UAE એ અફઘાનિસ્તાન, બાંગ્લાદેશ સહિત 9 મુસ્લિમ દેશના નાગરિકો પર મૂક્યો પ્રતિબંધ મૂક્યો, જાણો કારણ

UAE Visa Ban : સંયુક્ત આરબ અમીરાતે નવ આફ્રિકન અને એશિયન દેશના નાગરિકો માટે પ્રવાસી અને કાર્ય વિઝા પર પ્રતિબંધ મૂક્યો છે. એવું કહેવામાં આવી રહ્યું છે કે UAE એ સુરક્ષા, આરોગ્ય અને સ્થળાંતરની ચિંતાઓને કારણે આ નિર્ણય લીધો છે. પરિણામે, આ દેશોના નાગરિકો હવે વિઝા માટે અરજી કરી શકશે નહીં.

યુએસ ટેરિફ યુદ્ધને પગલે, સંયુક્ત આરબ અમીરાત (UAE) ચર્ચામાં આવ્યું છે. ગલ્ફ રાષ્ટ્રએ તેની વિઝા નીતિમાં નોંધપાત્ર ફેરફારો કર્યા છે. UAE એ નવ આફ્રિકન અને એશિયન દેશના નાગરિકોને પ્રવાસ અને વર્ક વિઝા આપવાનું કામચલાઉ ધોરણે સ્થગિત કરી દીધું છે. નોંધનીય છે કે, આ યાદીમાં ભારતના બે પડોશી દેશોનો સમાવેશ થાય છે. આ નિયમ તાત્કાલિક અસરથી લાગુ કરવામાં આવ્યો છે.

મીડિયા અહેવાલ મુજબ, UAE એ સુરક્ષા, આરોગ્ય અને સ્થળાંતરની ચિંતાઓને કારણે આ નિર્ણય લીધો છે. પરિણામે, આ દેશોના નાગરિકો હવે વિઝા માટે અરજી કરી શકશે નહીં.

આ દેશોના નાગરિકો પર પ્રતિબંધ

અફઘાનિસ્તાન, લિબિયા, યમન, સોમાલિયા, લેબનોન, બાંગ્લાદેશ, કેમરૂન, સુદાન અને યુગાન્ડાના નાગરિકો પર પ્રતિબંધ મૂકવામાં આવ્યો છે. આ દેશોના નાગરિકો હવે UAE ટુરિસ્ટ વિઝા કે વર્ક પરમિટ માટે અરજી કરી શકશે નહીં. આ પ્રતિબંધ આગામી સૂચના સુધી અમલમાં રહેશે. સમીક્ષા કે રદ કરવા માટે કોઈ સમયમર્યાદા જાહેર કરવામાં આવી નથી. જોકે, આ પ્રતિબંધ એવા લોકોને લાગુ પડતો નથી જેમણે પહેલાથી જ વિઝા મેળવ્યા છે. આવા વ્યક્તિઓ દેશમાં કાયદેસર રીતે રહી શકે છે અને કામ કરી શકે છે.

શા માટે વિઝા પ્રતિબંધ લાદવામાં આવ્યો

મીડિયા અહેવાલ મુજબ, UAE સરકારે હજુ સુધી આ બાબતે કોઈ વિગતો જાહેર કરી નથી, પરંતુ નિષ્ણાતો કહે છે કે પ્રતિબંધ પાછળ ઘણા પરિબળો છે. સૌથી સામાન્ય કારણ રાષ્ટ્રીય સુરક્ષા છે. UAE એ આ ચિંતાઓના જવાબમાં પહેલાથી જ સમાન પગલાં અમલમાં મૂક્યા છે.

આ પણ વાંચોઃ ફ્લાઇટના વ્હીલવેલમાં સંતાઈ ગયો, જીવના જોખમે 94 મિનિટ હવામાં લટક્યો, 13 વર્ષનો છોકરો કાબુલથી દિલ્હી પહોંચ્યો