Breaking News : અમેરિકાનું ‘શક્તિ પ્રદર્શન’ ! પરમાણુ મિસાઈલ ‘મિનિટમેન’નું પરીક્ષણ કર્યું, શું આ લોહિયાળ યુદ્ધની તૈયારી છે?

વિશ્વની ત્રણ મોટી શક્તિઓ ‘યુનાઇટેડ સ્ટેટ્સ, રશિયા અને ચીન’ હવે ‘Nuclear Power Showdown’ તરફ આગળ વધી રહી હોય તેવું લાગી રહ્યું છે. બુધવારે યુનાઇટેડ સ્ટેટ્સે તેની ‘પરમાણુ-સક્ષમ મિનિટમેન-III ઇન્ટરકોન્ટિનેન્ટલ બેલિસ્ટિક મિસાઇલ’ (ICBM) નું પરીક્ષણ કર્યું, જેણે 4,200 માઇલ જેટલી મુસાફરી કરી અને પેસિફિક મહાસાગરમાં ક્વાજાલીન એટોલ પર સફળતાપૂર્વક લક્ષ્યને હિટ કર્યું.

કેલિફોર્નિયામાં વેન્ડેનબર્ગ સ્પેસ ફોર્સ બેઝ પરથી છોડવામાં આવેલી આ મિસાઇલ પરમાણુ હથિયાર પહોંચાડવામાં સક્ષમ છે. યુએસ એરફોર્સના જણાવ્યા અનુસાર, આ પરીક્ષણ ‘GT 254’ મિસાઇલ સિસ્ટમની વિશ્વસનીયતા અને તૈયારી ચકાસવા માટે કરવામાં આવ્યું હતું.

રશિયા અને ચીનને સીધો સંદેશ

જો કે એવો દાવો કરવામાં આવ્યો હતો કે, આ પરીક્ષણ કોઈ ચોક્કસ દેશ સામે નિર્દેશિત નહોતું. આંતરરાષ્ટ્રીય વિશ્લેષકો માને છે કે, તે રશિયા અને ચીનને સીધો સંદેશ મોકલવાનો પ્રયાસ હતો. છેલ્લા કેટલાક મહિનામાં રશિયા અને ચીન બંનેની મિસાઈલ ક્ષમતાઓમાં ઝડપી વધારાથી વોશિંગ્ટનની ચિંતા વધી ગઈ છે.

⚡ The United States has tested a Minuteman III intercontinental ballistic missile — without a warhead, but capable of carrying a nuclear one

The test launch was carried out from Vandenberg Space Force Base in California. The missile traveled about 4,200 miles and reached its… pic.twitter.com/E6kzq1iQ3u

— NEXTA (@nexta_tv) November 5, 2025

રશિયાએ તાજેતરમાં તેની પરમાણુ-સક્ષમ ક્રુઝ મિસાઇલ “બુરેવેસ્ટનિક” (9M730) નું પરીક્ષણ કર્યું છે. આ પરમાણુ-એન્જિન મિસાઇલ હજારો કિલોમીટરની રેન્જ ધરાવે છે અને પરંપરાગત મિસાઇલ ડિફેન્સ સિસ્ટમથી બચવા માટે સક્ષમ માનવામાં આવે છે. રશિયાએ હાઇપર-સોનિક “ઝિર્કોન” મિસાઇલનું પણ પરીક્ષણ કર્યું છે, જે મેક 9 ની ઝડપે ઉડી શકે છે.

વિશ્વમાં લોહિયાળ યુદ્ધની તૈયારી

આ પરીક્ષણો પછી રશિયન રાષ્ટ્રપતિ વ્લાદિમીર પુતિને એક નિવેદનમાં કહ્યું હતું કે, “રશિયા પાસે હવે એવી મિસાઇલો છે જેને કોઈ રોકી શકતું નથી.” તેમનું નિવેદન અને પરીક્ષણ રશિયાની રણનીતિને દર્શાવે છે, જેના દ્વારા તે નાટો અને અમેરિકાને સંદેશ આપવા માંગે છે કે તે કોઈપણ પડકારનો જવાબ આપવા તૈયાર છે.

બીજી તરફ, ચીને પણ હવે ખુલ્લેઆમ આ રેસમાં પ્રવેશ કર્યો છે. ગયા સપ્ટેમ્બરમાં, ચીને આંતરરાષ્ટ્રીય પાણીમાં તેની ઇન્ટરકોન્ટિનેન્ટલ બેલિસ્ટિક મિસાઇલ (ICBM)નું પરીક્ષણ કર્યું. ચાર દાયકામાં આ પહેલી વાર હતું, જ્યારે ચીને તેની મર્યાદિત રેન્જની બહાર મિસાઇલનું પરીક્ષણ કર્યું હતું.

‘દુનિયાને 150 વાર નષ્ટ કરી શકે છે’: ડોનાલ્ડ ટ્રમ્પ

વધુમાં, ચીને તાજેતરમાં ‘ફીટિયન-2’ હાઇપરસોનિક મિસાઇલનું સફળતાપૂર્વક પરીક્ષણ કર્યું છે, જે મેક 5 થી વધુ ઝડપે ઉડી શકે છે અને એમાંય તે ઉડાન દરમિયાન દિશા બદલવામાં સક્ષમ છે. સંરક્ષણ નિષ્ણાતોના મતે, બેઇજિંગનું લક્ષ્ય હવે ફક્ત યુએસ મિસાઇલ ક્ષમતાની બરાબરી કરવાનું નથી પરંતુ તેને વટાવી જવાનું છે.

ખાસ વાત એ છે કે, યુએસ દ્વારા આ મિનિટમેન-3 પરીક્ષણ એવા સમયે કરવામાં આવ્યું છે, જ્યારે ડોનાલ્ડ ટ્રમ્પે કહ્યું હતું કે વોશિંગ્ટન હવે પરમાણુ પરીક્ષણોના માર્ગે પાછું ફરશે અને અમેરિકા પાસે એટલી શક્તિ છે કે, તે દુનિયાને 150 વખત નષ્ટ કરી શકે છે. આ નિવેદને માત્ર અમેરિકન રાજકારણમાં જ ખળભળાટ મચાવ્યો નથી પરંતુ રશિયા અને ચીન વચ્ચે વ્યૂહાત્મક પ્રતિક્રિયાઓનો એક રાઉન્ડ પણ શરૂ થયો.

શું આ યુદ્ધની તૈયારી છે?

વિશ્લેષકો માને છે કે, આ યુએસ મિસાઇલ પરીક્ષણ માત્ર ટેકનોલોજીકલ વિશ્વાસનું પ્રદર્શન નથી પરંતુ ડિપ્લોમેટિક ચેતવણી પણ છે. આમ કરીને યુએસ એ દર્શાવવા માંગે છે કે, તે વિશ્વની સૌથી મોટી અને વિશ્વસનીય પરમાણુ શક્તિ રહે. એવામાં પ્રશ્ન એ છે કે, શું આ પરીક્ષણ સ્થિરતાની ગેરંટી છે કે કોઈ નવી પરમાણુ દોડની શરૂઆત?