સીરિયામાં મોટો આતંકી હુમલો, 53 લોકોના દર્દનાક મોત, ISIS પર લાગ્યા આરોપ
સીરિયાના અલ-સોખાના શહેરમાં વર્ષનો સૌથી મોટો આતંકવાદી હુમલો થયો છે. જેમાં 53 લોકોના મોતની જાણકારી મળી રહી છે.
સીરિયામાં આતંકવાદી હુમલામાં 53 લોકોના દુઃખદ મોત થયા છે. કહેવામાં આવી રહ્યું છે કે આ હુમલો ઈસ્લામિક સ્ટેટ દ્વારા કરવામાં આવ્યો છે. સીરિયાના અલ-સોખાના શહેરમાં શુક્રવારે થયેલા વિસ્ફોટને એક વર્ષમાં સૌથી મોટો આતંકવાદી હુમલો માનવામાં આવે છે. હોસ્પિટલના એક ડોક્ટરે જણાવ્યું કે હુમલામાં 46 નાગરિકો અને સાત સેનાના જવાનો માર્યા ગયા. તેમણે જણાવ્યું કે હુમલા બાદ તેઓને મૃતદેહ લાવવામાં આવ્યા હતા, જેમાં ડઝનબંધ લોકો ઘાયલ પણ થયા હતા.
બ્લાસ પાછળ ISISનો હાથ !
મીડિયા અહેવાલો અનુસાર યુએસ સેન્ટ્રલ કમાન્ડના એક અધિકારીએ જણાવ્યું હતું કે હુમલામાં ચાર યુએસ સૈન્ય કર્મચારીઓ ઘાયલ થયા હતા જ્યાં ઇસ્લામિક સ્ટેટના એક નેતાનું મોત થયું હતું. નિવેદનમાં એમ પણ કહેવામાં આવ્યું છે કે ISISનો હમઝા અલ-હોમસી માર્યો ગયો છે અને અમેરિકી સૈન્ય કર્મચારીઓની ઇરાકની હોસ્પિટલમાં સારવાર ચાલી રહી છે.
સામાન્ય લોકોને નિશાન બનાવી રહ્યું છે આતંકવાદી સંગઠન
છેલ્લા એક વર્ષમાં આતંકી સંગઠન દ્વારા કરવામાં આવેલા નિશાનોમાં મહિલાઓ અને બાળકો સહિત ડઝનેક લોકો માર્યા ગયા છે. સીરિયાના સેન્ટ્રલ, નોર્થ ઈસ્ટર્ન અને ઈસ્ટર્ન વિસ્તારમાં છેલ્લા વર્ષમાં અનેક આતંકી હુમલા કરવામાં આવ્યા છે. ગયા શુક્રવારે આવા જ હુમલામાં 16 લોકો માર્યા ગયા હતા, જેમાં મોટાભાગે નાગરિકો હતા. આવા હુમલાઓ પર નજર રાખનારી સંસ્થાએ કહ્યું કે હુમલામાં ઘણા લોકોનું અપહરણ કરવામાં આવ્યું છે, જેમાં 25ને છોડી દેવામાં આવ્યા છે, પરંતુ અન્ય ગુમ થયેલા લોકો વિશે કોઈ માહિતી નથી. ત્યારે આતંકવાદીઓને ખતમ કરવા માટે, સીરિયન અને રશિયન હેલિકોપ્ટર પણ સમયાંતરે અભિયાન ચલાવી રહ્યું છે.
Latest News Updates
