Breaking news : યુએસ આર્મીના 2 બ્લેક હોક હેલિકોપ્ટર ક્રેશ, 9 સૈનિકોના મોત
અમેરિકાના કેન્ટુકીમાં યુએસ આર્મીના બે બ્લેક હોક હેલિકોપ્ટર ક્રેશ થયા છે. નિયમિત તાલીમ ચાલી રહી હતી ત્યારે આ અકસ્માત થયો હતો. આ દુર્ઘટનામાં 9 જવાનોના મોત થયા છે.
યુએસ આર્મીના 2 હેલિકોપ્ટર ક્રેશ થયા છે. આ અકસ્માતમાં 9 જવાનોના મોતના સમાચાર છે. આ ઘટના કેન્ટુકીમાં બની હતી. આ ઘટના ટ્રેનિંગ મિશન દરમિયાન બની હતી. 101 એરબોર્ન ડિવિઝને ટ્વિટ કરીને તેની પુષ્ટિ કરી છે. ટ્વીટમાં કહેવામાં આવ્યું હતું કે અમે એ વાતની પુષ્ટિ કરી શકીએ છીએ કે 101માંના 2 એરક્રાફ્ટ ગઈકાલે રાત્રે અકસ્માતનો ભોગ બન્યા હતા. અત્યારે અમારું ધ્યાન જવાનો અને તેમના પરિવારો પર છે જેઓ આમાં સામેલ હતા. અકસ્માતના કારણોની તપાસ કરવામાં આવી રહી છે. આંતરરાષ્ટ્રીય સમાચાર અહીં વાંચો.
અમેરિકન સમય અનુસાર આ ઘટના બુધવારે રાત્રે લગભગ 10 વાગ્યાની આસપાસ બની હતી. અકસ્માતની જાણ થતાં જ પોલીસ ઘટનાસ્થળે પહોંચી ગઈ હતી, અને રાહત અને બચાવ કામગીરી શરૂ કરી દીધી હતી. આ અકસ્માત કેન્ટુકીના ટ્રિગ કાઉન્ટીમાં થયો હતો. બંને હેલિકોપ્ટર ફોર્ટ કેમ્પબેલથી લગભગ 48 કિલોમીટર દૂર હતા. ફોર્ટ કેમ્પબેલ ટેનેસી સરહદ નજીક સ્થિત છે.
આ પણ વાંચો : ફિલિપાઈન્સમાં 250 મુસાફરોને લઈને જતી બોટમાં લાગી આગ,12 લોકોના મોત, જીવ બચાવવા પાણીમાં કૂદેલા ઘણા લાપતા
દુર્ઘટના સ્થળથી થોડે દૂર રહેતા એક વ્યક્તિએ જણાવ્યું કે દુર્ઘટના પહેલા તેણે બંને હેલિકોપ્ટરને તેના ઘરની ઉપરથી ઉડતા જોયા હતા. હું અને મારી પત્ની બેઠા હતા અને મેં કહ્યું વાહ, બે હેલિકોપ્ટર ખૂબ જ નીચે દેખાય છે અને બંને એકબીજાની નજીક છે.
તેણે આગળ કહ્યું કે થોડી વાર પછી અમે જોયું કે આકાશમાં ફટાકડા જેવું લાગતું હતું. હેલિકોપ્ટરની બધી લાઈટો ઓલવાઈ ગઈ. જાણે તે અચાનક ગાયબ થઈ ગયો હતો. પછી અમે અગ્નિના ગોળા જેવી ચમક જોઈ. આ પ્રકારની તાલીમ થાય છે અને હેલિકોપ્ટર પણ નીચે ઉડે છે પરંતુ બે હેલિકોપ્ટર ખૂબ નજીક નથી. અમે બંનેને એક પછી એક સાથે જોયા. પ્રથમની પાછળ જ બીજો આવ્યો. પછી બંને એક સાથે ઉડવા લાગ્યા.
ગયા મહિને પણ અલાબામા હાઈવે પર એક બ્લેક હોક હેલિકોપ્ટર ટ્રેનિંગ દરમિયાન ક્રેશ થયું હતું. જેમાં ટેનેસી નેશનલ ગાર્ડના 2 પાયલટ શહીદ થયા હતા.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
Latest News Updates
