વિધાનસભા પેટાચૂંટણીઃ ભાજપે જાહેર કર્યા આઠ પૈકી સાત બેઠકના ઉમેદવારોના નામ, લિમડીમાં ખેચતાણ, ગઢડા-ડાંગ સિવાયની પાંચ બેઠક પર આયાતી ઉમેદવારોને અપાઈ ટિકીટ

ગુજરાત વિધાનસભાની આઠ બેઠકની પેટા ચૂંટણી માટે ભાજપે સાત બેઠકની ઉમેદવારોના નામ જાહેર કર્યાં છે. એક માત્ર લિંમડી બેઠક ઉપર કોળી ઉમેદવારને લડાવવો કે ક્ષત્રિય ઉમેદવાર તે નક્કી નહી કરી શકાતા ઉમેદવારના નામની જાહેરાત કરાઈ નથી. તો આજે જાહેર કરેલા સાત પૈકી પાંચ બેઠક ઉપર કોંગ્રેસમાંથી રાજીનામુ આપીને ભાજપનો ભગવો પહેરનારા પૂર્વ ધારાસભ્યોને ટીકીટ આપવામાં આવી છે.

ભાજપે, લિંમડી બેઠક ઉપર કોને ચૂંટણી લડાવવી તે નક્કી કરી શક્યા ના હોવાથી હાલ કોઈ ઉમેદવાર જાહેર નથી કર્યાં. પરંતુ માનવામાં આવે છે કે, લિંમડી બેઠક ઉપરથી રાજીનામુ આપનાર સોમાભાઈ પટેલ, એનસીપી કે અન્ય કોઈ પક્ષમાં ચૂંટણી લડવા માગે છે. આથી ભાજપ લિમડી બેઠક ઉપર ભાજપ-કોંગ્રેસ ઉપરાંત સોમાભાઈ પટેલની અન્ય પક્ષમાંથી ઉમેદવારીને ધ્યાને લઈને ત્રિપાંખિયો જંગ ગણીવે ઉમેદવાર જાહેર કરશે.

રાજ્યસભાની ચૂંટણી સમયે કોંગ્રેસમાંથી રાજીનામુ આપનારા કુલ આઠમાંથી પાંચ ધારાસભ્યોએ પાછળથી ભાજપનો ભગવો ખેસ ધારણ કરીને ભાજપના પ્રાથમિક સભ્ય બન્યા હતા. આ પાચેય પ્રાથમિક સભ્યોને ભાજપે પેટાચૂંટણી માટે ટિકીટ આપી છે. જો કે ભાજપના કાર્યકરોમાં નારાજગી જોવા મળી રહી છે. કોંગ્રેસમાંથી આયાત થયેલા ઉમેદવારોને બદલે મૂળ ભાજપના ઉમેદવારોને ટિકીટ આપવાની માંગણી સંતોષાઈ ના હોવાનું કાર્યકરોનું કહેવુ છે.

ભાજપે જાહેર કરેલ ઉમેદવાર

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો