Turkey earthquake latest Update: માનવ જીંદગી બચાવવા મેક્સિકોથી તુર્કી પહોંચ્યા આ શ્વાન, સેકન્ડમાં કાટમાળમાંથી શોધશે જીવન
તુર્કી અને સીરિયામાં બચાવ કાર્યમાં મદદ માટે કૂતરા મોકલનાર મેક્સિકો એકમાત્ર દેશ નથી. ક્રોએશિયા, ચેક રિપબ્લિક, જર્મની, ગ્રીસ, લિબિયા, પોલેન્ડ, સ્વિટ્ઝર્લેન્ડ, યુકે અને યુએસએ પણ ખાસ જાતિના કૂતરા મોકલી રહ્યા છે
તુર્કી-સીરિયામાં આવેલા વિનાશક ભૂકંપ બાદ 70 દેશોએ તુર્કીમાં મદદ મોકલી છે. ભારતની NDRFની બે ટીમે તુર્કી પહોંચીને બચાવ કાર્ય શરૂ કરી દીધું છે. મેડિકલ ટીમે તેનો કેમ્પ કર્યો છે. લોકોને સારવાર આપવામાં આવી રહી છે. બચાવ કાર્યમાં સૌથી મોટી સમસ્યા કાટમાળ નીચે દટાયેલા લોકોને બચાવવાની છે. બહુમાળી ઈમારતો નીચે લોકો દટાઈ ગયા છે. તેમાંથી ઘણા જીવિત પણ છે પરંતુ બચાવ ટીમ માટે તેમની ઓળખ કરવી મુશ્કેલ છે. મેક્સિકો તુર્કીમાં આવા ખાસ શ્વાન મોકલી રહ્યું છે, જે કાટમાળ નીચે દટાયેલા લોકોને તરત શોધી કાઢશે.
સુરક્ષા હોય કે બચાવ. વફાદાર ડોગ્સ દરેક જગ્યાએ આગેવાની લે છે. મેક્સિકન સ્પેશિયલ ડોગ્સ હવે તુર્કીમાં પણ મોકલવામાં આવી રહ્યા છે. તેઓ તરત જ સૂંઘશે અને જણાવશે કે કઇ જગ્યાએ લોકો કાટમાળ નીચે દટાયા છે. મંગળવારે મેક્સિકો સિટીથી 16 કૂતરા સાથેનું એક વિમાન ઉડાન ભર્યું હતું. મેક્સિકો પોતે પણ ધરતીકંપની સંભાવના ધરાવતો દેશ છે. તેની પાસે લશ્કરી ટીમો છે જે ઘણીવાર આપત્તિના કિસ્સામાં મદદ કરવા માટે તૈનાત હોય છે. દેશમાં 2017માં આવેલા ભૂકંપ દરમિયાન કૂતરાઓએ મેક્સિકન લોકોનું દિલ જીતી લીધું હતું.
El corazón de nuestro equipo de rescate volando en estos momentos hacia Turquía : pic.twitter.com/fl82LCdJ13
— Marcelo Ebrard C. (@m_ebrard) February 7, 2023
ફ્રિડા નામનો પીળો લેબ્રાડોર રિટ્રીવર
આ કૂતરાઓએ ઘણા લોકોના જીવ બચાવ્યા હતા. ફ્રિડા નામની પીળી લેબ્રાડોર રીટ્રીવરનું સમગ્ર વિશ્વ દ્વારા સન્માન કરવામાં આવ્યું હતું. સલામતી ચશ્મા અને બૂટ પહેરેલી ફ્રિડા મેક્સિકો સિટીમાં બચી ગયેલા લોકોને શોધતી જોવા મળી હતી. નૌકાદળે મેક્સિકો, હૈતી, ગ્વાટેમાલા અને એક્વાડોરમાં 12 લોકોના જીવન બચાવવા અને 40 મૃતદેહોને પુનઃપ્રાપ્ત કરવાનો શ્રેય ફ્રિડાને આપ્યો. જ્યારે ફ્રિડાનું ગયા વર્ષે વૃદ્ધાવસ્થાને કારણે મૃત્યુ થયું હતું.
Timba con su manejador , SEDENA pic.twitter.com/hsZhCC7w3s
— Marcelo Ebrard C. (@m_ebrard) February 7, 2023
નેવી હેન્ડલર સાથે માલિનોઇસ ઇકો
ઇકો, બેલ્જિયન માલિનોઇસ, મેક્સિકો સિટીના એરપોર્ટ પર તેના નેવી હેન્ડલર સાથે જોવા મળી હતી. અત્યંત અનુભવી સ્વયંસેવકોના જૂથે મેક્સિકોના વિદેશ પ્રધાન માર્સેલો એબ્રાર્ડને તેમની મદદની ઓફર કરવાનો સંદેશ મોકલ્યો. કલાકોમાં, એબ્રાર્ડે જવાબ આપ્યો કે મેક્સિકો સિટીમાં તુર્કી દૂતાવાસની મદદથી તેમના માટે પરિવહનની વ્યવસ્થા કરવામાં આવી હતી. વિદેશ મંત્રીએ રેડક્રોસના સભ્યનો તેના ચાર પગવાળા સાથી સાથે પ્લેનમાં સવારનો વીડિયો પણ પોસ્ટ કર્યો હતો.
ઘણા દેશો મદદ કરી રહ્યા છે
તુર્કી અને સીરિયામાં બચાવ કાર્યમાં મદદ માટે કૂતરા મોકલનાર મેક્સિકો એકમાત્ર દેશ નથી. ક્રોએશિયા, ચેક રિપબ્લિક, જર્મની, ગ્રીસ, લિબિયા, પોલેન્ડ, સ્વિટ્ઝર્લેન્ડ, યુકે અને યુએસએ પણ ખાસ જાતિના કૂતરા મોકલી રહ્યા છે. પ્રાણીઓનો ઉપયોગ મોટાભાગે એવા વિસ્તારોમાં કરવામાં આવે છે જ્યાં ભારે મશીનરીના ઉપયોગથી વધુ કાટમાળ પડી શકે છે, જે બચી ગયેલા લોકોના જીવનને જોખમમાં મૂકે છે. કુતરાઓને માણસોને સુંઘવાની તાલીમ આપવામાં આવે છે
