છો, તો તમે IRCTCની સત્તાવાર વેબસાઇટ પર જઈને બુક કરી શકો છો.
