લોહીની કમી દૂર કરશે અને ઇમ્યુનિટી વધારશે! ઘરે આ રીતે બનાવો ટેસ્ટી ‘આમળા-બીટનો જ્યુસ’, જાણો સ્ટેપ-બાય-સ્ટેપ રેસીપી અને ફાયદા

શું તમે ક્યારેય આમળા અને બીટના મિશ્રણનો જ્યુસ ટ્રાય કર્યો છે? હેલ્થ એક્સપર્ટ્સ વારંવાર આ જ્યુસ પીવાની સલાહ આપે છે કારણ કે તેમાં વિટામિન-સી અને આયર્નનો ભંડાર છે. આજે અમે તમને આ હેલ્ધી અને ટેસ્ટી જ્યુસની એવી રેસીપી જણાવીશું કે જે પીધા પછી તમે વારંવાર બનાવશો.

જરૂરી સામગ્રી:

• બીટ: 1 કપ (ટુકડા કરેલા)
• આમળા: 1 કપ (સમારેલા)
• આદુ: અડધો ઇંચ (ટુકડો)
• ફુદીનાના પાન: 5-6 નંગ
• શેકેલું જીરું પાવડર: 1/2 ચમચી
• સંચળ (કાળું મીઠું): 1/2 ચમચી
• લીંબુનો રસ: સ્વાદ મુજબ
• મધ: 1 ચમચી
• પાણી: જરૂર મુજબ

બનાવવાની રીત: સ્ટેપ-બાય-સ્ટેપ ગાઈડ

સ્ટેપ 1: સૌથી પહેલા બ્લન્ડર અથવા મિક્સર જારમાં બીટ, આમળા અને આદુના ટુકડા લો. હવે તેમાં ફુદીનાના પાન ઉમેરો.

સ્ટેપ 2: આ બધી વસ્તુઓને બરાબર બ્લેન્ડ કરી લો. હવે તેમાં એક કપ પાણી ઉમેરીને ફરીથી મિક્સ કરો.

સ્ટેપ 3: જ્યુસનો સ્વાદ વધારવા માટે આ મિશ્રણમાં જીરું પાવડર, સંચળ અને મધ ઉમેરો. મધ નાખવાથી આમળાનો તૂરો સ્વાદ બેલેન્સ થશે.

સ્ટેપ 4: એકવાર ફરીથી બ્લન્ડર ચલાવી લો જેથી બધી વસ્તુઓ એકરસ થઈ જાય.

સ્ટેપ 5: તૈયાર છે પોષક તત્વોથી ભરપૂર જ્યુસ! હવે તેને ગ્લાસમાં ગાળી લો અને જો તમે ઈચ્છો તો ઉપરથી લીંબુનો રસ ઉમેરીને સર્વ કરો.

આ જ્યુસ પીવાના અદભૂત ફાયદા:

• ઇમ્યુનિટી બૂસ્ટર: વિટામિન-સી થી ભરપૂર હોવાથી તે રોગપ્રતિકારક શક્તિ વધારે છે.
• લોહીની કમી દૂર કરે: બીટમાં રહેલું આયર્ન શરીરમાં હિમોગ્લોબિન લેવલ વધારવામાં મદદ કરે છે.
• વજન ઘટાડવા: વેટ લોસ જર્નીમાં આ જ્યુસ બેસ્ટ ડિટોક્સ ડ્રિંક સાબિત થઈ શકે છે.
• ચામડી અને વાળ: આ જ્યુસ પીવાથી ત્વચામાં ચમક આવે છે અને વાળ ખરતા ઓછા થાય છે.
• હૃદય અને પાચન: તે પાચનતંત્રને સુધારે છે અને હૃદયને સ્વસ્થ રાખવામાં મદદરૂપ થાય છે.

Top 70 AI Projects List : 60 દેશોમાંથી ટોપ-70 AI પ્રોજેક્ટ્સની પસંદગી, હેલ્થ અને એગ્રીકલ્ચરમાં લાવશે બદલાવ, વાંચવા માટે અહીં ક્લિક કરો