PM મોદી પહોંચ્યા ન્યૂયોર્ક, અમેરિકાએ કહ્યું-ભારત મોટી શક્તિ તરીકે ઉભરી રહ્યું છે, જુઓ Video
વ્હાઇટ હાઉસની રાષ્ટ્રીય સુરક્ષા પરિષદના પ્રવક્તા જોન કિર્બીએ કહ્યું કે, ભારત એક મોટી શક્તિ તરીકે ઉભરી રહ્યું છે. પીએમ મોદીની મુલાકાતથી બંને દેશો વચ્ચે વ્યૂહાત્મક ભાગીદારી આગળ વધશે.
PM Modi US Visit : વડાપ્રધાન નરેન્દ્ર મોદી ન્યૂયોર્ક, અમેરિકા પહોંચી ગયા છે. પીએમ મોદીની આ વખતની મુલાકાતને ઘણી ખાસ માનવામાં આવે છે. પીએમ મોદીના અમેરિકા પહોંચતા પહેલા વ્હાઇટ હાઉસે મોટું નિવેદન આપ્યું છે. વ્હાઇટ હાઉસની રાષ્ટ્રીય સુરક્ષા પરિષદના પ્રવક્તા જોન કિર્બીએ કહ્યું કે, ભારત એક મોટી શક્તિ તરીકે ઉભરી રહ્યું છે. પીએમ મોદીની મુલાકાતથી બંને દેશો વચ્ચે વ્યૂહાત્મક ભાગીદારી આગળ વધશે.
#WATCH | Prime Minister Narendra Modi arrives in New York on first leg of his official State visit to the United States
During his visit to New York, PM will meet CEOs, Nobel laureates, economists, artists, scientists, scholars, entrepreneurs, academicians,health sector… pic.twitter.com/fZeWUo2ttU
— ANI (@ANI) June 20, 2023
તેમણે કહ્યું કે ભારત સાથેના સંબંધો પહેલા કરતા વધુ મજબૂત બન્યા છે. કિર્બીએ ભારતને સૌથી મોટો વ્યૂહાત્મક ભાગીદાર ગણાવ્યો હતો. તેમણે કહ્યું કે, અમે ભારત અને અમેરિકા વચ્ચે સંરક્ષણ સહયોગમાં સુધારો કરી રહ્યા છીએ. કિર્બીએ વધુમાં જણાવ્યું હતું કે, પીએમ મોદીની મુલાકાત મુક્ત, ખુલ્લા, સમૃદ્ધ અને સુરક્ષિત ઈન્ડો-પેસિફિકની સહિયારી પ્રતિબદ્ધતાને મજબૂત કરશે. વાસ્તવમાં પીએમ મોદીનો યુએસ પ્રવાસ ન્યૂયોર્કથી શરૂ થશે.
#WATCH | India is a key and important partner for the United States. If you just look ahead, it’s safe to say that it is going to be the most defining relationship well into the future: John Kirby, NSC Coordinator for Strategic Communications on the question of India’s oil… pic.twitter.com/eN3FszkKUl
— ANI (@ANI) June 20, 2023
પીએમ મોદી 22 જૂને વ્હાઇટ હાઉસમાં સ્ટેટ ડિનર કરશે
વડા પ્રધાન મોદી આવતીકાલ 21 જૂને ન્યૂયોર્કમાં સંયુક્ત રાષ્ટ્રના મુખ્યાલયમાં આંતરરાષ્ટ્રીય યોગ દિવસની ઉજવણીનું નેતૃત્વ કરશે. તેઓ 24 જૂન સુધી અમેરિકાના પ્રવાસે રહેશે. PM મોદી 22 જૂને અમેરિકાના રાષ્ટ્રપતિ જો બાઈડન અને તેમની પત્ની જીલ બાઈડન સાથે વ્હાઇટ હાઉસમાં સ્ટેટ ડિનર કરશે. આ દરમિયાન તેમને 21 તોપોની સલામી આપવામાં આવશે.
પીએમ મોદી યુએસ સંસદના સંયુક્ત સત્રને સંબોધશે
આ સિવાય વડા પ્રધાન મોદી અમેરિકાના સંસદના સંયુક્ત સત્રને સંબોધિત કરશે. આવું કરનાર તેઓ પ્રથમ ભારતીય વડાપ્રધાન છે. આ પહેલા તેમણે 2016માં અમેરિકાના સંસદને સંબોધિત કરી હતી.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો
