Emotional News : પતિ લાપતા, બાળકી બિમાર, મજબૂરીમાં આ મહિલાએ પોતાના દિકરાને 25 હજારમાં વેચી દીધો
અફઘાનિસ્તાનના લોકોની હાલત ખરાબ છે. દેશમાં ગરીબીની સ્થિતિ એવી છે કે લોકો પેટ ભરાવવા માટે બાળકોને વેચી રહ્યા છે, જ્યારે ઘણા લોકો ઘરની વસ્તુઓની હરાજી કરી રહ્યા છે. તેવામાં આ કિસ્સો દિલ તોડી દેનાર છે.
અફઘાનિસ્તાનમાં (Afghanistan) તાલિબનના (Taliban) કબજા બાદ લોકોના હાલ બેહાલ છે. ચૂંટાયેલી સરકાર પડી જવાને કારણે આર્થિક વ્યવસ્થા પણ પડી ભાંગી છે. લોકો ઘરની બહાર નીકળતા ડરી રહ્યા છે. હજારો, લાખો લોકો બેઘર થઇ ચૂક્યા છે. અને મોસમે લોકોની સમસ્યામાં વધારો કર્યો છે.
અફઘાનિસ્તાનમાં ઘણા પરિવારો વિસ્થાપિત થઈ રહ્યા છે અને હવે કાબુલમાં રહી રહ્યા છે, હાલમાં તેઓ ઘણા પડકારોનો સામનો કરી રહ્યા છે કારણ કે શિયાળો આવી રહ્યો છે. તંબુમાં રહેતા ઘણા પરિવારો કહે છે કે તેમના બાળકો ઠંડા હવામાનના કારણે બીમાર પડી રહ્યા છે. વિસ્થાપિત પરિવારોએ કહ્યું કે તેમને તાલિબાનની આગેવાની હેઠળના શરણાર્થી મંત્રાલય તરફથી કોઈ મદદ મળી નથી. તેવામાં એક એવી ઘટના સાંભળવા મળી છે જેને સાંભળીને તમે ભાવુક થઇ જશો.
અફઘાનિસ્તાનમાં પોતાની 13 વર્ષની બિમાર પુત્રીને બચાવવા માટે એક મહિલાએ પોતાના દિકરાને વેચી દીધો. મીડિયા અહેવાલ પ્રમાણે, મહિલાએ બીમાર પુત્રીની સારવાર માટે દોઢ વર્ષના પુત્રને માત્ર $ 335 એટલે કે 25 હજાર રૂપિયામાં વેચી દીધો. કાબુલમાં તંબુમાં રહેતી લૈલુમાએ કહ્યું કે તેણી પાસે અન્ય કોઈ વિકલ્પ ન હોવાથી તેણે પોતાનું બાળક વેચવું પડ્યું. તેનો પતિ પણ ગત વર્ષથી જ લાપતા છે.
અફઘાનિસ્તાનના લોકોની હાલત ખરાબ છે. દેશમાં ગરીબીની સ્થિતિ એવી છે કે લોકો પેટ ભરાવવા માટે બાળકોને વેચી રહ્યા છે, જ્યારે ઘણા લોકો ઘરની વસ્તુઓની હરાજી કરી રહ્યા છે. તેવામાં આ કિસ્સો દિલ તોડી દેનાર છે. બાગલા પ્રાંતમાંથી વિસ્થાપિત થયેલી એક ગરીબ મહિલાએ તેના નિર્દોષ પુત્રને વેચી દીધો. મહિલાને તેની 13 વર્ષની પુત્રીની સારવાર માટે પૈસાની જરૂર હતી.
અહેવાલ પ્રમાણે, વિસ્થાપિત મહિલા આયેશાએ કહ્યું કે શરણાર્થી મંત્રાલયના લોકો અહીં આવ્યા હતા. એક સર્વે કર્યો પણ તેઓએ હજુ સુધી કોઈ મદદ કરી નથી. જો આ સ્થિતિ ચાલુ રહેશે તો અમે ભૂખે મરશું. તમને જણાવી દઈએ કે અશરફ ગની સરકારના પતન અને તાલિબાનના કાબુલ પર કબજો થયા બાદ કાબુલમાં મોટી સંખ્યામાં વિસ્થાપિત પરિવારો તંબુમાં રહી રહ્યા છે.
આ પણ વાંચો –
Lakhimpur Violence: હિંસામાં માર્યા ગયેલા 4 ખેડૂતો સહિત 8 લોકોનો પોસ્ટમોર્ટમ રિપોર્ટ આવ્યો, ઈજા અને હેમરેજને કારણે મૃત્યુ થયું
આ પણ વાંચો –
સ્થાનિક પેટા ચૂંટણીના પરિણામો જાહેર, કયાં ભાજપની થઇ જીત ? કયાં કોંગ્રેસના સૂપડા થયા સાફ ? તમામ પરિણામો પર એક નજર કરો
આ પણ વાંચો –