કોને કેટલા કેલ્શિયમની જરૂર પડે છે ! જો શરીરમાં કેલ્શિયમનું પ્રમાણ વધી જાય તો સ્વાસ્થ્યને નુકસાન થાય ?

કેલ્શિયમ હાડકાં અને દાંતના સ્વાસ્થ્ય માટે અત્યંત આવશ્યક છે તેમજ સ્નાયુઓના કાર્ય, ચેતા સંકેતો અને હોર્મોનલ સંતુલન માટે પણ મહત્વપૂર્ણ છે. શું તમને પણ લાગે છે કે કેલ્શિયમ ફક્ત તમારા સ્વાસ્થ્ય પર હકારાત્મક અસર કરે છે? જો હા, તો તમારે આ ગેરસમજને શક્ય તેટલી વહેલી તકે દૂર કરવી જોઈએ.

Manish Gangani | Updated on: Jul 05, 2025 | 3:36 PM

કોઈપણ વસ્તુનું વધુ પડતું સેવન સ્વાસ્થ્ય માટે હાનિકારક હોઈ શકે છે. આ જ કારણ છે કે આરોગ્ય નિષ્ણાતો ઘણીવાર સંતુલિત આહાર લેવાની ભલામણ કરે છે. કેલ્શિયમની વધુ માત્રા તમારા શરીર પર સકારાત્મક અસરને બદલે નકારાત્મક અસર પણ કરી શકે છે. ચાલો જાણીએ કે વધુ કેલ્શિયમ લેવાથી કઈ કઈ આડઅસરો થાય.

પથરીનું જોખમ વધી શકે છે

વધારે કેલ્શિયમ પથરીનું જોખમ વધારી શકે છે. આ ઉપરાંત જ્યારે શરીરમાં કેલ્શિયમનું સ્તર ખૂબ ઊંચું થઈ જાય છે, ત્યારે તમે હાઇપરકેલેસીમિયાનો ભોગ પણ બની શકો છો. હાઇપરકેલેસીમિયા દરમિયાન, ભૂખ ન લાગવી, તરસ વધવી, વારંવાર પેશાબ કરવો, ઉલટી થવી અથવા કબજિયાત જેવા લક્ષણો દેખાઈ શકે છે.

માનસિક સ્વાસ્થ્ય માટે પણ હાનિકારક

વધારે કેલ્શિયમ ફક્ત તમારા શારીરિક સ્વાસ્થ્ય પર જ નહીં પરંતુ તમારા માનસિક સ્વાસ્થ્ય પર પણ નકારાત્મક અસર કરી શકે છે. વધુ પડતું કેલ્શિયમ લેવાથી ડિમેન્શિયાનું જોખમ વધી શકે છે અને તમારા મગજના સ્વાસ્થ્ય પર ખરાબ અસર પડી શકે છે. જો તમારા શરીરમાં વધુ પડતું કેલ્શિયમ હોય, તો તમારે તાત્કાલિક સારા ડૉક્ટરનો સંપર્ક કરવો જોઈએ.

નોંધપાત્ર મુદ્દો: કોને કેટલા કેલ્શિયમની જરૂર પડે

તે સમજવું ખૂબ જરૂરી છે. કેલ્શિયમ એ આપણા હાડકાં અને દાંત માટે એક મહત્વપૂર્ણ બિલ્ડિંગ બ્લોક (રચના કરનાર ઘટક) છે. દરેકને તેની જરૂર હોય છે, પરંતુ તમે કયા ઉંમરના છો, તમે પુરુષ છો કે સ્ત્રી, તેના આધારે તેનું પ્રમાણ બદલાય છે.

નાના બાળકો અને કિશોરો:

0-6 મહિનાનું બાળક : 200 મિલિગ્રામ.
7-12 મહિનાનું બાળક: 260 મિલિગ્રામ.
1-3 વર્ષનું બાળક : 700 મિલિગ્રામ.
4-8 વર્ષનું બાળક : 1,000 મિલિગ્રામ.

તરુણો (છોકરાઓ અને છોકરીઓ):

9-18 વર્ષના : 1,300 મિલિગ્રામ.

પુખ્ત વયના (પુરુષો અને સ્ત્રીઓ):

19-50 વર્ષ : 1,000 મિલિગ્રામ

વૃદ્ધ પુખ્ત વયના (પુરુષો અને સ્ત્રીઓ):

51+ વર્ષ : 1,200 મિલિગ્રામ

શું તમે પણ વિચારી રહ્યા છો કે વધુ પડતા કેલ્શિયમ વિશે કેવી રીતે જાણવું? વધુ પડતો થાક, કબજિયાત, મૂંઝવણ, ઉલટી, વધુ પડતી તરસ, વારંવાર પેશાબ, આવા લક્ષણો વધુ પડતા કેલ્શિયમ તરફ ઈશારો કરી શકે છે. જો તમને એક સાથે આવા લક્ષણો અનુભવાઈ રહ્યા હોય, તો તમારે સાવચેત રહેવું જોઈએ.

આ લેખમાં સૂચવેલ ટિપ્સ ફક્ત સામાન્ય માહિતી માટે છે. સ્વાસ્થ્ય સંબંધિત કોઈપણ પ્રકારનો ફિટનેસ પ્રોગ્રામ શરૂ કરતા પહેલા અથવા તમારા આહારમાં કોઈપણ ફેરફાર કરતા પહેલા અથવા કોઈપણ રોગ સંબંધિત કોઈપણ ઉપાય લેતા પહેલા, તમારા ડૉક્ટરની સલાહ લો.