રશિયાથી ગોવા જઈ રહેલી ફ્લાઈટમાં બોમ્બ હોવાની માહિતીથી ખળભળાટ, પ્લેનને ઉઝબેકિસ્તાન ડાયવર્ટ કરાયું
ધમકીઓ મળ્યા બાદ આ ફ્લાઈટને(Flight) ઉઝબેકિસ્તાન ડાયવર્ટ કરવામાં આવી છે. તે ફ્લાઈટ રુસના પર્મ એરપોર્ટથી ગોવા જઈ રહી હતી. ખાસ વાત એ છે કે આ વિમાનમાં 238 મુસાફરો અને 7 ક્રૂ મેમ્બર છે.
રશિયાથી ગોવા જઈ રહેલી અઝુર એરની ચાર્ટર્ડ ફ્લાઈટમાં બોમ્બ હોવાની માહિતી મળી છે. માહિતી મળ્યા બાદ આ ફ્લાઈટને ઉઝબેકિસ્તાન ડાયવર્ટ કરવામાં આવી છે. આ ફ્લાઈટ તારુસના પર્મ એરપોર્ટથી ગોવા જઈ રહી હતી. ખાસ વાત એ છે કે આ વિમાનમાં 238 મુસાફરો અને 7 ક્રૂ મેમ્બર છે. આંતરરાષ્ટ્રીય સમાચાર અહીં વાંચો.
એક વરિષ્ઠ પોલીસ અધિકારીએ જણાવ્યું કે ફ્લાઇટ સવારે 4.15 વાગ્યે દક્ષિણ ગોવાના ડાબોલિમ એરપોર્ટ પર લેન્ડ થવાની હતી. તેમણે કહ્યું કે અઝુર એર (AZV 2463)ની ફ્લાઈટ ભારતીય હવાઈ ક્ષેત્રમાં પ્રવેશતા પહેલા જ ઉઝબેકિસ્તાન તરફ વાળવામાં આવી હતી.
An Azur Air chartered flight from Russia’s Perm International Airport to Goa received a security threat. Following this, the flight was diverted to Uzbekistan. A total of 238 passengers, including 2 infants, and 7 crew are onboard: Airport Sources pic.twitter.com/2JKe9bWeO8
— ANI (@ANI) January 21, 2023
અઝુર એરલાઇનનું એરક્રાફ્ટ નંબર AVZ 2463 ભારતીય હવાઈ ક્ષેત્રમાં ઉતરતા પહેલા વાળવામાં આવ્યું હતું. સૂત્રોનું કહેવું છે કે, “ડાબોલિમ એરપોર્ટના ડાયરેક્ટર તરફથી મોડી રાત્રે 12.30 વાગ્યે એક ઈમેલ મળ્યા બાદ તેને ડાયવર્ટ કરવામાં આવ્યો હતો, જેમાં પ્લેનમાં બોમ્બ હોવાની વાત કરવામાં આવી હતી.”
12 દિવસમાં આવી બીજી ઘટના
જણાવી દઈએ કે 12 દિવસમાં આ બીજી વખત છે જ્યારે રશિયાથી ભારત આવી રહેલી ફ્લાઈટમાં બોમ્બ હોવાની જાણ થઈ છે. અગાઉ 10 જાન્યુઆરીએ રશિયાની રાજધાની મોસ્કોથી ગોવા જઈ રહી હતી. તાત્કાલિક પગલાં લેતા, ATCએ આ ફ્લાઈટનું ગુજરાતના જામનગરમાં ઈમરજન્સી લેન્ડિંગ કરાવ્યું હતું. જો કે સંપૂર્ણ શોધખોળ બાદ પણ ફ્લાઈટમાંથી કોઈ બોમ્બ મળ્યો ન હતો.
(ઇનપુટ-ભાષાંતર)