ગોલ્ડ ETFમાં રોકાણ કરવુ કેટલું અસરકારક, કેવી રીતે મળશે ફાયદો, વાંચો અહેવાલ

જો તમે સોનામાં રોકાણ કરવાનો પ્લાન બનાવી રહ્યા છો તો તમારા માટે Gold ETF એક સારો વિકલ્પ સાબિત થઈ શકે છે. સોનામાં રોકાણ લોકોને ખુબ પસંદ આવી રહ્યુ છે. ત્યારે તમે પણ સલામત રોકાણ માટે ગોલ્ડ ETFમાં રોકાણ કરી શકો છો. તેમાં તમને વધારે વળતર પણ મળે છે. ગોલ્ડ ETF મ્યુચ્યુઅલ ફંડનું જ એક રોકાણ ઓપ્શન છે, જ્યાં તમે સોનામાં રોકાણ કરી શકો છો. મ્યુચ્યુઅલ ફંડનું આ યૂનિટ સ્ટોક એક્સચેન્જમાં લિસ્ટેડ છે. ગોલ્ડ ઈટીએફ સલામત રોકાણ તરીકે જોવામાં આવે છે. તેનો ઉદ્દેશ્ય સ્પોટ બજારમાં ફિઝિકલ ગોલ્ડથી મળનારા વળતરને સમાન રિટર્ન આપવાનું હોય છે.

આ પણ વાંચો: Gujarat : પેટ્રોલ-ડીઝલની કિંમત વધતા સામાન્ય નાગરિકનું ખિસ્સુ ભલે ખાલી થયુ, પણ સરકારને થઈ મબલખ આવક

ગોલ્ડ ઇટીએફમાં રોકાણ શરૂ કરવા માટે, ઓછામાં ઓછું એક યુનિટ ખરીદવું પડશે. તેનું એક યુનિટ એક ગ્રામનું છે. જો કે, ક્વોન્ટમ મ્યુચ્યુઅલ ફંડ અડધા ગ્રામ સોનાના એકમો પણ ઓફર કરે છે. ગોલ્ડ ETF માં રોકાણ કરવા માટે, તમારી પાસે Paisa ડીમેટ એકાઉન્ટ હોવું જરૂરી છે. કોઈપણ રોકાણકાર તેના ટ્રેડિંગ એકાઉન્ટમાંથી સ્ટોક એક્સચેન્જ દ્વારા ગોલ્ડ ETF ખરીદી શકે છે. આ પછી તમારા ETFના યુનિટ ડીમેટ ખાતામાં જમા થાય છે. તમે તેને ટ્રેડિંગ એકાઉન્ટ દ્વારા પણ વેચી શકો છો.

ગોલ્ડ ઇટીએફમાં રોકાણની યોજના કેવી રીતે કરવી

નિષ્ણાતોના મતે, તમે દર મહિને સોનાના નાના યુનિટ ખરીદી શકો છો. તમે અડધા ગ્રામના સોનાના યુનિટ પણ ખરીદી શકો છો. જો તમારે ખરેખર રોકાણ કરવું હોય તો તમારે દર મહિને ઓછામાં ઓછું એક યુનિટ ખરીદવું જોઈએ. દર મહિને થોડી માત્રામાં સોનું ખરીદવાથી સોનામાં તમારું એક્સપોઝર વધશે, તો બીજી તરફ તમારું ભવિષ્ય પણ સુરક્ષિત રહેશે.

રોકાણ માટે ડીમેટ એકાઉન્ટની જરૂર પડશે

સોનાની ચોરીના ડરથી ઘણા લોકો બેંક લોકરમાં સોનું રાખવાનું પસંદ કરે છે. આ માટે તેઓએ લોકર ચાર્જ પણ ચૂકવવો પડશે. આ સિવાય સોનાના ભાવ પર પણ અસર થાય છે અને આ આઉટપરફોર્મન્સ અને અંડર પરફોર્મન્સ પણ થાય છે. પરંતુ ગોલ્ડ ETFમાં રોકાણ કરવાથી તમારે કોઈ ચાર્જ ચૂકવવો પડતો નથી. આ માટે તમારે માત્ર ડીમેટ અને ટ્રેડિંગ એકાઉન્ટ બનાવવું પડશે. પછી તમે સોનામાં સરળતાથી રોકાણ કરી શકો છો.

એટલા માટે ગોલ્ડ ETF મહત્વપૂર્ણ છે

સોનામાં રોકાણ કરવાથી તેનું આર્થિક મૂલ્ય પણ લાંબા ગાળે જળવાઈ રહે છે. આ કારણોસર, લોકો સોનામાં રોકાણને સલામત અને નફાકારક સંપત્તિ માને છે. સોના ઉપરાંત ચાંદીનું પણ ખૂબ મહત્વ છે. સોનું અને ચાંદી લાંબા ગાળે તેમની ખરીદશક્તિ જાળવી રાખે છે. આ સિવાય તેમને મોંઘવારી સામે ઈન્ફ્લેશનમાં પણ તેને બચાવ તરીકે જોવામાં આવે છે. એસેટ એલોકેશનમાં સોનાની મહત્વની ભૂમિકા છે. રિસ્ક ડાઈવર્સિફિકેશન એ એસેટ એલોકેશનનું મહત્વનું પાસું છે. જો તમે તમારા રોકાણ પોર્ટફોલિયોમાં સોનું ઉમેરશો તો બજારમાં તમારા પોર્ટફોલિયોમાં વધુ સ્થિરતા આવશે.