Breaking News: શું દુનિયામાં તેલના ભાવ ભડકે બળશે? સાઉદીના ઓઇલ ટર્મિનલ પર ઈરાની ડ્રોન ત્રાટક્યા, રિફાઇનરી બંધ

સાઉદી અરામકોની રાસ તનુરા રિફાઇનરી પર સોમવારે ડ્રોન દ્વારા હુમલો કરવામાં આવ્યો હતો. આ હુમલા બાદ રિફાઇનરીના કેટલાક વિસ્તારોમાં આગ ફાટી નીકળી હતી, જેના કારણે રાસ તનુરા રિફાઇનરીને બંધ કરી દેવામાં આવી છે.

રિફાઇનરી પરનો આ હુમલો ઈરાન દ્વારા કરવામાં આવ્યો હોવાનું માનવામાં આવે છે. જો કે, આ હુમલામાં આગ ખૂબ જ મર્યાદિત વિસ્તારમાં લાગી હતી, જેના પર ટૂંક સમયમાં કાબૂ મેળવી લેવામાં આવ્યો હતો. ઈરાન દ્વારા કરવામાં આવેલા આ ડ્રોન હુમલામાં લાગેલી આગને લઈને અલગ-અલગ વાતો સામે આવી રહી છે. એવું કહેવામાં આવી રહ્યું છે કે, આગ મોટાપાયે લાગી નથી અને આ ઘટનામાં કોઈ ખાસ મોટું નુકસાન પણ થયું નથી.

JUST IN: Iran strikes Saudi Arabia’s Aramco Ras Tanura oil refinery. pic.twitter.com/eTmPGRFAY5

— BRICS News (@BRICSinfo) March 2, 2026

રાસ તનુરા સાઉદી તેલ નિકાસનું મુખ્ય કેન્દ્ર માનવામાં આવે છે. અહીંથી જ સમગ્ર વિશ્વમાં તેલનો પુરવઠો (સપ્લાય) પૂરો પાડવામાં આવે છે. જો અહીં મોટાપાયે નુકસાન થાય તો સમગ્ર વિશ્વમાં તેલનું સંકટ ઊભું થઈ શકે છે અને તેની સાથે તેલની કિંમતોમાં પણ મોટો ઉછાળો આવી શકે છે.

મિડલ ઈસ્ટ પહેલેથી જ અમેરિકા, ઈઝરાયેલ અને ઈરાન વચ્ચેના વધતા તણાવમાંથી પસાર થઈ રહ્યું છે. આ સાથે જ ‘હોર્મુઝની સામુદ્રધુની’ (Strait of Hormuz) પર પણ વિશ્વભરના બજારોની નજર ટકેલી છે, કારણ કે વિશ્વનું 20 ટકા તેલ આ જ માર્ગ પરથી પસાર થાય છે. જો આવનારા દિવસોમાં આ રીતે રિફાઇનરીઓ અથવા ઓઇલ ટર્મિનલ પર હુમલા ચાલુ રહેશે, તો સમગ્ર વિશ્વમાં તેલનું ગંભીર સંકટ સર્જાઈ શકે છે.