India China Border Dispute: ચીનની અક્કલ આવી ઠેકાણે, 18માં રાઉન્ડની સૈન્ય વાતચિત બાદ આપ્યું મોટુ નિવેદન

ભારત અને ચીન વચ્ચે કોર્પ્સ કમાન્ડર સ્તરની 18માં રાઉન્ડની બેઠક બાદ ચીનનું નિવેદન સામે આવ્યું છે. ચીનના રક્ષા મંત્રાલયે મંગળવારે કહ્યું છે કે ચીન અને ભારત બંને ક્ષેત્રમાં શાંતિ અને સ્થિરતા જાળવવા માટે સંમત થયા છે. ચીનના સંરક્ષણ મંત્રાલયના જણાવ્યા અનુસાર, બંને દેશો પશ્ચિમી વિભાગ સાથે સંબંધિત મુદ્દાઓને ઉકેલવા માટે સૈન્ય અને રાજદ્વારી માધ્યમો દ્વારા વાતચીત જાળવવા માટે સંમત થયા છે.

આ પણ વાચો: Pakistan: દોસ્ત બન્યા દુશ્મન! પાકિસ્તાન પર ચીનની સ્ટ્રાઈક, ચીને આપી ધમકી, જાણો સમગ્ર અહેવાલ

તમને જણાવી દઈએ કે, ચીનનું આ નિવેદન એવા સમયે સામે આવ્યું છે જ્યારે હાલમાં જ બંને દેશોના સૈન્ય અધિકારીઓ વચ્ચે 18મી રાઉન્ડની બેઠક યોજાઈ હતી. આ બેઠક રવિવારે પૂર્વ લદ્દાખ સેક્ટરમાં ચુશુલ મોલ્ડો મીટિંગ પોઈન્ટ પર થઈ હતી. બંને દેશો વચ્ચે આ બેઠક 5 મહિના પછી થઈ હતી, જેમાં ભારત તરફથી ફાયર ફ્યુરી કોર્પ્સ કમાન્ડર લેફ્ટનન્ટ જનરલ રશિમ બાલીએ ભાગ લીધો હતો.

ચીનના રક્ષા મંત્રી ભારત આવશે

મળતી માહિતી મુજબ, આ બેઠક દરમિયાન ઘણા મુદ્દાઓ પર ખુલ્લેઆમ ચર્ચા કરવામાં આવી હતી અને ખૂબ વિગતવાર ચર્ચા કરવામાં આવી હતી. G20 સંમેલન માટે ચીનના રક્ષા મંત્રી ભારત આવી રહ્યા છે. દરમિયાન, આ બેઠક અને ત્યારબાદ ચીનના સંરક્ષણ મંત્રાલયના નિવેદનને ખૂબ જ મહત્વપૂર્ણ માનવામાં આવી રહ્યું છે. કહેવામાં આવી રહ્યું છે કે 18મા રાઉન્ડની વાતચીત દરમિયાન ઘણા વણઉકેલાયેલા મુદ્દાઓ પર ચર્ચા કરવામાં આવી હતી.

ચીની સૈનિકોએ હથિયારો સાથે LACની આ બાજુ આવવાનો પ્રયાસ કર્યો હતો

અગાઉ આ બેઠક 5 મહિના પહેલા એટલે કે ડિસેમ્બરમાં થઈ હતી. તમને જણાવી દઈએ કે તેની શરૂઆત કમાન્ડર સ્તરેથી થઈ હતી, જ્યારે ત્રણ વર્ષ પહેલા એટલે કે વર્ષ 2020માં ચીની સૈનિકોએ હથિયારો સાથે LACની આ બાજુ આવવાનો પ્રયાસ કર્યો હતો અને LACને બદલવાનો પ્રયાસ કર્યો હતો. બીજી તરફ, બંને દેશો સરહદની નજીક ઝડપથી નિર્માણ કાર્યમાં લાગેલા છે, જેથી તેઓ તેમની સ્થિતિને વધુ મજબૂત કરી શકે.

ચીને અરુણાચલ પ્રદેશમાં ઘણી જગ્યાઓના નામ પણ બદલ્યા

ચીને અમિત શાહના અરૂણાચલ પ્રવાસ પર કહ્યું કે ભારતીય મંત્રીની ઝાંગનાનની મુલાકાત ચીનની પ્રાદેશિક સંપ્રભુતાનું ઉલ્લંઘન કરે છે. સરહદ પર શાંતિ માટે આ સારું નથી. ચીન અરુણાચલ પ્રદેશને પોતાનો દાવો કરે છે અને તેને દક્ષિણ તિબેટ કહે છે. તાજેતરમાં તેણે અરુણાચલ પ્રદેશમાં ઘણી જગ્યાઓના નામ પણ બદલ્યા હતા.

15 જગ્યાના ચાઈનીઝ નામ રાખ્યા

2017માં ડોકલામ વિવાદ બાદથી ચીને અરુણાચલ પ્રદેશમાં ઘણી જગ્યાઓના નામ ત્રણ વખત બદલ્યા છે. 2017માં તેણે 6 જિલ્લાના નામ બદલી નાખ્યા હતા. આ પછી ગયા વર્ષે ડિસેમ્બરમાં પણ તેણે 15 જગ્યાના ચાઈનીઝ નામ રાખ્યા અને હવે તેણે 11 જગ્યાના નામ બદલી નાખ્યા. તેના પર પણ ભારતે તેને સીધો જવાબ આપ્યો અને દરેક દાવાને નકારી કાઢ્યા.

 “એક ઈંચ જમીન પણ કોઈ લઈ શકતું નથી”

અમિત શાહે પણ અરુણાચલ પ્રદેશમાંથી ચીનને સીધો જવાબ આપ્યો. તેમણે કહ્યું કે હવે એ સમય નથી જ્યારે કોઈ ભારતની જમીન પર અતિક્રમણ કરી શકે. આજે દેશની એક ઈંચ જમીન પણ કોઈ લઈ શકતું નથી. તેમણે સ્પષ્ટ શબ્દોમાં કહ્યું હતું કે ચીન હવે સોયના નાકા જેટલી પણ જમીન પર કબજો કરી શકશે નહીં.

ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

આંતરરાષ્ટ્રીય સમાચાર વાંચવા માટે જોડાયેલા રહો…