Afghanistan: ધડાકાઓને લઈ ક્રિકેટર રાશિદ ખાને કહ્યુ, કાબુલ લોહિલુહાણ ! દિલની પીડા સાથે કરી આ અપીલ
ક્રિકેટર રાશિદ ખાન (Rashid Khan) પોતાના દેશની સ્થિતીને લઇને દુઃખી થઇ ચુક્યો છે. તેનુ દુઃખ હવે જોવા મળી રહ્યુ છે. ગુરુવારે અફઘાનિસ્તાનના કાબુલ એરપોર્ટ પર થયેલા સિરીયલ બોમ્બ બ્લાસ્ટમાં મોટી સંખ્યામાં લોકોએ જીવ ગુમાવ્યાના સમાચાર હતા.
તમે રાશિદ ખાન (Rashid Khan) ને ઘણી વખત ક્રિકેટ પીચ પર બેટ્સમેનોની વિકેટ માટે અમ્પાયરને અપીલ કરતા જોયા હશે. પરંતુ તાજેતરના સમયમાં, તે ટ્વિટરની પીચ પર પણ સતત આ જ કામ કરી રહ્યો છે. રશીદ પોતાના દેશમાં અરાજકતા વિશે ખૂબ દુખી છે. તેની પીડા હવે દેખાઈ રહી છે. અફઘાનિસ્તાનના કાબુલ એરપોર્ટ પર ગુરુવારે થયેલા સિરિયલ બોમ્બ બ્લાસ્ટ (Kabul Blast) માં 13 અમેરિકન સૈનિકો સહિત મોટી સંખ્યામાં લોકોના મોતના અહેવાલ છે. આ ઘટનાએ રાશિદ ખાનને હચમચાવી દીધા છે.
કાબુલ બોમ્બ બ્લાસ્ટની રાશિદ ખાનના મન પર એટલી ઉંડી અસર પડી કે તેણે બધું જ છોડી, વિનંતી કરવા લાગ્યો છે. રાશિદ ખાને સોશિયલ મીડિયાની મદદથી સૌથી પહેલા મોટી અપીલ કરી દીધી. પોતાની અપીલમાં તેણે લખ્યું, કાબુલ ફરી લોહીલુહાણ થયું. મહેરબાની કરીને અફઘાનીઓને મારવાનું બંધ કરો.
Kabul is bleeding again 😢😢💔💔 STOP KILLING AFGHAN PLEASE 🙏🙏😢😢🇦🇫🇦🇫
— Rashid Khan (@rashidkhan_19) August 26, 2021
કાબુલ બોંબ ધડાકામાં થયુ ખૂબ નુકશાન
અમેરિકન મીડિયા અનુસાર, કાબુલ એરપોર્ટ પર બોમ્બ બ્લાસ્ટ એક આત્મઘાતી બોમ્બર હુમલો હતો. કાબુલ એરપોર્ટ પર થયેલા આ બોમ્બ બ્લાસ્ટની અસર વિશ્વના રાજકીય પણ દેખાઈ રહી છે. કાબુલ એરપોર્ટની બહાર બોમ્બ વિસ્ફોટની શક્યતા પહેલાથી જ આગાહી કરવામાં આવી હતી. છેલ્લા એક સપ્તાહથી કાબુલ એરપોર્ટની બહાર હજારો અફઘાન નાગરિકો ભેગા થયા છે, જે વિઝા અને પાસપોર્ટના અભાવે પ્રવેશ કરી શકતા નથી.
એ જ દરમ્યાન, એવા પણ સમાચાર છે કે હવે તાલિબાને કોઈપણ અફઘાન નાગરિકને દેશ છોડવાની મંજૂરી ન આપવાની જાહેરાત કરી છે. જેના કારણે પરિસ્થિતિ વધુ મુશ્કેલ બની રહી છે.
રાશિદે ખાને સતત અવાજ ઉઠાવ્યો
આવી સ્થિતિમાં અફઘાનિસ્તાનના ક્રિકેટર રાશિદ ખાનનું દુઃખ સમજી શકાય છે. જ્યારે તાલિબાન અફઘાનિસ્તાન પર કબજો કરી રહ્યા હતા, ત્યારે પણ તેણે તેના દેશને બચાવવા માટે વિશ્વભરના વિશ્વના નેતાઓને અપીલ કરી હતી.
Dear World Leaders! My country is in chaos,thousand of innocent people, including children & women, get martyred everyday, houses & properties being destructed.Thousand families displaced.. Don’t leave us in chaos. Stop killing Afghans & destroying Afghaniatan🇦🇫. We want peace.🙏
— Rashid Khan (@rashidkhan_19) August 10, 2021
પાકિસ્તાન સામેની સિરીઝ પણ ટળી હતી
તાલિબાનના કબજા બાદ પાકિસ્તાન સાથે અફઘાનિસ્તાનની વન-ડે શ્રેણી મુલતવી રાખવામાં આવી છે. હવે T20 વર્લ્ડકપમાં તેમના રમવાને લઇ સસ્પેન્સના વાદળો ઘેરાયા છે. જોકે, અફઘાનિસ્તાન ક્રિકેટ બોર્ડ આઇસીસી ઇવેન્ટ માટે નિશ્વિત હોવાનો પોતાનો દાવો કહી રહ્યું છે. પરંતુ, અત્યારે કંઇ કહી જ શકાય નહીં.
આ પણ વાંચોઃ IND vs ENG: વિરાટ કોહલી દ્વારા વિકેટ બાદ દર્શાવાતી આક્રમકતા ગાવાસ્કરને ખૂંચવા લાગી, કહ્યું ચીસો પાડવાને બદલે આમ કરો!
આ પણ વાંચોઃ IPL 2021: ચેન્નાઇ સુપર કિંગ્સને વેસ્ટઇન્ડીઝથી મળ્યા ખુશખબર, CSK નો આ ‘ચેમ્પિયન’ ક્રિકેટર દેખાયો જબરદસ્ત રંગમાં
Latest News Updates
