એલોન મસ્કે ભારે કરી! અજાણી છોકરીને કહ્યું ‘મારા બાળકોની મા બની જા’, જાણો કોણ છે એ છોકરી અને મસ્ક સાથે તેનો શું છે સંબંધ?

એલોન મસ્ક રોજને રોજ કઇંક નવી વાતો કરે છે અને ચર્ચામાં રહે છે. તાજેતરમાં જ મસ્કે ફરીથી પિતા બનવાની ઇચ્છા વ્યક્ત કરી છે. આશ્ચર્યજનક વાત એ છે કે, તેણે આ ઇચ્છા તેની પત્નીને નહીં પરંતુ કોઈ અજાણી ઇન્ફ્લુએન્સરને કહી કાઢી છે. તેણે ઇન્ફ્લુએન્સરને પૂછ્યું કે, શું તમે મારા બાળકોની માતા બનશો? તમને જાણીને નવાઈ લાગશે કે આ ઇન્ફ્લુએન્સર બીજું કોઈ નહીં પણ યુટ્યુબર ટિફની ફોંગ છે. જો કે, એલોન મસ્કની આ ઓફર ફોંગે સ્વીકારી જ નહોતી.

શું છે આખો મામલો?

વોલ સ્ટ્રીટ જર્નલના અહેવાલ મુજબ, મસ્કે ક્રિપ્ટો ઇન્ફ્લુએન્સરને સીધું પૂછ્યું કે, શું તે તેના બાળકને જન્મ આપશે? આશ્ચર્યજનક વાત એ છે કે, મસ્ક અને આ ક્રિપ્ટો ઇન્ફ્લુએન્સર એકબીજાને ઓળખતા જ નથી. ફોંગ ક્રિપ્ટો કોમ્યુનિટીમાં એક પ્રખ્યાત હસ્તી છે. X પ્લેટફોર્મ પર ફોંગના 3,35,000થી વધુ ફોલોઅર્સ છે. યુટ્યુબ પર 48,000થી વધુ સબ્સ્ક્રાઇબર્સ છે. આ ઇન્ફ્લુએન્સરે ઘણી મોટી હસ્તીઓના ઇન્ટરવ્યુ લીધા છે. જેના કારણે તે સોશિયલ મીડિયા પર ખૂબ જ ચર્ચિત છે. ફોંગે FTXના સ્થાપક સેમ બેંકમેન-ફ્રાઈડ સાથે એક ખાસ મુલાકાત પણ કરેલી છે.

મસ્કે ફોંગને મેસેજ મોકલ્યો

WSJના રિપોર્ટ મુજબ, મસ્કે 2024માં X પર ફોંગ સાથે ચેટ કરવાનું શરૂ કર્યું હતું. વાતચીત શરૂ થયા પછી, ફોંગને X પર સારી ઓળખ મળવા લાગી. જેના કારણે ફોંગ ખૂબ ખુશ હતી. તે પછી, વિશ્વના સૌથી ધનિક વ્યક્તિ મસ્કે ફોંગને એવો પ્રશ્ન પૂછ્યો કે તે આશ્ચર્યચકિત થઈ ગઈ. ફોંગ માટે આ અજીબ હતું કારણ કે, તે ક્યારેય મસ્કને મળી પણ નહોતી. તે મસ્કને ફક્ત સોશિયલ મીડિયા દ્વારા જ ઓળખતી હતી.

મસ્કની ઓફરથી ફોંગ ગભરાઈ

ફોંગે મસ્કની ઓફર નકારી કાઢી. જેના માટે તેણે મસ્કને કારણ આપ્યું કે, તે ટ્રેડિશનલ પરિવાર રાખવા માંગે છે. જર્નલ અનુસાર, ફોંગ તરફથી “ના” સાંભળ્યા પછી મસ્કે ફોંગને X પર અનફોલો કરી કાઢી. આ પછી, ફોંગને ડર હતો કે આનાથી તેના X પરના વધતા ફોલોઅર્સ પર અસર પડી શકે છે.

યુનાઈટેડ સ્ટેટ્સ, જે વિશ્વમાં યુનાઈટેડ સ્ટેટ્સ ઑફ અમેરિકા અથવા અમેરિકા તરીકે ઓળખાય છે, તે મુખ્યત્વે ઉત્તર અમેરિકામાં આવેલો દેશ છે. અમેરિકાના અન્ય સમાચાર વાંચવા માટે અહીં ક્લિક કરો..