શું તમે વેકેશન પર જઈ રહ્યા છો? તો આજે જ જાણો તમારા હોમ ગાર્ડનને હર્યુભર્યુ રાખવાની સરળ ટિપ્સ
જ્યારે તમે બહાર ફરવા જઈ રહ્યા છો કે, વેકેશન પર છો ત્યારે ઘર બંધ હોવાથી હોમ ગાર્ડનની કાળજી રાખવી થોડી મુશ્કેલ બની શકે છે.
આજકાલ દરેક લોકોમાં હોમ ગાર્ડન ક્રિએટ કરવાનો નવો શોખ જોવા મળી રહ્યો છે. જે લોકો સ્ટ્રેસ, ડિપ્રેશનથી પીડિત હોય તેમના માટે હોમ ગાર્ડન એ શ્રેષ્ઠ પ્રવૃતિ છે. સાવ ઓછા ખર્ચમાં પણ તમે તાજા ફળો અને ફૂલો ઘરે બેઠા મેળવી શકો છો. પરંતુ તેની સમય સમય પર કાળજી લેવી અને પાણી નાંખવું પણ એટલું જ જરૂરી છે. જ્યારે તમે બહાર ફરવા જઈ રહ્યા છો કે વેકેશન પર છો ત્યારે ઘર બંધ હોવાથી હોમ ગાર્ડનની કાળજી રાખવી થોડી મુશ્કેલ બની શકે છે.
આ માટે આજે અમે હોમ ગાર્ડન કેરની સરળ ટિપ્સ લઈને આવ્યા છીએ. એનેટ મેથ્યુ જે પૂણેના રહેવાસી છે અને એક જાણીતા ગાર્ડનીસ્ટ પણ છે. તેમને તેમના ઘરે 300થી વધુ ફળફૂલોથી યુક્ત બગીચો બનાવ્યો છે. તેમણે સરળતાથી હોમ ગાર્ડનનું સંચાલન કેવી રીતે કરી શકાય એ અંગે અગત્યની ટિપ્સ આપી છે.
આ DIY ટિપ્સ નીચે મુજબ છે –
- પ્લાસ્ટિકની એક બોટલ લો. તેમાં સોય અથવા તો ટાંકણી વડે નાના- નાના કાણાં પાડીને કુંડામાં આ બોટલ ઊંધી વાળીને મૂકવાથી તમારા છોડ ક્યારેય પણ સુકાશે નહીં.
- જો તમારી પાસે વિશાળ કુંડા છે તો તેને બહારની તરફથી તમે પાણી ભરેલા મોટા ટબમાં પણ રાખી શકો છો. જેથી પ્લાન્ટનું મોઈશ્ચર લેવલ મેઇન્ટેન થતું રહે છે.
- તમારા ઘરમાં જો વિશાળ ગાર્ડન હશે તો માખી- મચ્છરનો ઉપદ્રવ પણ અસહ્ય બની જાય છે. આ માટે એક પ્લાસ્ટિકની સ્પ્રે બોટલમાં હાઈડ્રોજન પેરાકસાઈડ, પાણી, વિનેગર, અને ડિશ સોપનું સમાન મિશ્રણ બનાવીને તેને તમારા કુંડા અને ક્યારામાં છંટકાવ કરવાથી જંતુઓ તમારા ગાર્ડનથી દૂર રહેશે.
- આ ઉપરાંત તમે કોટનના કપડાને ભીનું કરીને તેને પ્લાન્ટના મૂળિયામાં બાંધી શકો છો. જેથી તમારા પ્લાન્ટનું તાપમાન લેવલ પણ નીચું રહે છે અને તે જલદીથી સુકાઈ જતાં નથી.
- તમારા ક્યારા અને કુંડામાં કોકો પીટ અને માટીનું મિશ્રણ મેળવવાથી પણ પાણીનું લેવલ જળવાય રહે છે અને ફૂલો પણ કરમાતા નથી.
- મૂલચિંગ મેથડ: આ મેથડનો સૌથી મોટો ફાયદો એ છે કે તમારા ઘરનો ભીનો કચરો પણ સરખી રીતે રિસાઈકલ થઈ શકે છે. કોકો પીટ અને માટીના મિશ્રણની સાથે કુંડામાં સૂકા પાંદડા, ડાળી, સુકાયેલા ફૂલો, શાકભાજીનો કચરો, વગેરે એડ કરીને હોમ મેડ કોમ્પોસ્ટ ખાતર પણ તૈયાર કરી શકાય છે.
આવી સરળ હોમ ગાર્ડન કેર ટિપ્સને ફોલો કરવાથી તમારા ગાર્ડનમાં ગંદકી પણ થતી નથી અને ફૂલ- વૃક્ષો પણ બારે માસ હર્યાભર્યા રહે છે.
આ પણ વાંચો – સરકારે લીધો મોટો નિર્ણય, માર્ગ અકસ્માતમાં મૃત્યુ પર પરિવારજનોને મળશે 8 ગણું વળતર, 1 એપ્રિલથી નિયમો થશે લાગુ
આ પણ વાંચો – Knowledge: વૃદ્ધોને ઊંઘ ન આવવાનું કારણ વૈજ્ઞાનિકોને મળ્યુ, જાણો વૃદ્ધાવસ્થામાં કેમ આવુ થાય છે