આને કહેવાય નસીબ !! માછીમારોને મળ્યો કરોડોનો ખજાનો, જાળમાં માછલીની જગ્યાએ મળ્યા iPhone અને MacBook
કેટલાક માછીમારો માછલી પકડવા માટે દરિયા કિનારે પહોંચ્યા હતા. જાળમાં માછલીઓ ફસાઈ ન હતી, પરંતુ કેટલાક બોક્સ જાળમાં ફસાઈ ગયા હતા. શરૂઆતમાં તેને લાગ્યું કે બોક્સ ખાલી હશે, પરંતુ જ્યારે તેણે તેને ખોલ્યું તો તેના હોશ ઉડી ગયા.
કહેવાય છે કે જો વ્યક્તિનું નસીબ સાથ આપે છે તો તે પળવારમાં ધનવાન બની જાય છે. તેના અનેક ઉદાહરણો આપણે જોતા રહીએ છીએ. કોઈને લોટરી લાગી તો કોઈને જેકપોટ. તાજેતરના દિવસોમાં, ઇન્ડોનેશિયાથી (Indonesia) આવો જ એક કિસ્સો સામે આવ્યો છે, જ્યાં એક માછીમાર (Fisherman) લાંબા સમય સુધી માછલી પકડતો હતો અને તેનાથી જ તેના ઘરનો ખર્ચ નીકળતો હતો. જીવનમાં આર્થિક સમસ્યાથી પરેશાન થઈ તેમણે રોજની જેમ જ એક દિવસ સમુદ્ર તરફ હોડી લીધી, પરંતુ તે દિવસે તેનું નસીબ ચમકી ગયું.
મીડિયા રિપોર્ટ્સ અનુસાર, ઇન્ડોનેશિયાના બાંગકા બેલિતુંગમાં કેટલાક માછીમારો માછલી પકડવા માટે દરિયા કિનારે પહોંચ્યા હતા. તરત જ તેણે દરિયામાં જાળ ફેંકી, પરંતુ જ્યારે તેણે જાળ પાછી ખેંચી તો બધા દંગ રહી ગયા. આ જાળમાં માછલીઓ ફસાઈ ન હતી, પરંતુ કેટલાક બોક્સ (Box) જાળમાં ફસાઈ ગયા હતા. તેમણે આ બોક્સ ખોલવાનું શરૂ કર્યું. તેમાં ઘણા બોક્સ હતા, જેના પર એપલનો (Apple) લોગો હતો. શરૂઆતમાં તેને લાગ્યું કે બોક્સ ખાલી હશે, પરંતુ જ્યારે તેણે તેને ખોલ્યું તો તેના હોશ ઉડી ગયા.
વીડિયો ટિકટોક પર શેર કરવામાં આવ્યો હતો આ પછી માછીમારે આ ઘટનાનો વીડિયો ટિકટોક પર શેર કર્યો. ફોટો શેર કરતી વખતે માછીમારે લખ્યું, ‘આ રીતે બદલાઈ છે નસીબ.’ જેને પણ આ ઘટનાની જાણ થઈ તે આશ્ચર્યચકિત થઈ ગયો. માછીમારે વીડિયોમાં જણાવ્યું કે બોક્સમાં રાખવામાં આવેલી વસ્તુઓ પાણીને કારણે બગડી નથી. તેણે કહ્યું કે કાર્ટનનું પેકિંગ એટલું સારી રીતે કરવામાં આવ્યું હતું કે સામાનને કોઈ નુકસાન થયું નથી.
તેમનો વીડિયો જોયા બાદ કેટલાક લોકોએ કહ્યું કે બોક્સમાં રાખેલી પ્રોડક્ટ પાણીના કારણે બગડી ગઈ છે, પરંતુ આ સાચું નથી. માછીમારોએ જણાવ્યું કે બોક્સની અંદર પાણી નથી. પેકિંગ એટલી સારી રીતે કરવામાં આવ્યું હતું કે કોઈ પણ વસ્તુને નુકસાન થયું નથી.
તમારી જાણકારી માટે તમને જણાવી દઈએ કે આ પહેલા અમેરિકાના (America) ફ્લોરિડાથી એક કિસ્સો સામે આવ્યો હતો, જ્યાં એક વ્યક્તિ તેના મિત્રો સાથે મસ્તી કરવા ગયો હતો, પરંતુ ત્યાં તેને પાણીમાં એકસાથે ઘણા પેકેટ તરતા જોવા મળ્યા. આ તમામ પેકેટમાં મળીને લગભગ 30 કિલો કોકેઈન હતું, જેની આંતરરાષ્ટ્રીય બજારમાં કિંમત લગભગ સાડા સાત કરોડ રૂપિયા છે.
આ પણ વાંચો : Ajab Gajab News: એક એવું ગામ કે જ્યાં રહે છે માત્ર એક જ વ્યક્તિ, જાણો શું છે આ પાછળનું કારણ
આ પણ વાંચો : ‘લક હો તો ઐસા’: 2002માં લીધેલી લોટરીના નંબરે જીતાવ્યો કરોડોનો જેકપોટ ! આ વ્યક્તિ રાતો-રાત બની ગયો કરોડપતિ