Dubai jobs for Indians : દુબઈમાં નોકરી કેવી રીતે મળશે? ભારતીય કામદારો માટે અહીં છે A ટુ Z માહિતી

સંયુક્ત આરબ અમીરાત (UAE) ના અનેક શહેરોમાંથી દુબઈ સૌથી વધુ લોકપ્રિય છે. અહીં વિવિધ ક્ષેત્રોમાં નોકરીની અઢળક તકો ઉપલબ્ધ છે. દુબઈમાં કામ કરવાનો મોટો ફાયદો એ છે કે અહીં પગાર પર આવકવેરો લાગતો નથી. સાથે જ, ઉચ્ચ જીવનશૈલી અને આંતરરાષ્ટ્રીય કાર્યસંસ્કૃતિના કારણે લાખો ભારતીયો હાલમાં દુબઈમાં કાર્યરત છે.

ઘણા લોકો દુબઈમાં કામ કરવા માંગે છે, પરંતુ તેમને ખબર નથી હોતી કે નોકરી માટે અરજી ક્યાં કરવી અને કયા પ્લેટફોર્મ પર વિશ્વાસ કરવો. આ લેખમાં અમે તમને દુબઈમાં નોકરી શોધવા માટેના વિશ્વસનીય અને અસરકારક જોબ પોર્ટલ વિશે જાણકારી આપી રહ્યા છીએ, જ્યાંથી તમે સીધી નોકરી માટે અરજી પણ કરી શકો છો.

દુબઈમાં નોકરી માટેના શ્રેષ્ઠ જોબ પોર્ટલ

NaukriGulf : આ Naukri.com નું મધ્ય પૂર્વ માટેનું પ્લેટફોર્મ છે. અહીં દુબઈ અને અન્ય GCC દેશોની અનેક કંપનીઓ નિયમિત રીતે ભરતી કરે છે.

LinkedIn : દુબઈમાં કોર્પોરેટ, મેનેજમેન્ટ અને ટેક નોકરીઓ માટે LinkedIn ખૂબ અસરકારક છે. અહીં રિક્રૂટર્સ સીધા ઉમેદવારોનો સંપર્ક કરે છે.

Bayt.com : મધ્ય પૂર્વની સૌથી મોટી જોબ સાઇટ્સમાંની એક. એન્જિનિયરિંગ, હોસ્પિટાલિટી અને ઓફિસ નોકરીઓ માટે ખૂબ લોકપ્રિય છે.

Indeed UAE : એન્ટ્રી-લેવલ અને મિડ-લેવલ નોકરીઓ માટે આ એક ઉત્તમ પ્લેટફોર્મ છે.

Dubizzle : રિટેલ, બાંધકામ અને બ્લુ-કોલર નોકરીઓ માટે Dubizzle નો જોબ વિભાગ ખૂબ ઉપયોગી છે.

Wellfound : જો તમે સ્ટાર્ટઅપ ક્ષેત્રમાં કામ કરવા ઇચ્છતા હો, તો આ પ્લેટફોર્મ દુબઈની નવી કંપનીઓ માટે શ્રેષ્ઠ છે.

Oliv : શિક્ષણ ક્ષેત્રમાં નોકરી શોધી રહેલા ઉમેદવારો માટે આ એક સારું વિકલ્પ છે.

HealthcareDubai.com : ડૉક્ટર, નર્સ અને હેલ્થકેર પ્રોફેશનલ્સ માટે ખાસ બનાવેલ જોબ પોર્ટલ.

દુબઈમાં નોકરી માટે અરજી કેવી રીતે કરવી?

દુબઈમાં નોકરી માટે અરજી કરતા પહેલા ATS (Application Tracking System) માટે અનુકૂળ રિઝ્યુમ બનાવવું ખૂબ જરૂરી છે. મોટા ભાગની કંપનીઓ ગ્રાફિક્સ, ટેબલ અથવા વધારે ડિઝાઇનવાળા રિઝ્યુમને સ્વીકારતી નથી.

રિઝ્યુમ બનાવતી વખતે તમારી નેશનાલિટી, વર્તમાન વિઝા સ્થિતિ અને વિઝા સ્પોન્સરશિપ જરૂરી છે કે નહીં તે સ્પષ્ટ રીતે લખવું જોઈએ. આ માહિતી રિક્રૂટર્સ માટે ખૂબ મહત્વની હોય છે.

જો તમે દુબઈ જઈને ત્યાં નોકરી શોધવાનું આયોજન કરી રહ્યા હો, તો તમે દુબઈ જોબ સીકર વિઝા માટે પણ અરજી કરી શકો છો. આ વિઝા તમને કાયદેસર રીતે દુબઈમાં રહીને ઇન્ટરવ્યુ આપવા અને નોકરી શોધવાની મંજૂરી આપે છે.

Canada PR : કેનેડાની 6 એવી નોકરી, જ્યાં લાખોના પગાર સાથે મળશે જલ્દી PR