ભરૂચમાં ગઈકાલ સાંજથી સતત વરસતા વરસાદથી નીચાણવાળા વિસ્તારોમાં પાણી ભરાયા, અઢી ઇંચ સુધી ખાબક્યો વરસાદ

ભરૂચમાં ગઈકાલથી સતત ભારે વરસાદ વરસી રહ્યો છે જેના કારણે નીચાણવાળા વિસ્તારોમાં પાણી ભરાયા છે. ટંકારીયા ગામે તળાવ ઓવરફ્લો થવાથી પાદરમાં પાણી ઘુસ્યા છે જયારે આમોડ – આછોદ રોડ ઉપર પાણી ફરી વળતા લોકોને ૧૦ કિમિ નો ફેરો પડી રહ્યો છે તો વાવાઝોડા સાથે વરસથી માચ ગામની મસ્જિદના પતરા ઉડ્યા છે.

ભરૂચમાં ગઈકાલ સાંજથી સતત વરસાદ વરસી રહ્યો છે.જિલ્લામાં અઢી ઇંચ સુધી વરસેલા વરસાદના કારણે ઘણા વિસ્તારમાં આકાશી આફતએ સ્થાનિકો માટે મુશ્કેલી સર્જી છે. વિરામ ન લેતા વરસાદના કારણે ભરૂચ – અંકલેશ્વરના નીચાણવાળા વિસ્તારોમાં પાણી ભરવાની સમસ્યાઓ સર્જાઈ છે. ભરૂચમાં ૨ અને અંકલેશ્વરમાં ૧ ઇંચ વરસાદ ખાબકી ચીકીઓ છે જયારે હજુ વરસાદ સતત વરસી રહ્યો છે.

શહેર ઉપરાંત જિલ્લાના ગ્રામ્ય વિસ્તારોમાં પણ મેઘકહેર યથાવત છે. રાતથી સતત વરસાદ વરસવાના કારણે ટંકારીયા ગામે તળાવ ઓવરફ્લો થવાથી પાદરમાં પાણી ઘુસ્યા છે જયારે આમોડ – આછોદ રોડ ઉપર પાણી ફરી વળતા લોકોને ૧૦ કિમિ નો ફેરો પડી રહ્યો છે તો વાવાઝોડા સાથે વરસથી માચ ગામની મસ્જિદના પતરા ઉડ્યા છે.

ભરૂચ જિલ્લામાં સાર્વત્રિક વરસાદ(24કલાક)

આમોદ 6 મીમી

અંકલેશ્વર 1 ઇંચ

ભરૂચ 2 ઇંચ

હાંસોટ 1.5 ઇંચ

જંબુસર 8 મીમી

નેત્રંગ 15 મીમી

વાગરા 2.5 ઇંચ

વાલિયા 8 મીમી

ઝઘડિયા 10 મીમી

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો