સીનિયર સિટીઝન કાર્ડ : 60 વર્ષથી વધુ ઉંમરના લોકો માટે વરદાન, જાણો ફાયદા અને અરજી કરવાની સરળ રીત

ભારતમાં 60 વર્ષ કે તેથી વધુ ઉંમરના નાગરિકો માટે સિનિયર સિટીઝન કાર્ડ એક અત્યંત મહત્વનું અધિકૃત ઓળખપત્ર છે. રાજ્ય સરકારો દ્વારા ઈસ્યું કરવામાં આવતું આ કાર્ડ માત્ર એક ID પ્રૂફ નથી, પરંતુ તે વરિષ્ઠ નાગરિકોને આર્થિક, સામાજિક અને તબીબી ક્ષેત્રે અનેક વિશેષ સુવિધાઓ પૂરી પાડે છે.

 કાર્ડના મુખ્ય ફાયદાઓ

1. બેંકિંગ: FD અને RD પર સામાન્ય નાગરિકો કરતા વધુ વ્યાજ દર.
2.  ટેક્સમાં રાહત: વાર્ષિક 3 લાખ રૂપિયા સુધીની આવક પર ઇન્કમ ટેક્સમાં છૂટ.
3.  મુસાફરી: સરકારી બસો અને એરલાઇન્સની ટિકિટમાં ખાસ વળતર.
4. આરોગ્ય: ખાનગી હોસ્પિટલોમાં ડિસ્કાઉન્ટ અને સરકારી હોસ્પિટલોમાં મફત સારવાર.
5. કોર્ટમાં પ્રાથમિકતા: હાઈકોર્ટમાં કેસની સુનાવણી માટે વહેલી તારીખ મેળવવાની સુવિધા

જરૂરી દસ્તાવેજો 

1. ઓળખનો પુરાવો: આધાર કાર્ડ, ચૂંટણી કાર્ડ અથવા પાન કાર્ડ.
2. રહેઠાણનો પુરાવો: રેશન કાર્ડ, લાઇટ બિલ અથવા ભાડા કરાર.
3. ઉંમરનો પુરાવો: જન્મનું પ્રમાણપત્ર અથવા શાળા છોડ્યાનું પ્રમાણપત્ર (LC).

કેવી રીતે અરજી કરવી

ઓનલાઈન:

1. સૌ પ્રથમ નેશનલ ગવર્મેન્ટ સર્વિસીસ પોર્ટલ (India.gov.in) પર જાઓ.
2.  તમારા રાજ્યના સંબંધિત વિભાગ (Social Justice and Empowerment) ને પસંદ કરો.
3. સિનિયર સિટીઝન કાર્ડ માટેના ફોર્મ પર ક્લિક કરો.
4. જરૂરી વિગતો ભરો, ફોટો અને ડોક્યુમેન્ટ્સ અપલોડ કરો.
5. નિયત ફી ભરીને ફોર્મ સબમિટ કરો.

ઓફલાઇન:

1. તમારા નજીકના ‘જન સેવા કેન્દ્ર’, મામલતદાર કચેરી અથવા તલાટી  ઓફિસની મુલાકાત લો.
2. ત્યાંથી ફોર્મ મેળવી, જરૂરી દસ્તાવેજો જોડીને માત્ર 10 રૂપિયાના ડિપોઝિટ સાથે અરજી જમા કરાવો.