Breaking News : મ્યુચ્યુઅલ ફંડથી કરવી છે મોટી કમાણી? રોકાણ પહેલાં જાણો મહત્વપૂર્ણ વાતો

આજના સમયમાં પોતાની મહેનતની કમાણી યોગ્ય જગ્યાએ રોકાણ કરવું દરેક માટે મોટો પડકાર બની ગયું છે. દરેક વ્યક્તિ ઇચ્છે છે કે તેમના પૈસા ઝડપથી વધે અને મોંઘવારી સામે ટકી શકે. આવી સ્થિતિમાં મ્યુચ્યુઅલ ફંડ રોકાણકારો માટે એક લોકપ્રિય વિકલ્પ બની રહ્યો છે. ખાસ કરીને છેલ્લા થોડા સમયમાં મિડ કેપ મ્યુચ્યુઅલ ફંડ્સ રોકાણકારોનું ખાસ ધ્યાન ખેંચી રહ્યા છે, કારણ કે તેમાં સારૂ વળતર મળવાની શક્યતા રહેલી છે.

વિશેષજ્ઞોના જણાવ્યા અનુસાર છેલ્લા એક વર્ષમાં ઘણા મિડ કેપ ફંડ્સે લગભગ 24 ટકા સુધીનું વળતર આપ્યું છે. પરંતુ તેમાં રોકાણ કરતાં પહેલાં મિડ કેપ ફંડ્સ કેવી રીતે કામ કરે છે અને તેમાં પૈસા કેવી રીતે પૈસાનું રોકાણ કરવું તે સમજવું ખૂબ જરૂરી છે.

મિડ કેપ ફંડ્સ શું છે?

શેરબજારમાં કંપનીઓને તેમના કદ અને માર્કેટ કેપિટલાઇઝેશનના આધારે લાર્જ કેપ, મિડ કેપ અને સ્મોલ કેપ તરીકે વહેંચવામાં આવે છે. મિડ કેપ ફંડ્સ મુખ્યત્વે મધ્યમ કદની કંપનીઓમાં રોકાણ કરે છે.

આ કંપનીઓ ન તો ખૂબ મોટી હોય છે અને ન તો ખૂબ નાની. પરંતુ ભવિષ્યમાં ઝડપથી વિકાસ કરીને મોટી કંપની બનવાની તેમાં સારી શક્યતા રહેલી હોય છે. તેથી આવા ફંડ્સમાં ગ્રોથની સંભાવના વધારે હોય છે.

જોખમ અને રિટર્ન કેટલું?

મિડ કેપ ફંડ્સમાં સ્મોલ કેપ ફંડ્સની સરખામણીએ જોખમ થોડું ઓછું હોય છે, પરંતુ લાર્જ કેપ ફંડ્સ કરતાં થોડું વધારે હોઈ શકે છે. એટલે કે, આ ફંડ્સ રિસ્ક અને રિટર્ન વચ્ચે સંતુલન બનાવવાનો પ્રયાસ કરે છે. જો કોઈ રોકાણકાર મધ્યમ જોખમ લઈને સારો નફો મેળવવા માંગતી હોય, તો મિડ કેપ ફંડ્સ તેના માટે યોગ્ય વિકલ્પ બની શકે છે. જોકે, અંતિમ રિટર્ન હંમેશા શેરબજારની સ્થિતિ પર નિર્ભર રહે છે.

કોણ રોકાણ કરી શકે?

• મિડ કેપ ફંડ્સ ખાસ કરીને એવા રોકાણકારો માટે યોગ્ય છે:
• જે લોકો લાંબા ગાળાનું રોકાણ કરવા માંગે છે
• મધ્યમ સ્તરનું જોખમ લઈ શકે છે
• નવી કંપનીઓમાં રોકાણ કરીને વધુ રિટર્ન મેળવવા માંગતા વ્યક્તિઓ.

એકસાથે (Lumpsum) રોકાણ કે SIP?

મિડ કેપ ફંડ્સમાં રોકાણ કરતી વખતે મોટો પ્રશ્ન એ હોય છે કે એકસાથે (Lumpsum) રોકાણ કરવું કે SIP (Systematic Investment Plan) દ્વારા?

ફાઇનાન્સિયલ નિષ્ણાતોના જણાવ્યા મુજબ મિડ કેપ જેવા ઈક્વિટી ફંડ્સમાં SIP (Systematic Investment Plan) વધુ સુરક્ષિત અને અસરકારક રીત માનવામાં આવે છે. SIPમાં તમે દર મહિને નિશ્ચિત રકમ રોકાણ કરવામાં આવે છે. જ્યારે બજારમાં વધારો કે ઘટાડો થાય ત્યારે તમને તે પ્રમાણે યુનિટ્સ મળે છે. અને જ્યારે બજાર ફરીથી ઊંચું જાય છે ત્યારે આ યુનિટ્સનું મૂલ્ય વધે છે, જેના કારણે રોકાણકારને સારો નફો મળી શકે છે.

નિષ્ણાતોની સલાહ

રોકાણ કરતાં પહેલાં પોતાની જોખમ લેવાની ક્ષમતા, રોકાણનો સમયગાળો અને નાણાકીય લક્ષ્યો ધ્યાનમાં લેવા ખૂબ જરૂરી છે. યોગ્ય માહિતી અને લાંબા ગાળાની યોજના સાથે મિડ કેપ મ્યુચ્યુઅલ ફંડ્સમાં રોકાણ કરવાથી સારું રિટર્ન મળવાની શક્યતાઓ વધી શકે છે.

Gold-Silver Rate Today: યુદ્ધ વચ્ચે સતત ઘટી રહ્યો સોના-ચાંદીનો ભાવ, જાણો આજની લેટેસ્ટ કિંમત વધુ જાણો