એક દિવસમાં 40 સિગારેટ ફૂંકી નાખે છે આ માદા ચિમ્પાન્ઝી, જાણો તેનું પાછળનું ગંદુ કારણ
ઉત્તર કોરિયાના પ્રાણી સંગ્રહાલયમાં માદા ચિમ્પાન્ઝી એક દિવસમાં 40 સિગારેટ પીતી હતી. વાસ્તવમાં, ચિમ્પાન્ઝીને માનવીઓના મનોરંજન માટે સિગારેટ પીવાનું શીખવવામાં આવ્યું હતું.
માણસો પોતાના મનોરંજન માટે કોઇ પણ હદ સુધી જઇ શકે છે પછી ભલે કોઇના જીવન સાથે ચેડા થતા હોય કે કોઇને તકલીફ થતી હોય. તમે ઘણા લોકોને શોખ માટે સ્મોકિંગ (Smoking) કરતા જોયા હશે. આ લોકો પોતાના સ્વાસ્થ્ય સાથે તો ચેડા કરે જ છે પરંતુ આસપાસના લોકોના આરોગ્ય પણ જોખમમાં મુકે છે. પરંતુ હાલમાં જે સમાચાર વાયરલ થઇ રહ્યા છે તેમાં તો માનવીએ તમામ હદો વટાવી દીધી છે
ઉત્તર કોરિયાના પ્યોંગયાંગ પ્રાણી સંગ્રહાલયમાં (Pyongyang Zoo) એક માદા ચિમ્પાન્ઝી છે, જે એક-બે નહીં પણ દરરોજ 40 સિગારેટ પીતી હતી. તે પોતાની સિગારેટ જાતે જ જલાવી લેતી હતી. વાસ્તવમાં, તેને પ્રાણી સંગ્રહાલયમાં લોકોના મનોરંજન માટે સિગારેટ પીતા શીખવવામાં આવ્યું હતું, પછી ધીમે-ધીમે તેને સિગારેટ પીવાની લત લાગી ગઈ. અત્યાર સુધી આ માદા ચિમ્પાન્ઝીને જોવા માટે મોટી સંખ્યામાં લોકો આવે છે. ચિમ્પાન્ઝી 25 વર્ષની છે અને તે દરેકના આકર્ષણનું કેન્દ્ર રહે છે.
એક રિપોર્ટ અનુસાર, આ માદા ચિમ્પાન્ઝીનું નામ અઝાલિયા છે, જેને કોરિયન ભાષામાં ‘ડેલ’ નામથી ઓળખવામાં આવે છે. આ ચિમ્પાન્ઝીને ઉત્તર કોરિયાના પ્યોંગયાંગ ઝૂમાં રાખવામાં આવ્યુ છે. અઝાલિયા પ્રાણી સંગ્રહાલયમાં ખૂબ પ્રખ્યાત છે. તેને જોવા માટે દૂર દૂરથી લોકો આવે છે. દિવસમાં 40 જેટલી સિગારેટ પીતી આ માદા ચિમ્પાન્ઝી સ્મોક રિંગ્સ પણ બનાવી લે છે.
ખરેખર, અઝાલિયાને આ માટે ટ્રેનિંગ આપવામાં આવી હતી, જેથી તે પોતે સિગારેટ સળગાવી શકે. જો બીજી વ્યક્તિ પણ તેના પર સિગારેટ ફેંકે તો તે તેને પણ સળગાવી દેશે. સિગારેટ પીવા સિવાય તે ખૂબ જ સારો ડાન્સ પણ કરે છે, જેનાથી લોકોને સારું મનોરંજન મળે છે.
તમને જણાવી દઈએ કે આ પ્રાણી સંગ્રહાલયમાં હાથી, જિરાફ, પેંગ્વિન, ગેંડા, ઊંટ, માછલી, મગર, કાચબા જેવા ઘણા પ્રાણીઓ છે, પરંતુ આ ચિમ્પાન્ઝી તે બધામાં ખૂબ જ લોકપ્રિય છે. રિપોર્ટ અનુસાર, વર્ષ 2016માં કોરિયાના નેતા કિમ જોન-ઉનના આદેશ પર પ્રાણી સંગ્રહાલયનું નવીનીકરણ કરવામાં આવ્યું હતું, ત્યારબાદ જ અઝાલિયાનું નામ ચર્ચામાં આવ્યું અને તે ઝૂની સ્ટાર બની ગઈ.
આ પણ વાંચો –
Boeing Aircrafts: બોઇંગ 777 અથવા 717, 737… ક્યારેય વિચાર્યું છે કે દરેક બોઇંગ એરક્રાફ્ટ 7 નંબરથી જ કેમ શરૂ થાય છે?
આ પણ વાંચો –
Baby Miracle : ડૉક્ટર અને કેબિન ક્રૂની મદદથી મહિલાએ ચાલુ ફ્લાઈટમાં બાળકને આપ્યો જન્મ, જુઓ PHOTOS
આ પણ વાંચો –
Video: રણમાં હિમવર્ષા ! બરફની સફેદ ચાદરથી ઢંકાયું વિશ્વનું સૌથી મોટું રણ Sahara, તાપમાન માઈનસ 2 ડિગ્રી
Latest News Updates
